وعليكم السلام وحمه الله
اذا بتفكرين بهذا التفكير عمرك ماراح تصيرين سعيده بحياتك ..ولاتقولين حالي حال
البنات لانالي حياتهم رومنسيه زوجهم جنوبي ..
انتي زوجك شمالي يعني رجل مختلف ولكن دره حاولي ماتفرطين فيها .. ويحب الواثقه من
نفسها لاتقولين اخاف سيطري على خوفك وتوكلي على الله .. تعلمي كيف تجذبينه للبيت
بالابتسامه والكلمه الحلوه والمدح الصريح له .. حاولي تتفننين بالبس بالوان صارخه جذابه
اهتمي بنظافه بيتك بادق تفاصيله خاصه غرفه النوم ودوره المياه .. مع تغير الديكورات بشكل دائم
مع لمسات خاصه .
دايم خليك بطله حلوه حتى لو مامدحك ولا عبر عن احساسه لان هذا طبع الشمالي افعال
مو اقوال .. انسي الرومنسيه الحالمه فيها .. لان بتتعبين مالقيتها مع الشمالي ..
لان هاليالي والشموع والكلام الغزل مو من طبعه ولا بشي يهمه ..
اهتمي بنفسك ودلليلها ثقفي نفسك وارتقي فيها .. هو اذا شاف هالاهتمام والطله
الحلوه دايم منك .. والتغير المستمر لبيتك وحرصك على عدم الروتين .. ودايم
مهتمه بكاكله ولبسه ونظافته .. بتكبرين بعينه بدون مايتكلم بتدخلين قلبه بدون استاذان
وتملكين تفكيره . يمكن هالمساله تاخذ منك وقت بس لاتملين ولا تياسين وبتشوفين
حياتك بتصير جنه وكل ماطلبتي طلبك بكل ثقه .. مايقدر يرد لك طلب تبين تتمشين تبين
مطعم تبين سفر كله يجي بعد ماتدخلين قلبه ويحسك قد الثقه وتستاهلين
يلف فيك العالم لو حبك بكل صدق .. ترى الشمالي كريم جدا وعطوف جدا وحنون جدا
وطيب جدا بس يبيلك تفهمينه ويكفي بالافعال يعبر عن حبه لك .. لاتنتظرين كلمه حلوه
بس كل ماجاب لك شي او طلعك مكان هذه مكافاءت حبه لك
يمكن تبين كلام وليلالي حالمه .. بس صدقيني ماتنفعك هذه ولا تطول
لان مع الشمالي الحياه استقرار امان حب ورومنسيه غير شكل لو بس فهمتيه
وصرتي ملكه داخل قلبه .
انا عانيت مع الشمالي كثير وتهت وانجرحت ودخلت بدوامه وعن تجربه حياتي معه
اوصلت لنقطت الصفر ولكن تداركتها بعد مافهمته والحين احبه بجنون
وصار هو حبي وانا حبيبته الي مايستغني عنها .. والحمد لله قدرت اسيطر عليه
وكل شي حلمت فيه يحققه لي بكل ابتسامه من طلعات وسفرات ومطاعم
وفوق هذا مايختار لي على قولته الى الغالي وفخم الامكان لانها هي الي تليق فيني
وبحبه لي ..
جربي وانتي الرابحانه
