استفسار ياامهات

[أم فرااس]

كيف حال الحلوات:32::32::32:
حبايبي ودي استفسر بنوتي الدلوعه الاسبوع الجاي تخش الشهر الثامن هي تقلب وتوقف بس بمساعده مني وماتجلس من نفسها راسها مره ثقيل ع جسمها المشكله ماتحبي هل هدا طبيعي ومتى تبدى تحبي لان نفسي اشوفها وهي تحبي ونجلس نلعب انا وهي مع بعض لان اول بنوته عندي وانا بكريه وبعيده عن اهلي ومتى تبدى تنطق ماما

 

[مرت ولد الحموله]

وادلبس ((تصغير واى قلبي))
الله يحفظها لك من كل شر
مقدره شعورك يا وخيتي غربه وبعد عن اهلك
بنت اخوي كملت التاسع ولسى ماحبت ولا انقلبت
لا تشيلين هم فيه اطفال ما يكونون سريع الحركه وهذا الشي من صالحهم علشان ماياكلون اى شي طايح في الارض

 

[أم فرااس]

تسلمي ياعمري

 

[الوفيه لكن]

ظروري تتشمس وتعطيها خضار تقويها واسندي ضهرها بالمخاد ولو ترضع طبيعي اكيد بتتاخر لان بعد سته اشهر الطفل يفقد الغذا والمناعه الي اخذها من امه لما كان ببطنها
المفروض يبدا الطفل يعوض الفيتمينات بالاكل الصحي ظروري بالتوفيق

 

[ام متعب33]

انتي ترضعيها طبيعي والا صناعي ؟ انكانه صناعي فيه كالسيو سايل دايم الدكتور يقول لي اعطي بنتي منه واستمريت عليه لين الحين بسم الله عليها عمرها سنتين ونص وصحتها تمام حتى اسنانها تطلع بدون ماتتعبها كثير


اسألي دكتورها عنه شوفي وش يقولك

والله يخليها لك
بتحبي انشالله وبتتعبين من كثر ماتقومين وراها

يالبى قلبها بس

 

[أم فرااس]

ترضع صناعي والطبيعي مره باليوم لان مافي لبن بصدري والدكتور عطاني فيتامين دال

 

[ياليت يفهمني]

طبيعي جدآولاتستعجلين عليها ياقلبي هي بعمر بنتي لها 4 ايام بالثامن لسا مافكرت تحبي والجلوس يعني مو ثابت...الله يخليها لك يااارب

 

[ام بسوووم]

يا قلبوووووووووووو الاطفال تختلف بالحركة لكن انصحك عن تجربة انك تاخذيلها فيتامين دال من الصيدلية او ون الفا دربس مقوي للاطفال ساعدهم على الحركه انا اطفالي مايتحركون الا بعد مااعطيهم الفيتامين الله يعينك على الغربة ولان طفلك الاول نفسك بسرعةيتحرك ويمشي ويهرج الله يسعدك ياعيوني ذكرتيني بنفسي

 

[أم فرااس]

تسلمو ع المرور
وبصراحه زي ماقلتي عشان هي اول دلوعه ودي تحكي وتمشي بسرعه مليت من الوحده لان الغربه تطفش

 

[وحيده في دنياي]

يختلف من بزر لثاني
لاتستعجلين عليها

 

[ام أمجد]

ياعمري عليها حتى انااول طفله ليه ماحبت ولا شي وبعد ماكملت سنه مشت ع طول الله يخليها لكي

 

[هياء1979]

انا حبيبتي بعد نفس الشي ولدي ان شاء الله بعد اسبوع بيدخل الثامن وبعده ما يقلب ولا يحبي بالرغم انه بنت اخوي من سنه بس ما شاء الله عليها تقلب وتجلس بروحها
المهم الله يحفظهم ويخليهم يارب

 

[حبيبة روحها]

لاحقة يوة الله يعينك بكرة تحوس عليك ههههههههه الله يخليها لك يارب وتشوفينها عروس