السلام عليكم ورحمة الله وبركاته
استاذتي الغاليه موزه
كل ما اشوف جهودج المبذوله لمساعدة الناس ادعي لج من قلبي ان الله يوفقج .. فعلا نحن صرنا في زمن محتاجين ناس امثالج
استاذتي : انا عندي مشكلتي في زوجي .. زوجي انسان غريب اول مره اشوف مثله في الرجال
نحن متزوجين من ثلاث سنوات وعندي منه بنت وولد .. وهو يحبني لله الحمد وانا احبه .. ملتزم وطيب
بس فيه شي غريب يقهرني ويحيرني .. وهذا الشي مخلي بينا خلافات .. طريقة تفكيره يا استاذه ما ادري كيف .. وبعطيج امثله:
انا لله الحمد فيني جمال بس احب اتزين واكشخ حتى اربيعاتي يقلدوني من زود ما تعجبهم كشختي .. بس تعالي شوفي ريلي اذا شافني حاطه مكياج يقول لي هذي الاصباغ كلها سموم وتخرب بشرتج
ماله داعي اتسوينها.. اذا اتكحلت يقول شو هذا اللي حاطه في عيونج مب زين .. اذا اتعطرت يقول ماله داعي تتعطرين بيسود جسمج
اذا قلت له تعال بسوي لك مساج ( طبعا ابي اسوي ليله حلوه نستانس فيها) والله يا دكتوره يشرد مني ويقول لا انا ما احب الزيوت طبعا ما في امل في الزيوت العطريه ما يبيها لانها سموم اذا قلت انزين بزيت زيتون بعد ما فيه امل
اشتري استكرات اللي تتلصق ع الجسم وتكون بنكهات يقول هذي مضره ..
امس يا استاذه نمت وانا معصبه لاني كنت حاطه كحل بلمعه .. وبقت بس لمعة الكحل في عيوني وانا متعمده لانها مطلعه شكل عيوني حلوه والله انه حطمني هذا سم وهذا مب زين انتي تلعبين في عمرج وانتي وانتي ..
امس سرت بيت ابوي وحطيت شدو وكحل في الليل يقول لي حق شو حاطه بيت ابوج مكياج ماله داعي اذ في مناسبه ولا عرس بنقول ما عليه اما بس جيه ليش مب لازم..
وانا عندي ضعف في نظري والبس نظاره بس لما اطلع من البيت البس عدسات والحين طايح فيني العدسات مضره وتخرب العيون لا تلبسينها اقول له ما يستوي لاني اغطي عيوني عاد تخيلوا شكلي بنظاره وفوقها غطوه .. يقول هذا همكم يالحريم المظاهر ما تهمكم صحتكم اففف صدق يقهر
والله يا استاذه انه صغير عمره ثلاثين توه بس احس تفكيره شايب ولا تسعين سنه بالعكس الشياب هالزمن يموتون ع هالسوالف
انا انسانه مبدعه واحب ابتكر في اللبس والكشخه وحتى في الفراش واحيانا تطلع لي افكار تينن بس هو يذبحني بتفكيره احسه مال اول وااايد
مع ان ربعه مب مثله بالعكس .. اخاف اسوي اللي يبيه واصير مال اول يروح يتزوج علي . شو اسوي وكيف اتعامل معاه
ما في مره في حياته قال لي هالشي حلو ولا هذي الطريقه حلوه ولا قميص نومج يجنن
ابد ابد وكله ساكت حتى وقت الجماع ما اذكر انه مدحني مره .. ما يعترف بالكماليات ابدا ابدا بس يبي الضروريات
وهو انواع العطور عنده و يشتري متى ما حب ولما يطلع برع البيت ولا دوام والله يا استاذه يتسبح بالعطر.. وانا اذا بغيت اشتري لي قول البيت مليان عطور خلصيهم بعدين اشتري
شو اسوي له والله ما اعرف..؟؟
استاذتي الغاليه موزه
كل ما اشوف جهودج المبذوله لمساعدة الناس ادعي لج من قلبي ان الله يوفقج .. فعلا نحن صرنا في زمن محتاجين ناس امثالج
استاذتي : انا عندي مشكلتي في زوجي .. زوجي انسان غريب اول مره اشوف مثله في الرجال
نحن متزوجين من ثلاث سنوات وعندي منه بنت وولد .. وهو يحبني لله الحمد وانا احبه .. ملتزم وطيب
بس فيه شي غريب يقهرني ويحيرني .. وهذا الشي مخلي بينا خلافات .. طريقة تفكيره يا استاذه ما ادري كيف .. وبعطيج امثله:
انا لله الحمد فيني جمال بس احب اتزين واكشخ حتى اربيعاتي يقلدوني من زود ما تعجبهم كشختي .. بس تعالي شوفي ريلي اذا شافني حاطه مكياج يقول لي هذي الاصباغ كلها سموم وتخرب بشرتج
ماله داعي اتسوينها.. اذا اتكحلت يقول شو هذا اللي حاطه في عيونج مب زين .. اذا اتعطرت يقول ماله داعي تتعطرين بيسود جسمج
اذا قلت له تعال بسوي لك مساج ( طبعا ابي اسوي ليله حلوه نستانس فيها) والله يا دكتوره يشرد مني ويقول لا انا ما احب الزيوت طبعا ما في امل في الزيوت العطريه ما يبيها لانها سموم اذا قلت انزين بزيت زيتون بعد ما فيه امل
اشتري استكرات اللي تتلصق ع الجسم وتكون بنكهات يقول هذي مضره ..
امس يا استاذه نمت وانا معصبه لاني كنت حاطه كحل بلمعه .. وبقت بس لمعة الكحل في عيوني وانا متعمده لانها مطلعه شكل عيوني حلوه والله انه حطمني هذا سم وهذا مب زين انتي تلعبين في عمرج وانتي وانتي ..
امس سرت بيت ابوي وحطيت شدو وكحل في الليل يقول لي حق شو حاطه بيت ابوج مكياج ماله داعي اذ في مناسبه ولا عرس بنقول ما عليه اما بس جيه ليش مب لازم..
وانا عندي ضعف في نظري والبس نظاره بس لما اطلع من البيت البس عدسات والحين طايح فيني العدسات مضره وتخرب العيون لا تلبسينها اقول له ما يستوي لاني اغطي عيوني عاد تخيلوا شكلي بنظاره وفوقها غطوه .. يقول هذا همكم يالحريم المظاهر ما تهمكم صحتكم اففف صدق يقهر
والله يا استاذه انه صغير عمره ثلاثين توه بس احس تفكيره شايب ولا تسعين سنه بالعكس الشياب هالزمن يموتون ع هالسوالف
انا انسانه مبدعه واحب ابتكر في اللبس والكشخه وحتى في الفراش واحيانا تطلع لي افكار تينن بس هو يذبحني بتفكيره احسه مال اول وااايد
مع ان ربعه مب مثله بالعكس .. اخاف اسوي اللي يبيه واصير مال اول يروح يتزوج علي . شو اسوي وكيف اتعامل معاه
ما في مره في حياته قال لي هالشي حلو ولا هذي الطريقه حلوه ولا قميص نومج يجنن
ابد ابد وكله ساكت حتى وقت الجماع ما اذكر انه مدحني مره .. ما يعترف بالكماليات ابدا ابدا بس يبي الضروريات
وهو انواع العطور عنده و يشتري متى ما حب ولما يطلع برع البيت ولا دوام والله يا استاذه يتسبح بالعطر.. وانا اذا بغيت اشتري لي قول البيت مليان عطور خلصيهم بعدين اشتري
شو اسوي له والله ما اعرف..؟؟
