اشرايكم استخدم الخلطه ام اليوكو؟؟

[أمل أمه]

السلام عليكم ورحمة الله وبركاته

بنات بصراحه انا تعبت من موضوع الاستشوار اليومي

شعري ناعم بس في طعجات او ثنيات وزوجي يحب الشعر الطايح

السايح النايح >> جني طلحت برى الموضوع

احم المهم انا قلت خلاص بجازف اما اسوي يوكو او استخدم الخلطه العجيبه للشعر :dunno:

الكل يمدحهم للشعر بس البعض قال انه يسبب تساقط خفيف للشعر

خواتي قالو حرام شعرج والله مايسوى عليج

زين شسوي زوجي احيانا يطالع زينب العسكري بس عشان شعرها

ويدور من قناة لقناة اذا لقاها ثبت القناة عشان يشوفه


وتخيلو عاد ساعتها انا بجنبه وعلى طبيعتي ياسلاااااام انوع القهر:icon28:

وبعدين على وشك اني اسافر معاه (( انشالله يارب )) وتخيلوا مقابلين بعض طول اليوم مايمدي اروح استشور شعري

كل وضوء وبعد كل شور ...

شرايكم للي جرب ايهما افضل اليوكو ام الخلطه العجيبة ؟؟

 

[نسائيات]

اختي صدق ما يسوى عليج
اليوم شعرج يلمع وزين ويطالع زينب العسكري
بكره لي جف و احترق وطاح وصرتي "قرع " شو بسوي
الكل عارف هذي الخلطات تنشف الشعر وتضره اكثر من انها تفيده

 

[أ. باسمه الكوس]

السلام عليكم ورحمة الله وبركاته

اناورااااااااااااااج ورااااااااااااااج



شوفي يا الغاليه

أحسن شي حق الشعر

خلطة زيت البراشوت+ المحلب

تنقعينه 15 يوم

ثم تبدأين بالاستعمال

شلوووووون؟؟

تسخنين الزيت وتخلطينه مع

( كأس ماء مخلوط بملعقتين خميرة)

وتدهنين شعرج

بيصير مفرووووووووود وناعم ويجنن

ام اليوكو ترىيقطع الشعر وينتفه

وتقعدين سنينن تعالجين ما افسده اليوكو

 

[أمل أمه]

ياعل ربي يسلمكم ويعافيكم

صديقتي خواتها سوو اليوكو بمصر

وشفتهم اول مارجع من السفر قبل خمس شهور و والعيد اللي طاف شفتهم بعد وعادي شعرهم شزينه

خرعتيني حكاوينا

انزين بعطيج رابط وادخلي وقولي شرايج انا تشجعت لما شفته


http://forum.hawaaworld.com/showthread.php?t=620077


انتظر ردج




الزوجه الحكيمه احلى ظل واحلى شووور دايم اللي ايي من صوبج

والله صارلي شهر ازيت شعري يعني الحين نادر مايشوفني زوجه كاشخه له كل يوم الشعر زيت

بس شال التقصف والجفاف اما غيره لا ماعطاني نعومه ابد بس بجرب اللي قلتيه


والله اني احبكم في الله وشاكره اهتمامكم

 

[aldana]

والله من رأيي تسوين الفرد ..... حتى لو يخرب الشعر ... في مليون علاج يعدله ...أهم شي تنبسطين بنفسك وتسوين اللي في بالك
هذا رأيي ما أشوفها خساره لو جلست سنه بشعري الحلو وسنه أعالج وبعدها أرجع أخبص خخخخخخخخخ
أهم شي تكونين مقتنعه ومبسوطه باللي تسويه

 

[أمل أمه]

الله يجبر بخاطرج دندونه

وياليت تقرين الرسايل الخاصه

 

[أ. باسمه الكوس]

السلام عليكم ورحمة الله

اختي الحبيبة

انا اسوي خلطات للشعر ( عندي خبرة في هالمجال)

وجوني وااايد مسوين يوكو

يقولون ان شعرهم يحتاج علاج سنين بسبب اليوكو

هذا غير المساكين اللي ما ناسبهم وطيح شعرهم من اول اسبوع

صار عندهم اماكن قرعه

وبعضهم احترق شعرهم

وبعضهم لا هذا ولا ذاك صار حلو ويهبل

وهذي الفئة اللي شعرتها يابسه وقوية

و وصحية يعني مو منتلفه بالصبغ وغيره

ولكن اذا طلع الشعر الجديد

شيصير ؟؟ من اطراف الشعر سترييييييييت ونااااعم ومن القمه:sadwalk:

 

[أمل أمه]

الله عليج يالزوجه الحكيمه

يعني بتاع كله ....ماشاء االله تبارك الله

انا عاد اليوم بالذات كلمت خبيره البشره والشعر

قالت اليوكو زين للشعر بس بشروط ومب اي وحده تضبطه

ولازم مايكون مصبوغ او حنا

لاقبله ولابعده

والخبيره هذي للامانه والله انسانه جدا مؤدبه وغايه في الاحترام والصدق

قتلها مسويه هاي لايت من خمس شهور قالت لا مااسوي لج ... حاولت معاها مارضت لانها تعرف شغلها

ولكن اذا طلع الشعر الجديد

شيصير ؟؟ من اطراف الشعر سترييييييييت ونااااعم ومن القمه

هههههههههههههههههههههههههه بالنسبه لي عادي استشور شبر احسن من كله

 

[أ. باسمه الكوس]

يا وخيتي

لا لا لا تغامرين بشعرج

 

[أمل أمه]

مشكوره يالزوجه الحكيمه

احس قلبج علي

والله اني حبيتج في الله

 

[نور عيونه]

لااااااااااا اليوكيو وايد اشتكوا منه يحرق الشعر

فيه طرق وايد تجيب فايده دوري وبتلقين

 

[رهف المشاعر2006]

افكار رهيبة

 

[شهد الصباح]

جربي خصلة
انا زيك و سويت فرد في البيت
و الحمد لله ما طاح شعري
بس ما خليته كثير لاني كنت خايفه
و ما انفرد عدل
بس احسن من اول و صار اخف في التمشيط
انا شعري ناعم و خفيف لكن ملفلف امدومي
و الحين الحمد لله ارتحت من التعقيد و الف الشديد
اتوكلي و سويه يمدحونه كثير اليوكو

 

[عطر المحبة]

والله حبيبتي احكيلك الي صار معاي انا كان شعري وش طولة
واللة اجلس علية ولا احصل توكة او شباصة اوربطة تمسكة وتلفة من كثرة والكل يسئلني وش تسوين لشعرك وانا فرحانة بة
بس جايوم وقلت اغير شوي وبديت العب فية اهو موناعم بس فية لفة تروح مع الاستشوار ويطلع جنان
ورحت اول شي قصيتة من قدام شلال ومشينا كم سنة واقوم واقصة ذيك القصة الي امي الى اليوم اذا ذكرتها تخاصمني وتعصب قصيتة الىاذني كارية مدرج وبدا يطول شوي وتعرفين مع القص استشوار دايم والاستشوار كمل على الباقي
وطال الى نص ظهري واروح واسويلة فرد بالاعشاب ويروح ذاك الشعر الي تخسا عندة الهنديات وووووووووووووووووووووووووووو 6شهور ولا يبقا منه غير القليل القليل والله انه يطساقط بشكل مرعب حتى ان مقدمت راسي بت تصلع وانا الان ندمانة اشد الندم وابكي على اليام الغابرة وادو الحين على الي يوقف التساقط وراضية بالباقي والله الي سنة واكثر من يوم فردتة ولازال التساقط مستمر
خذيها نصيحة لاتغامري بشعرك والله الشعر غالي انا لااعرفك وليسة بيني وبينك شي حتى لااصدقك خذيها نصيحة من اختك في الله
وادعيلي بالهداية وان يرجع شعري زي ماكان
لالالالالالالالالالالالالالالالالالالاللللللللللفففررردددد

 

[noway]

7bibti don't do it it's to bad for the hair
you will lose ur hair and it will be to thin .na9i7a min o5tek ele t7ebek don't do it

 

[ســاره]

تجربتي مع اليوكو جدا رائعه ... بس لازم تفردين جذورة كل ست شهور.. جربي ان شاءالله يناسبك
واستخيري قبل كل شيء..