اعاني ياخواتي وابغا حل سرييييع ؟

[اذان الحرم]

انا متزوجه من زوج عصبي ومقصر معاي ومع ابنائي طيب احيانا معي واحيانا شرس لاي سبب ما واهله يكرهوني واذ رحت لهم شوفي الحركات والنقزات وحركات الحريم حسبي الله عليهم ومشكلتي انا زوجي اذ عصب يجلس في المجلس وموفر كل احتياجاته من تلفاز وسرير وثلاجه وتصورو ينام الحاله حتى ابنائي يسالوني ليش ماينام معك ابونا وانا اتعذر باي عذر اخاف على نفسيتهم وقابلت زوجي وقلت له هذا مش حياه طبيعيه وكل مابديت اتكلم يسكتني ويطلع وسبق صاير مشكله بيني وبينه كل ماجاو اهله بيتي او رحنا لهم تصورو يحاول انه يبين لهم انه منتصر وكاسر راسي لدرجه ان مره امزح مع خالته عن واحد من ابنائي ورد علي بعصبيه يقول ليش تقولين عن ابني انه وهو صغير مش جميل يوم كبر سار
جميل انتي شقصدك يترصد لكل كلمه اقولها لاهله وضربني وكسر اغراض البيت والحين اذا جاو اهله ماسار يجلس معانا كيف احل مشكلتي معاه انه ينام لوحده ويقول انا ارتاح بهذا الشكل وكيف احل مشكلتي معاه اذا شاف اهله يسوي نفسه انه هو القوي وانا الضعيفه الله يجزيكم خير

 

[اذان الحرم]

سبحان الله

 

[سأظل احبك]

الله يفرجه عليكي

 

[شكرامنتدى بلقيس]

اولا الله يهينج ويصبر قلبج

ثانيااا هل هالحاله من زمان ولا جديده؟

 

[اذان الحرم]

الله يجزيكي خير

 

[النعوووومه]

الله يعينك .. شوفي نمطه عشان تعرفين تتعاملين معاه

 

[نفسي كذا]

الله يكون بعونك

 

[-موج-]

شوفي هذا يشعر انك قويه فيريد يبين لنفسه وللناس انه اقوى منك..فحاولي تشعريه دائما بانك ضعيفه وبانك لا شئ بدونه دااائما حتى وان شعرت بانه انتصر عليك وقلل من قيمتك خليه يفرح بالانتصار الوقتي له وانتصارك انت هو المطلوب والغايه المنشودة وبدون ما يشعر سيكون النصر لك..ودائما اطلبي من الله الفرج والله يعينك..

 

[اولادي كل حياتي]

عليكي اختي بالاستغفار وقراءة سورة البقرة يوميا ولمدة أشهر وراح تشوفي التغيير بحياتك للافضل ان شاالله
والله يفرج همك

 

[الجريح الصامت]

الله يفرج عليك وييسر امرك اللهم ااااااااااااامين

 

[اذان الحرم]

الله يجزاكم خير

 

[رندا كووول]

اعرفي نمطه لعشان تعرفي تتعاملي معاه
واذا كنتي عند اهله لاتتناقشي معاه ولا توجهي له كلام
واذا كان معصب لاتشدي معه ف الكلام
الله ييسر امرك ويسخر لك زوجك

 

[أسيرة وهم]

ساعديه لما يجو اهله قدامهم انه هو القوي المنتصرف بشؤونكم خليه يحس بالمسيطر وحسسيه إنك ضعيفه وتحتاجينله ............... ما فيها شي بالعكس هذا لصالحك ومصلحتك
بالنسبه لانه ينام لوحده جربي يوم وسوي نفسك خايفه بالمره وانك شفت شي ورحي بحضنه ونامي ... وشوفي ردة فعله .... وكل شوي طلعيلك حجه الين يطفش ويرجع ينام بالغرفه او انتي تنامين معاه بغرفته ..
بالنسبه لاهل الزوج طنشيهم والله حتى لو شلتيهم على كفوف الراحه هذه حركاتهم ماحتتغير طنشيهم والخيهم من بالك ما كانهم موجودين ...
والله يهدي سركم ويوفقكم ...

 

[اذان الحرم]

الله يجزاكم خير

 

[شيخة المعازيم]

اسمحيلي زوجك هذ مريض وعنده عقد نفسيه كثيرة واكيد اهم هالعقد لا تخلي الحرمه تسيطر عليك شوفي عيوني هذا النوع تجاهليه بالمرة لانو ما فايده فيه غير الزمن يغيره يعني عصبي مقصر ومتسلط ويبغي يفرض قوته على حرمه ضغيفه هذا بس سويله طاف وعيشي حياتك عشان اولادك وحاولي تقوي نفسك وشخصيتك شوي شوي معه يعني لا تكوني مرة ضعيفه عشان لا يتعود بس حاولي تتجنبي المشاكل معاه ​

 

[طيبه وقلبي ابيض]

الله يعينك ويفرج همك يااختي

 

[تشكرات]

قبل كلّ شئ أتعرّفــي على نمطه حتى تستطيعين الوصول

لعقله ولقلبه بسهوله ومن غير تعب ...

أيضآ ذكّــريه بالله وأنّ الله كما أكرمه كآدمي ...أكرمك أنت ايضآ ..

أطلبي منه أن يفسّر هذا الحديث الشريف على قائله أفضل الصلاة

وأتــمّ التّسليم ..( رفــقــــآ بالقـــواريـــــــــر ...) ....

لا تيأسي أختي منه ...كلّما ذهب للنوم بمفرده ( أصطحبي وسادتك

وروحي له ونامي بجانبه متحججّه بالخوف ( أشعريه بضعفك وبرقّتك

وبأنوثتك .....وكأنّــه ( حـامي الحمى ...) ....لكن أتقنــي عليه دور

الخوف ولا تلبسي ولا تتكشخي أبدآ حتى لا تفشل خطتك ...

بل كوني فقط ( عاديّه ومرتبه ونظيفه ) دعي اللبس والمكياج لما

بعد ذلك ( عندما يحصل المراد .....وتعود المياه لمجاريها بحول الله

وقوته .....

أسأل الله أن يهديه ويجعلك قرّة عين له ..

 

[استغفرالله@]

الله يفرجها عليك ويسخر زوجك لك يارب ويرزقك الصبر الجميل اقرائي سورة البقره واستمري عليها

 

[jj jj]

هذا انسان ضعيف الشخصية صدقيني
والمشكلة من اهله الظاهر اهله بيدفعو عليكي
يعني يقولوله انت مو قادر على زوجتك وانت مو رجال ومن هالحكي الفاضي
ويحب يبينلهم انتي ضعيفة وهوا قادر عليكي حتى يشوف اهله قوته
المهم عزيزتي
انا عندي لك بعض الحلول وان شاء الله تفيدك
اول شي لا تلوميه على اي تصرف اذا راح للمجلس لحاله خليه وحده ولا تحاسبيه ولا تفتحين الموضوع
دائما انظريله بنظرة احتقار واستصغار بدون مايشعر بس حسسيه بصورة غير مباشره انه ولا شي وانك انتي احسن منه
انشغلي بشغلات غيره واعتني بنفسك ولمن يجي يتقربلك بعدي عنه واتحججي باي شي
وابسط شي مثلا ابغا اشوف العيال وراجعة وخليه ينطر واكثر من مرة شدي وارخي معاه
واذا عصب وصرخ اطلعي وخليه بروحه رح يحس ع حاله انه ملبووووس ومارح يعيدها
واذا صرخ وكسر شي انتي لا تعصبي بالعكس خليكي هادئة واستهزئي واستفزيه
واذا ضربك لا تحكي معه وخاااصميه خصاااام طوووووويل ولا ترضي الا بشغلة تكسر ضهره
مثل طقم ذهب او ساعة الماس او تغير الغرفة او يشتريلك شغلة اغلى من الكسرها
هذا كل نصائحي ولا تنسي الاستغفار والدعاء والله على كل شيء قدير

 

[الرورو !]

يآ سلآم ع كلآم موووووووووووووووووووووج
حلوو كلآمهآ
خليه يسوووويه قوووي وخليكِ انتِ ممثله دور الضعيفه
حتى قدام اهله سوووي أنكِ مظلومه ومالك الا الله
بجد حسسيه بانتصاره عليك
وحسسيه انك محتاجته ومحتاجه دعمه بكل شششي
حاولي انك تخليه كبير .. مكن هو حاس انك انتي احسن منه ومنقهر..
الله يعييينك
واستغفري .. والله مافي مثل الاستغفار دواء
وادعيلي بالحمل