اسرعن يابلقيسيات اختكم تبي شوركك بسرعة قبل اتخرب بيتها بايديها ؟؟؟

[أم أسيل 2009]

السلام عليكم
غالياتي ابي شوركم وبسرعة لو تكرمتوا
حتى لااتصرف خطا

وجدت في جوال زوجي رسالتين باسم رجال بس عرفت العبارات انها من امراة

المهم اخذت الرقم واتصلت من جوال ثاني وردت بنت

هو مالقيت له رد عليها
بس يمكن يمسح
بس الآن صار عندي حب استطلاع ابي اعرف كل حكايتها
وابي شوركم

انا الان ضايق صدري منه
وحسيت بكره له

قبل ماتسالوني عن شي

زوجي ملتزم
وله علاقات واسعوة ومن النوع الي ينحب بسرعة خاصة النساء واسلوبه جدا راقي بالتعامل بسرعة يكون علاقات مع اي رجل او امراة

وكانت له تجربه قبل خمس سنين مع وحدة اراد الزواج بها بعد ان قدم لها مساعدة واستشارة واعجبها
بس من فضل الله اتخذت كل الاجراءات الازمة بعد الاستعانة بالله وانتهينا منها بفضل الله وطلعت اصلا مش ولا بد سمعتها وهو سمعته شيخ بين الناس فابعد

لكن هالمرة احس هو ماله دخل بالمرسلة بس بما انه احتفظ بالرسايل باسم زوج احسه حاطها احتياط اذا زعل علي يبيني دايم سعيدة وانا غيورة جدا وهو يقول ماعنده شي
ماابي اطول عليكم

عندي الان افكار شائكة كثيرة واخاف اخرب بيتي هالمرة لأني ماعندي استعداد اصبر مثل المرة الأولى

وابي اشاوركم وش اسوي ؟؟

تكفون ردوا بسرعة لاتتركون اختكم تايهه وقد اتسرع واتصرف اي تصرف

​

 

[رازيا]

الله يهديهن النسوان
نقول لا تفتشوا ويرجعوا يفتشوا
الحين بالله عليك سالتك بالله كل الصفات الحلوة اللي في زوجك تركتيها وركزتي بس

 

[رازيا]

وركزتي بس على هذي الغلطة لزوجك
اسمعيني اترك التفتيش وراء زوجك صدقيني ما راح يجيكي غير وجع الراس والنكد والهم
توكلي على الله واستعيني به وكل ليلة اقرئي سورة البقرة وشوفي الخير والسعادة على بيتك
واصلحي علاقتك بالله وباذن الله الله يصلح لك زوجك

 

[رازيا]

اسمعيني روحي توضي وصلي ركعتين واستهدي بالله ترى الشيطان احب ما على قلبه التفريق بين الزوجين وينقهر ووظيفته التفريق بينهم لا تعطيه فرصة وتعوذي من الشيطان وصلي على الرسول وامسكي سورة البقرة والاستغفار

 

[أم أسيل 2009]

ياغاليه ماني من الي يحبون يفتشون
ومحافظة ولله الحمد تعلى الذكر

بس سبحان الله اهماله بصلاة الفجر غصب عليه طبعا يقول مايقوم لها

وكذلك العصر
وهو يحب يقوم بس حسيت شي مثقله وغصب عليه محروم

وكم مره ارى رؤى ويفسرونها لي الشيوخ
وفعلا طلعت نفس ماكنت متوقعة
تقصير بالصلاة وان زوجك لديه شيئ يخفيه عنك
وانت طيبة وربك ساتر عليك وعلى اولادك

وصرت ادعي ربي
وقلت هالمرة بشوف يمكن مبتلى باحد ولقيت هالرسالتين

وتصدقين تحسفت بس لازم افاتحه بالموضوع اختي اعتقد من حقي هالشي

 

[رازيا]

فاتحيه وواجهيه بدل ما تكتمي بصدرك
وكوني هادية لما تتكلمي معاه واختاري الوقت المناسب والكلام المناسب وذكريه بالله

 

[أم أسيل 2009]

طيب ابي اخذ رايك اختي


ابي اقول له ان وحده خبرتني ان فيه وحده تراسلك وانها تبي تجيب لي رقمها

واذا انت صادق معي ابي ادق رقمها من جوالك

واشوف ردت الفعل عنده


وعلى فكرة اختي قبل اشوف الرسايل كنت حاسه ولمحت له عن الجوال وقال لي اذا قضية الجوال بتحل مشكله ابي اعطيك اياه كله

فقلت من هالمنطلق اختبره اليوم واريح نفسي وهو يخاف من الحكي ويدري ان علاقاتي واسعه وراح يعلمني بسرعه من هي وش قصتها

وش رايك اجيبه بهالطريقه
والا عندك اسلوب افضل لأفاتحه بالموضوع

او اطنشه افضل

انتظرك اختي الغاليه

 

[أم أسيل 2009]

وينكم خواتي ؟؟؟؟؟؟؟؟؟؟؟؟؟

 

[دلوعة سيمو]

كيف ملتزم وله تجربه قبل خمس سنوات ويحتفظ برسائل الحرمه
يعني مدري كيف هالالتزام بنظرك يمكن يعني محافظ مو ملتزم
اعذريني بس ابي افهم كيف يعني ملتزم هو شيخ او داعيه او او

 

[أم راشد الحلوه]

الله يفرج همج يارب ..بس لاتتسرعي في المواجهه حتى تتأكدي أنك هادئه وفكري بكلام بلي بتقولينه..وأدعي ربك دائما في سجود اللهم رده الي ردا جميلا..

 

[أم أسيل 2009]

اشكركم جميعا غالياتي على تفاعلكن معي

وهذا طبعكن يابلقيسيات دايما ايديكم في ايدين بعض

بس حنا الحريم ضعيفات وخاصة عند الزوج

لازم دايما على أهبة الأستعداد لأي مصيبة منهم الله يعين

انا المشكلة ابي اعرف كيف ابدأ معه مناقشة الموضوع

ولا ابيه يعرف اني افتح جواله وابيه يعرف اني عارفه مش مغفله

والمشكله عندي اختبارات بعد كم يوم وهو موترني ماني عارفه ادرس

ردوا لي مشكورين

 

[قطـــــريه]

لا تكلمينه بينكر وبيعصب او بيتعذر الف عذر وفي الاخير بينكسر قدامج .. من رايي اسحي المسجات واحذفي الاسم من الاساس من جواله .. وصدقيني ماراح يقدر يسالج لو درا ان الاسم محذوف

 

[أم أسيل 2009]

اختي قطريه اشكر لك

انا عندي الفكرة هذه

بس مايصلح الرقم بالذات امسحة

لازم افرمت كل جواله وبياناته
واحرق قلبه عليه وانسى الموضوع

ابي ان شاء الله امسح الرسائل والأرقام كلها والفيروسات ماتليه الدنيا

كذا مايشك فيني

 

[غموض الاحساس]

اسمعي ياا قلبي
وخذي نصيحه من اخوت لك
انا تعبت كثير من زوجي والتفتيش وراه
والمواجه وكل مررره ما استفيد ولا شيء غير كذب في كذب في كذب
المهم وكلي امرك على الله وامسحي بس المسجات والرقم
وذكريه دايم ان ربنا يمهل ولا يهمل ومن تعرض على اعرض الناس في من ح يتعرض على اهلك
وسدي لله واطلبي له الهدايه

 

[حلو القصيد]

طنشي وانسي الموضوع

والا واجهيه وارتاحي

 

[حلااميرة الزوق]

اسمعى يااختى من مجرب تجنبى الاصتدام وتصفح الجوال وادعى صدقينى راح تدمرى نفسك وعيالك وماراح تجنى الا الهم فوضى امرك وتوكلى لانو اخفاالاسم يعنى انة يخاف على علاقتكم الزوجية يعنى يعلم انة على باطل