استشاره من خواتي

[ام ارام]

عزيزاتي احتاج مشورتكن في مشكله صديقتي

صديقتي عندها بنت ومتزوجه ومره صار احد اتصل على تلفونها بالغلط وهي ردت عليه وكان زوجها جالس هو وزوجته وامه واخوانه يعني في بيت اهل الزوج وبعيد ب4 ساعت عن بيت اهل الزوجه واتظح الشخص المتصل بتلفون الزوجه اصلا غلطان لكن الزوج شكله يايغار او شكاك علي طول شل التلفون من الزوجه واتصل في الرجال الغلطان في الرقم وتم يهدده ويتوعده اذا اتصل مره ثانيه وعلى طول سكر التلفون وتم يصرخ على زوجته قدام اهله واخوانه الشباب والبنات واتهمه يمكن يكون في علاقه بينها وبين الشخص الغلطان في رقمها زحتي اتهما في شرفها بيمكن بنه ما تكون بنته يمكن من واحد ثاني ... وهذا كله قدام اهل الزوج والشباب والبنات وبعدها بفتره صارت اخت الزوج والاخوان الشباب يتعاملو معا الزوجه معامله غير لدرجه حتي لما تمرض يعرفوا انها مريضه بس ما حد يكلف خاطره يرفع السماعه ويسئل عنها
اخر مره راحت بيت اهل زوجها حست انهم كلهم يتعاملوا معاها غير وكانها غير مرغوب بيها

رايكم تنسي الموضوع وتم تزور اهل زوجها كل شهر مثل قبل

ولا ما تروح تزورهم غير في المناسبات

على فكره الزوج مشكله وايد يشتكي من زوجته عند اخته والمسكينه متحملتنه ومتحمله خياناته وكذبه

بصراحه هي طلبت راي في هذا الموضوع قلت لها ما لي غير خواتي استشيرهن اشوف شو رايهن وبرد عليك

 

[بـسـمـة الـكـون]

يشرفني ان اكون اول من يرد على موضوعك ..

وانا من رآئي تصير اطيب منهم وماتقطعهم يعني تصير كالعاده تزورهم كل شهر ..

لأن لو قطعتهم ماراح يكون من صالحها ..

راح يقولون اخواته واهله ماقطعتنا الا انها مالها وجه لانها غلطانه وراح كذا

يشكون ان لها علاقه مع الرجال الغلطان ..

اعرف وحده مثل كذا وقطعت اهل زوجها وندمت لان ام زوجها كبيره واذا اجتمعنا خي ماتجي

وام الزوج الله يهديها تقول : مالها وجه تقعد معنا بعد اللي سوته ام عيال واخرتها تسوي سوايا المراهقين ..

والله اني انا اللي سامعه ام الزوج بإذني ..

بس انصحيها انها تكوون اطيب منهم مهما عاملوها خليها تحتسب الاجر ..

والله مايضيع المظلووم تلقاه عند ربها بإذن الله ..

اتمنى اكوون افدتك اختي الغاليه ..

 

[ام ارام]

مشكوره حبيبتي على الرد

انا كنت اضن المفروض تقطع اهل زوجها لين ما يرجع لها كرامتها وعلى السب الهو سباه ماشي يرجع

 

[*^ ندى الورد ^*]

لا حول ولاقوة الا بالله ..هي الحرمة بريئة وشوله يسبها هذا شيء ممكن يصير لاي احد .. الحمدلله الذي عافانا مما ابتلاهم ..
صحيح المفروض هي ماترد على الارقام الغريبة.. بس هذا مايبرر فعلته ..

 

[القارورة]

حبيبتى
المفروض إنها تأخذ موقف من زوجها وليس أهل زوجها .. لأن زوجها هو الذى أخطأ من الأول وشوه صورتها بتصرفه الهمجى البعيد كل البعد عن العقل .. أهل زوجها تأثروا به هو وتعاملوا معها على هذا الأساس.. لأنه غير واثق فيها .. أما إذا كان هذا الزوج يثق فى زوجته فى موقف التليفون وعنده حسن ظن بها .. لما جرحها أبداً ولا مااتهمها بشئ .. وبالتالى أهله فى موقف التليفون هذا لما كانوا سيشكون فيها أبداً طالما أن زوجها عنده ثقه فيها .. العيب فى هذا الزوج المتهور .
ولابد أن تأخذ الموقف منه هو وأن يرد لها إعتبارها أمامهم .. ولا يكفى أن يعتذر لها عن عصبيته وتهوره .. لابد أن يرد لها كرامتها التى تبعثرت أمامهم .. والله ما فعله عيب كبير .. حسبى الله ونعم الوكيل فى هذه الأصناف من الرجال
​

 

[أم فهد 123]

اختي معقوله من اول مره اتخذ هذا الموقف والصراخ والشك غريبه على العموم لازم تاخذ منه موقف وتكلمه وتطلب منه يحسن علاقتها مع اهله ويوضح لهم الحقيقة

 

[ام ارام]

مشكورات حبيباتي على الرد

 

[أم الوردتين]

الله يكفيها شره
هذا شبعان وساخة من الخيانة ويحب يرضي ضميرة باتهام زوجتة حسبي الله علية
هالمرة جت قدام اهله وان سكتت مو بعيد تجي قدام اهلها او الناس الغرب والأجانب
خليها تواجهه بقوة وتطلب منه يواجة الرقم المتصل وتهدده انها راح تطلب ان الموضوع يكون امام القضاء لو تكرر واتهمها بشرفها ... شكلة يبي يتخلص منها مو عارف كيف او انة يبرر خياناتة وظلمة لها قدام اهله بس الخوف انه يسويها قدام الاجانب او اهلها ..................................
يالله كثر الظلم والفساد في البر والبحر سبحان الله اللهم لاتهلكنا بما فعل السفهاء منااااااا
ياربي رحمتك الله ينصرها عليه ويكفيها شر بماء شاء

 

[الوااااان*]

لو ردت عليه بوقتها وبكل صرااامه

ما كان حصل كل دا

بس هي سكتت ولو كان اي شي بنقول فيها كلام تاني بس اتهام بشرفها وتربيتها خيييييييييييير

 

[حبيبت رشيد1]

الله يكون في عونها ويهديه لها ويسخره ويحنن قلبه عليها

 

[ام ارام]

للاسف صديقتي ما ردت عليه لانها اصلا من النوع الهادي والكلمه الوحيده القالتها تاكد قبل ما تتهمني
وكلان يرا الناس بعين طبعه

والمصيبه هو يريد يقطع زوجه عن اهلها لاا تتصل فيهم ولاا تروح لهم وصارت مشكله ثانيه بدون سبب هو بروحه يريد يسوي مشكله وقدام امه وجالس هو يقول لامخ هذه مشاعر وانا ما اقدر اتحكم في مشاعري والزوجه فهمت انه ما يحبها والكلمه الوحيده القالتها اشكر ربك اني متحملتنك وحده غيري ما تتحمل السب الانت سبيتها اياه هي ضنت بيسك لكنه رد عليها قال لها لو ما كنت قليله الادب ما كان تحملتيني تخيلو

بصراحه حط راسها في الارض انا اشوف انه المفروض خلاص ما تروح بيت اهل زوجها دامنه ينشر غسيلها ويستفرد بها في بيت اهله وخاصه ان اهله من سكان العامه واهل زوجها في البلد يبعدو عن اهل الزوجه 5 او 4 ساعات

 

[أم الوردتين]

ام ارام كل شئ ولا اهلها يحاول يقطعها منهم؟؟ هذا وهي على صلة بهم كيف لو قطع صلتها فيهم صحيح وش بيسوي فيها؟؟؟

اذا ماعندها عيال شتبي فيه الله يكون بعونها يارب .. وخليها توسع دائرة معارفها وصديقاتها وحياتها الاجتماعية لأن نوعيتة الوسخة والخاينة يحب يعزل زوجتة عن الناس يخاف تنشر غسيلة وتشوة سمعتة ولو وسعت دائرة معارفها ممكن يهابها ويخاف منها على سمعته ويحترمها حسبي الله على هالأشكال .

 

[غصون الاوركيد]

المفروض ماتسكت تهب في وجهه وتهزءه كيف يطعن بشرفها ...وتكبر السالفة وتروح لاهلها ..ويتدخلون اهلها ويحسب مره ثانية الف احساب ..هذا شرف وعرض مو بسيط ..لو اي شي ثاني كان هين ..بس الشرف لااااااااااااااااااااااااااااااا
واصلا بمجرد ما اسكتت ورضت على نفسها بيقول اكيد ما اسكتت الا انها تعرف هذا الرجال الغريب

هذا رائى ممكن اصبت وممكن اخطاءة ..
ننتظر اراء خواتي