افترقنا بعد زواج كمل 20 سنه بعد عشق وحب وتضحيه

[غدا مختلف]

السلام عليكم خواتي في الله ودي افضفض لكم واقولكم معاناتي انا وزوجي نعشق بعض وحياتنا مستقره وسعيده وليا 20 سنه متزوجه وعندي اولاد وبنات وانا اهتم بنفسي وجميله بشهادة زوجي وبعد هالعشره والتضحيات بعد ماصار غني وزادت فلوسه قال انتي ماتكفيني وانا حار بالجنس لاجتك الدوره وش اسوي ولا سافرت انتداب وش اسوي آه كل هالسنين معي وكارفني لاليلي ليل ولا نهاري نهار من الجماع وكنت البيله احتياجه يوم وصا لعمر خمسين وزادت فلوسه قال ماتكفيني وحده حسبي الله عليه ونعم الوكيل وانا وش كان دوري معككنت دايم اقعطي واهتم وامتعه والبس وهو مقصر معي بأشياء كثيره لالبس لاريحه لاتروش قبل النوم واقول اهم شي هو ينبسط واكتشفت اوراق كثيره مجهز لزواجه شقه اثاث غرفة نوم ملابي انا صرت انتفض مب مصدقه معقوله بعد هالحب والتضحيه والي بنيناه سوى ويتزوج علي واجهته وقلبي يحترق ويتقطع آه اصعب احساس مر علي بحياتي وجانني انهيار عصبي

 

[حياتي بناتي وبس]

والله انه أصعب احساس تحسيه ولاتقدرين توصفيه لاكن الله يصبر قلبك حبيبتي
أنتي كم عمرك مدام انه مجهز نفسه ومضبط أموره مراح تقدرين تمنعيه لاكن خليك ببيتك ومع أولادك واشرطي عليه الي تبغيه ولاتتنازلين عن حقوقك مهما صار
الله يوفقك ياقلبي

 

[غدا مختلف]

واجهته ترجيته لايدمر نفسيتي وبيتي حاولت وحاولت قال لازم اكمل وزواجي بعد عشرة ايام ليتني مت قبل لاأدري كرهت نفسي كرهت ايامي الي قضيته عشانه كرهت بيتي كرهت الدنيا كلها لاطعم لالون شافني اتعذب لانوم لاأكل لمدة ست شهور بين الحياة والموت انهيار عصبي حاد ولا حركت ساكن عنده وبعد هالعذاب ماقدرت اتحمل ماقدرت قلت خلاص كل شي بيني وبينك انتهى ببقا لعيالي وبس مابي اشوفك نهائي لاشفته اتعذب اموت حسره على العشره

 

[حياتي بناتي وبس]

الله يعيينك طب هو ايش نمطه هاذا مقدر لك
ان شاء الله يرجع نادم ومتحسف على اللحظه الي فكر فيها يتزوج عليك
بس خلاص لاتتعبين نفسك جاتك أمراض وهو ولا همه عايش حياته ولافكر فيك وانتي عيشي حياتك ولاتفكرين فيه
والله لو يجيك شئ محد حيفيدك
انتبهي لنفسك وهاذا نصيبك

 

[وفاء عمرى]

يا ويلي عليك ياقلبي والله انك حرقت قلبي عليك لانى مريت بنفس الظروف وشفت الموت بعيونى بسببه وبسبب الانهيار العصبي اللي سببه لي وبكيت كثير وعشت اشهر بدون اكل ولا نوم يادوب اغفى من الارهاق الشديد من التفكير فيه كدت اجن بسببه ومن اجله لكن اللهم لك الحمد مرت هالايام بعد صبر والم وعذاب لكن لحد الان اعاني بس الحمد لله دايما احدث نفسي انى احسن من غيري بكثير والدنيا ملانه مصايب وامراض وهموم ومتاعب ومافيها انسان مرتاح ثقي تماما حالنا حالهم لابد من التصبر وقوة التحمل بالصلاة والقران والدعاء والاكثار من ذكر الله وكل هذا كفيل ان يضمن لك الرضى بماقسم الله لك وستشعرين براحه نفسيه باذن الله حبيبتي وعن جد قلبي معك يالغاليه

 

[حياتي بناتي وبس]

بنات بسالكم أنا أقول ممكن لو زوجي صار عنده فلوس ممكن يتزوج علي والحين هو يجمع عشان يبني لنا بيت ولو بيتزوج يقدر يفتح ثلاث بيوت بس أقول يتزوج مدام مو مقصر معاي والا مع اولادي وأقول راح اجلس في بيتي وهاازعل اكيد بس مو لدرجه اني انهار وهاذا حقه في النهايه
واوقات أقول ماراح اخليه يتهنا في حياته وهاانكد عليه واقهره مثل ماقهرني خصوصا ان زوجي الموضوع في باله حتى لو ماتزوج الحين راح يتزوج بعدين
بس أوقات تجيني الأفكار هاذي بس اتعوذ من الشيطان واوقات مااقدر تغلبني الأفكار واجلس اصيح واتخيل وهو رايح لها أو جاي من عندها
وكل مااسمع ان وحده زوجها اتزوج عليها أو اشوف موضوع لوحده امسك دموعي غصب عني واتخيل نفسي مكانها


اعذريني ياصاحبه الموضوع بس حبيت افضفض
وأنتم بايش تنصحوني

 

[شوق وألم]

تذكروا إن فيه قدر ممكن ياخذه قبل لا يتزوج ...تذكروا إن الله يرى الظالم والمظلوم ....تذكروا إن لو حنّا رجال كان سوينا أكثر منهم ...تذكروا إن نحن نساء نمرض ونكبر ونذبل ...تذكروا إنه لم يفعل حراما بل هو حلال شرعا وما نحن إلا نشغر خانه من الخانات الأربع ...تذكروا يا حريم إن هذا الموضوع أقسى موضوع قد يواجه الرجل زوجته به ....ولكن تذكروا يا نساء والله الذي خلقنا لن نغير أمرا قدّره الله إلا بأمره ...فارتفعن فوق الجروح والآلام ولا تكرهن أنفسكن ولا الرجال فالله خلقهم هكذا ولتتوقع كل امرأه ذلك من الرجل مهما كان جمالها وحسنها وأدبها ومهارتها لتتوقع ذلك فنحن قد ندخل قلوبهم لكن لا ندخل عقولهم .....عزيزتي توضئي الآن واذكري الله كثيرا واغسلي يدك ليس من الصابون ولكن منه الرجال راح ذلف يعني مخه نوى لن يرجعه إلا رب العالمين لا تنقهرين فقد أخذتي الكثير من عمره ومن صحته كل مافي الأمر أنه شبع فاحفظي نفسك وكرامتك وتراجعي وقلبي صفحات العمر والدنيا وعيشي ومارسي ماحرمك منه وجوده في حياتك استجمعي طاقتك وافرحي بما هو آت فلن يأتي بملاك بل بامرأة مثلك سيشبع منها مثل ماشبع منك.

 

[حياتي بناتي وبس]

الله يعينها ويصبرها

 

[قصه عشق]

اسمعي يااختي ترررى والله انا اقولها وهذا الاذان انه زي ما اولى مقهوره تاكدي بان الثانيه تعبانه لانها داخله وعارفه انه في شريك معاها عكس الاولى داخله وحاسه بانه هو لها لوحدها بس انتى الحين مقهوره لانك حبيته من جد
اهم شي استعيني بالله وانه ماتحرمه التانيه عنك وعن اولادك والله دمعتي بعيني الله يعينك بس هذا قدر الله عليكي وعليه وعليها هي كمان الله يالف بين قلوبكم

 

[الحياه وقفات]

حسبنا الله ونعم الوكيل فيهم من رجال الله اللي بياخذللناس حقوقهم ترى مو زوجك من هذا الصنف الخسيس اغلبهم فيهم من الخسه والدناءه ما الله اعلم به ليه لان الواحده مننا تصبر على القرف اللي هم فيه والبخل اللي فيهم وتنتظر حتى ياتي الفرج .........ثم يكافئيها الزوج الخسيس بزواج من زوجة اخرى لماذا هذه الخسه والدناءه ايها الرجال ,,,لم يتبقى لك ايتها الاخت الحبيبه الا الصبر والاحتساب والرضاء بالقسمه والقدر اعلمي ان الدنياء دار كدر وابتلاءلاتعذبي نفسك في التحسر على مافات قولي لنفسك ان زوجك مااااات مااات في داخلك مات ...... وهو عامليه بمايرضي الله لان رضاء الله هو المهم اهتمي بنفسك بابنائك دلعي نفسك عيشي حياتك بالطريقه اللي بتحبيها انتي انسي ان زوجك موجود لاتتذكرينه الا لما يكون موجود عندك فقط واذا خرج من البيت انسيه الله يكون بعوك ويصرفه عن الزواج بقدرة الله وحول الله فالله لاغالب على امره لاتنسي الدعاء ثم الدعاء وقيام الليل واحسني الظن بالله فان ينصركم الله لا غالب لكم

 

[الاميرة سنفورة]

الرجال مالهم اماان
قوليلو الباب قداامك يعني على كم يوم ماتتحمل ليل بنهار وانت هاذا الشئ تأخذو ماتصبر على كم يووم
وريحييه في طرق ثاانيه ترى يرتااح بيها لايقعد يحط اعذاااار وربي فماااضي الرجال والا قوليلو ماافي يالله رووح مابعطيك شئ
لاذحين والا بعد الدوره انسى تأخذ مني مرررررره

 

[غدا مختلف]

صحتي تدهورت بعد زواجه يستحيل اكمل معه قلت له عيش حياتك بعيد عني لا أشوفك نهائي الله يهنيك يكفي العذاب الي شفته قلت اذا بتشوف عيالك بقسم الرجال تبي تنام تبي تجلس معهم بس انسى انك تشوفني او تكلمني عاد قالي مدري وشلون بعيش من غيرك انتي الحب الي اخذته بس قضاء وطر والحب وقلبي كله لك بس ماقدرت اتحمل يقول حنيت لك والي اخذه مب جميله نهائي وقالي حسبت بلقى شي زود بس مالقيت وانتي تعرفين تمتعيني وتعرفين تبسطيني قلت لاتحاول مااقدر اعطيك خلاص ماقدر اجامل وقلبي ينزف والله مرت ايام علي عصيبه الله لايوريكم اياه عاد ليا فتره مقاطعته نهائي شعور صعب صعب افضل اعيش وحيده ولا اتعذب ليل نهار حتى صلاتي مايفارقوني تاثرت صحتي ونفسيتي لاني احبه موت وانصدم من قراري وقال انا تعيس من يوم هجرتين قلت عشان اعيش باقي حياتي بدون امراض واربي عيالي ادعولي تكفون انسى الصدمه

 

[هموسآ]

حبيبتي عيشي حياتك وادبيه بطريقتك

صح قهر بس اهمممم شي !!!

لا تتطلقي منه ... لا تخلي الثانية تجي تاخذ حقك وحق عيالك انتبهيييييي !!

 

[ام صبا الاموره]

الي صار لك يحر كل زوجه
الصحابيات غارن من بعض موعاد احنا
بس كلام (شوق والم) يهدي النفوس الله يجزاها بالخير

 

[ساميه2013]

غدا مختلف ....الله يصبرك ويقوي قلبك وينصرك اولا واخيرا
قصتك مثل وحده اعرفها كامله والكامل الله زوجها بعد قرابة 25 سنه تزوج عليها وحده صغيره ماتتعدى العشرين وبعد شهر بالكثير طلقها وندم ندم شديد
يعني هالرجال الواحد تجيه نزوه وطيش بعدين يتحسف على زوجته الاولى ويرجع لها أحسن من أول

 

[غيمـــ76ــــة]

الغيرة مرررررررررررررة تتعب انا حاسة فيكي


السيدة عائشة رضي الله عنها كانت تغار من السيدة خديجة مع انها ميتة

بس والله الي سواه مو حراااام يعني اقنعي نفسك من هذه الناحية واذا كان وجوده في البيت يضايقك وتكتفين فقط بوجود اهلك واولادك في حياتك فافعلي ذلك وحاولي تناسيه لعل الله يحدث بعد ذلك امرا

لاتخافي الرجال يشتاق للاولى اكثر من الثانية..اعطيه وقته خله ينتهي شهر العسل وبعدين بتشوفين اشياء تبرد قلبك

الله يعينك واكثري من الاستغفار حتى تبتعد عنك الافكار السلبية

موفقة

 

[غدا مختلف]

الحين كمل سبع شهور وانا قراري ماراح يتغير صحتي اهم منه ومن مرته شفت الموت عساكم ماتمرون بالي شفته اشوفه يتكشخ ويروح له وانا اتعذب كل ثانيه لانوم لاأكل وقالي بعد سنه يبين استمر معه اولا قلت عيش حياتك بعيد عني مقدر اتحمل احبه بجنون افضل اعيش وحيده

 

[يالوردي]

الحياة ليست رجل
انتي خلقتي لربك ولنفسك مو عشان رجل
مافيه شي يستاهل بهالدنيا يخليك
تخسرين صحتك عشانه
زوجك قاعد يستعطفك انا مو سعيد وانا احبك
عشان ترضين على زواجه
افتحي صفحه جديده بحياتك
واتعلمي من أخطأك مع زوجك
و لاتحبين احد اكثرمن نفسك
خلك انانيه مع زوجك
اطلبيه بالعدل بكل شي
يومك هو يومك ومصروفك لك ولاطفالك
اتغيري عليه لاتصيرين مثل اول تدارينه وتدلعينه
حبي نفسك بجميع الطرق اطلعي اتمشي
روحي لصديقاتك لاهلك خليه يشوفك سعيده بدونه

 

[نوارة فلسطين]

انا حاسة بيكى ربنا يصبرنى ويصبرك ايش رأيك انتى واخواتى الفضيلات نعمل مجموعة لزوجات الاوليات فى الفيس بوك او تويتر ما نحكى على ازوجنا بس نتعاون فى فعل الخير

 

[عصور]

لا حول ولا قوة إلا بالله ...
الله يفرج همك يا قلبي , ويربط على قلبك , ويعافيك من كل مكروه ..
ؤغم أني لسه بنوتة لكن حسيت بألم كل كلمة كتبتيها ..
يارب تيسر أمرها وتفرج عنها ...
رب ضارة نافعة ... لعل في الأمر خير لك ..
حبيبتي .. لملمي شتاتك وأقبلي على ربك ..
وتذكري يا قلبي الغاية التي خلقنا جميعنا من أجلها ..
والزواج مجرد وسيلة لتحقيق هذه الغاية ...
فلا تتشتتي عن الهدف الأسمى الذي خلقنا من أجله ..
الله يحفظ علينا وعليك ديننا ودنيانا