اشلون استرجع سجل المحادثات؟

[سمبوسة]

السلام عليكم

عندي مشكلة وابي منكم حلها

زوجي يستخدم اللاب توب الخاص فيني ويدخل على الايميل والماسنجر

فاكتشفت انه يدخل على سجل المحادثات ويمسح المحادثات اللي فيه مع انه اول مرة يستخدم الكمبيوتر ويصير عنده ايميل ، بس انا اعرف ان اكيد فيه ناس معلمينه على هالطريقة

المشكلة : ابي استرجع سجل المحادثات موعارفة اشلون
حاولت بسلة المهملات ولا اهو ماسحهم
اذا فيه طريقة فيدوني

ومشكورين

 

[حجابي رمز عفتي]

والله لو اعرف اساعدك بس ماعرفت كيف ,,,

السموووووحه ,,,

 

[سحر اللوتس]

ههههههه ليش اللقافه :bleh:

شوفي ياحلوه عندك طريقيتين وهي/

1/ إما تكونين عارفه الرقم السري لايميله وبعد ماتدخلينه تروحين لخيارات وتضغطين عليها,, ومن ثم تجيك الخيارات اللي هي :
شخصي
عام
رسائل
تنبيهات واصوات
مجلدات المشاركة
...... الخ


اختاري انتي رسائل
ثم غيري مسار حفظ سجل المحادثات
مثلا كانت تنحفظ بالمستندات
روحي سوي تغيير واحفظيها بمجلد بعييد وماتتوقيعين انه بيفتحه مثلا بملف طبخات :bleh:
وبكذا رح يتفاجئ ان سجل محادثاته ماصارت تنحفظ ورح ينبسط :shiny: >> وهو مسكين ولا داري :harhar1:
وانتي رح تربحين ورح تشوفي سجل المحادثات أول بأول :icon30:


2/ او تتعلمين طريقه استرجاع مافي سله المحذوفات بعد الحذف
>> وماعرف لهالطريقه ولا كنت خبرتك ^^


وبس :blush-anim-cl:

 

[قـطـريـة]

استري عليه وريحي عمرج من المراقبه ^^

لا تفتحين على نفسج بااب يمكن تندمين عليه بعدين

توكلي على ربج وخليج واثقه من ريلج وادعي وان شاء الله ما يكون في شي ينخاف منه


محفوظات محذوفه ما تقدرين ترجعينهاا

الله يسعدكم ويوفقكم للي فيه الخير ويبعد ريلج عن اصدقاء السوء ان شاء الله

بالتوفيق اختي

 

[قشطه مع شوي عسل]

وربي اللي تدور وراء زوجها هي اللي تتعب الله يفقك اختي الغاليه

 

[انت غير]

ريحي راسج من راقب الناس مات هما