استشاره للاميره حور العين ...تكفون ابي حل حق مشكلتي !!!!!!

[د.ورد]

انا صايرلي 4 اشهر مملوجه ابي حل حق مشكلتي ماقدر اتحمله اسلوبه غشمرته حركاته وايد ياذيني يقط علي حجي ليش اني ادرس بمعهد واهو جامعي ويحب يقرا كتب وانا ما احب اقرب صوب الكتب يقول كان ودي زوجتي تكون مثقفه حياتنا كلها كتب يالف كتب كل حياته كتب يهتم بالكتب اكثر مني تعبت وايد مو قادره اتحمل اكثر 4 اشهر مملوجه وكله يقط علي حجي كنت اسكت بس عقب رمضان ماقدرت اتحمل اكثر قلت حق اهلي ان اهو يقط حجي ياذي يضايقني وقفو معاي كلهم وصلت حق قرار الطلاق وبس واهو كان يدق ويدز مسجات ان لا ابيج وشاريج ومن هالحجي خلاص حددنا يوم ان نروح المحكمه بس ابوه دق على ابوي وقاله ان مانبي نخسرها ونبيها وعلى مسؤؤليتي وماخلوني اتطلق وافتك اهله وايد زينين معاي بس اهو حركاته سوالفه غشمرته تاذيني تضايقني انا وايد حساسه ما اتحمل بس للاسف ماخلوني اتطلق وكملت معاه وردينا حق بعض علشان ابوي رديت وانا للحين معاه واجرنا شقه وقاعدين ناثثها شوي صار احسن من بعد المشكله بس للحينه يضايقني انا ما اتحمله فتره الملجه اشلون اذا بعد اسبوع انا بتزوجه وبسكن معاه في بيت واحد واربع وعشرين ساعه بيكون معاي راح اموت انا الحين لمن يدق غصب ارد ولمن يمرني غصب اطلع معاه مو قادره ابلعه مو قادره اتاقلم معاه شسوي ابي حل والله راح اين انا هالاربع اشهر ماعندي غير البجي تعبت وايد ابي حل حق مشكلتي نفسيتي حدها تعبانه تكفون ابي حل يريحني انا صايره اتمنى الموت الف مره من هالسالفه :tears:​

عزيزتي اجد عندك مشكله في فهم وتقبل زوجك ... مزاحه معك بشأن مشاركته بعض هواياته واهتمامته لا يعني انه ينتقدك او يجرحك ... ولكن يريدك ان تشاركينه الاطلاع وقراءه الكتب وغيره ...
حبيبتي حاولي ان تشاركيه فيما يستهويه فالزوج يحب ان تكون زوجته مهتمه بما يحب .. ومن ناحيه اخرى بيني له ان لك ايضا هوايات واهتمامات يجب عليه ايضا ان يحبها ويتقبلها ...​

فالازواج في فتره الخطوبه وعقد القران يحاولون استكشاف اهتمامات وهوايات الطرف الاخر.. ولكن سرعان ما يتجاهلون هذا الشي بعد الزواج​

فلا تجعلي من هذا الشي عائقا لك في حياتك معه​

حاولي بقدر المستطاع ان تجعلي مشاكلك معه سر خطير ولا يمكنك البوح به حتى لأقرب المقربين لكم ... لأن هذا يزعج الرجل ويقلل من شأنه امام أهلك وأهله ..​

حاولي أن تهتمي بنفسك جيدا فلم يبقى الا اسبوع على زواجك ... حاولي احتواءه ولا تحسسينه بانه شخص غير مرغوب فهو فالنهايه زوجك .. ​

 

[norahmed]

فعلا انتي الحين خلاص ماظني في عندك وقت مشان تقولي خلاص ما ابيه...
وبعدين اظن ان مشكلتك الكبرى معه انه يحب القرآة وانا اقول بالعكس دامه يحب القراه ويشجعك عليه فهذا شي كويس
وبتستفيدين وبتكوني واعية اكثر ،،،
هالإنسان انتي ان شاءلله بتكملي حياتك معاه فلازم تحاولي تتقبليه وحاولي تمارسين هواياتك ومارس معاه هوايته
مافي أحلى من انكم تتشاركون في شي حتى وان كانت هوايه .. بتحسين ايش قد انتي قريبه منه وهو قريب منك
.. كل ماعليكي انك تبتسمي للحياة وتقولي يارب اصلح حياتي وتفائلي خير....

ويارب يوفقك لما يرضاه

 

[دعدع]

عزيزبي الاميرة حور العين
مقدما بارك الله لكم و بارك عليكم و جمع بينكم في خير . وكما انك الاميرة حور العين تكونين لزوجك في الجنة سيدة الحور العين له.. شوفي وانا اختج بقولج نقاط تقبليها مني و تحمليني , وانا والله احب الخير لكل اهل الاسلام. بس تحمليني شوي.
اولا: المرأة حلو تكون حساسة شوي مو وايد حلو تكون ناعمة رقيقة كيوت يعني انثى بكل ماتحمل هذه الكلمة , لكن حبيبتي مو حساسة حيل . الرسول صلى الله عليه وسلم قال " لا تحسسوا و لا تجسسوا" فنهانا عن ان نكون حساسين من كل كلمة و فعل يصدر من الذي امامنا .وزوجج وانا اختك يبي الي تجاريه بغشمرته و عيارته . حبيبتي ما فيه احلى من الزوج الغشمرجي تراه فله , فكوني انتي بعد فلة. ان تكوني هادئة لا يعارض ان تكوني مرحة بنعومة و رقي . اوجدي قاسم مشترك بينك وبينه في هذه الخصلة خصلة المرح, بقولج على سر انا زوجي فيه تسع و تسعين عيب و ناس وااااااااااايد قالولي شلي حببج في هالريال تدرين شنو السر غشمرته و مرحة و خفة دمة حتى في احلك الظروف الي تمر عليه. يخلي الامور سهالات تخيلي زوجج جدي او نكدي ,,, يا ماما الشر بره و بعيد.
ثانيا هوايته القراءة طيب اقرئي شفيها القراءة . انا هوايتي الفراءة و بالقراءة تتوسع مداركج و تحسين انج عشتي حيوات كثيرة مو حياة وحدة و استفدتي من كل تجارب الي قريتي لهم. شوووووووفي وانا اختج تدرجي في القراء من السهل الميسر السلس ال الاكثر ثراء مثلا من كتب التجارب الحلوة البسيطة سلسلة شوبة الدجاج من الروايات الرصينة روايات آكاثى كرستي و طبعا اهم شي كتب التفسير مثل تفسير للشيخ عايض القرني من كتب الحديث كتاب رياض الصالحين. حاولي و الله بتدعيلي .
ثالثا : حبيبتي مابقى على زواجج الا ايام هالهالله بالخلطات و العصائر المغذية و الكريمات و الماسكات وخليج من هالوساوس , اكيد انتي مستخيرة هذا ترى من الشيطان . اقرئي البقرة كل يوم بعد صلاة الفجر و اذكار الصباح و المساء و الاستغفار وخلي شريط البقرة دائما في غرفتج , فيه جهاز التسجيل الي يقلب بروحة حتى لما تكونين برى الغرفة. وبعد بعد الزواج.
الله يوفقج اخويتي ويجمعكم على خير وعيشي ايام شهر العسل بحذافيرها استااااانسي قد ما تقدرين وخلي الهم ترى هالايام ماراح تنعاد ابد.
قال الشيخ السعدي رحمه الله:"الدنيا قصيرة فلا تقصرها بالهم و الحزن" و دمتم دعدع

 

[صوت المنبه]

جميل جدا

اعتقد القراءة ملزمة بالتغير
اختاري الكتب التي تساعدك على تغير اسلوبه
والوصول الى الاسلوب اللي تحبين ويا كثرها
واهم شئ قوي الثقة بنفسك
موفقة يارب

 

[ينابيع الحب]

اكيد من المفروض ان تشارك الزوجة زوجها فى كل هواياتة يعنى علشان مايبقى بينهم حاجز فزوجك هوايتة جميلة يعنى يكون اية العمل لو بيقعد على الكمبيوتر والنت والشات صدقينى ما تقدرى تستحملى هاك فيجب عليكى ان تشاركية اهتماماتة حت تقضين على الحاجز الى بينكم

 

[نور الرحمن]

هلا خيتو الصراحة المستشارة ورد واخواتنا وفوا وكفوا بس بقول ليش شئ تدرين لا تصيرين نكدية اخذي الحياة بصرة صيري كله وياه في كل شئ في ضحكة وغشمرتة وحتى في ميولة الي يحبها ترى هو اذا شافك انتين وياه في كل شئ هو بيخفف في مضايقاتها الا انتين تعتقدينها مضايقات بس هو يسوي جذي لانه يحبك فلا تضايقين وانتين بعد فترة قليلة بتتعودين عليه .

ودمتي يالغالية في سعادة وهناء والله يتمم عليكِ زواجكِ ان شاء الله ...

 

[الزين كويتي]

أختي العزيزة
مشاءالله على ردود المستشارة والأخوات فيها الكفاية بس حبيت اشاركج ولو بجزء بسيط

اختي المشكلة مشتركة بينج وبينه اهو يمكن اسلوبه كان قوي عليج وانتي حساسة زيادة عن اللازم " مثلي "
اختي الرجل شاريج والدليل مانتهزها فرصة وقال اللي مايبيني مابيه بالعكس قاعد يبدي كل حسن نية
انتي اللي تعبانة واخاف المشكلة تكون اعمق من مجرد انه يقول يبيج تكونين قارئة مثقفة
اعتقد لو جلستي جلسة هادية وكتبتي مميزاته في قائمة وعيوبه في قائمة أخرى وقارتنيهم بتلقين انه الانسان هذا يستاهل تحاولين اكثر
حاولي تكونين صريحة مع نفسج ليش كل هالمشاعر السلبية
ليش موقادرة تتحملين مجرد كلام وغشمرة منه
لو كل بنت تطلقت لعيب واحد في زوجها مارح يبقى بنت متزوجة
قارني عيوبه ومميزاته حاولي تشاركينه وتكونين اكثر تقبل له ولاتنسين ان انتي بعد لج عيوبج
حاولي تتكلمين معاه عن اللي يضايقج ومخوفج وتوصولون حل مناسب لكم
ولاتنسين ذكر الله يطمن قلبج

 

[حور العین]

تسلمون حبایبی على كل شي بس صعب الواحد يعيش مع شخص اهو ماحبه ولا يشتهيه ولا اصلا بالعه ولا تاقلم وياه انا اربع اشهر وياه ماقدرت اتاقلم وياه ولا اتقبله اسلوبه حركاته يستفز الواحديخليني غصب طيب اعصب اضايق ليل ونهار انا بس ابجي اشلون بعد اسبوع بكون معاه بشقه وحدا وانا ما اتحمل اشوف ويها غصب اطلع معاه غصبارد على تلفوناته شسوي بهالحاله ماتنصحوني بطلاق!!!!!!!!!

 

[SeCrEt_girl]

يا قلبي هونيها وتهون انا من قبل اسبوعين كنت مثلج عايشة مع انسان مايثمن لا كلامة ولا افعالة واهله واحد ورا واحد يعتذرون عنه بس الفرق بينا اني يوم انا طلبت الطلاق هو سبقني للمحكمة ،،، وانتي زوجج بين معزتج عنده وشاريج صدقيني يا اختي اشتري الي شاريج وحاولي اتكيفين على وضعه و قولي له وحثية ان يحببج في الي يحبه مثل مايقولون اخذية على قد عقلة قولي له ودي اقرا واتعلم بس انا ما احب خليه يتشارك وياج ....وانتي داخلة ان شاءالله بعد اسبوع على مسؤليه زوج و بيت يعني اهتماماته بتقل من الانتقادات لما يجوف ابداعات الزوجة في مملكتها ...


ولا تقولين ما احبة واجبر عمري عليه تراج على ذمته اربعة اشهر فبتالي له في قلبج معزة خليها تكبر على الاشياء الحلوة الي طلعت منه .... انتي هونيها وبتهون وذكري ربج واستغفري والله يسرلج امورج و يفرحج ويسعدج ان شاءالله : )

 

[اميرة بيتي]

بداية اتمنى لك حياة سعيده وهانئه مع زوجك وحبيت اشارك برأي ونصيحه اقول لك شي كل هذي المشاعر بعد فتره بتنتهي لانك بتدخلين بجو ثاني وتفكيرك ونفسيتك بتتغير وحلو انه يكون شخص مرح حاولي تحبيه وتتقبليه ولا تضيعين نفسك بها الافكار يكفي انه شاريك ولاتضغطين عليه او تصيري حساسه بزياده لانك ممكن توصلينه بطريقتك هاذي لمرحلة انه يكرهك اوينتقم منك لانه الحين قاعد يستعرض قدامك بخفة الدم ويستهبل عليك ويحاول يلفت انتباهك له بكل الوسائل بس انتي الله يصلحك مسويه فيها ثقل وماعندك استعداد تقبلينه بعدين ليش ماتعيشين جوك وتوسعين الصدر وتخلينك زي البنات اتركي عنك الصياح اللي ماراح ينفعك الا بالعكس بتتعبين وتتعبين اللي حواليك والله الزواج حلو اذا الوحده تقبلت زوجها وتفهمت حاجاته واهتماماته وحبته من قلبها وهذي ايام حلوه حرام عليك تضيعينهابها الافكار ليت الايام ترجع كان سويت النون وما يعلمون بس خساره ضيعتها بالحيا والدلع اللي زايد عن حده آآآآآه بس لاتصيرين مثلي بعدين تحسفين فرحينا معك وبشرينا بالعلوم الزينه

 

[صبيه شقيه]

اختي شي طبيعي تكونين مخنوقه في البدايه وتفكرين دايما انك تقدرين ترجعين عن قرارك بالطلاق
انا جلست سنه كامله وانا مخنوقه من زوجي وحاطه في بالي اني كنت مرتاحه عند اهلى شوفيني الحين الحمدلله مره مرتاحه مع زوجي لما عرفته كويس انا كنت العكس انا اللي في فتره الخطوبه ارمي عليه كلام ههه وكان يتحمل كله من الضغط النفسي اللي كنت احس فيه من سالفه الزواج وترك بيت اهلى بس صدقيني بكره لما تتعرفين عليه اكتر حتضحكين على اللي الي صاير لك الحين
الله يفرج همك يارب وانتي عروس لاتسوين زيي ومااتفرحين في هالوقت انا ندمانه اني وقتها كنت متضايقه طول الايام وابكي افرحي واستانسي وربي كريم

 

[AlFajr Aljadeed]

أختي حور العين
ترددت كثير قبل ما أكتب ردي
لكن يمكن يكون لخير ولمصلحتك
أنا لي رأي آخر مع احترامي لآراء أخواتي الي سبقوني بالرد
ردي هو إنه عقلك وقلبك لازم يقرروا مع بعض وأن لا تهملي القلب على حساب العقل ولا تهملي العقل على حساب القلب
يعني مثلا أعرف وحده أملكت على شخص بعد تردد بسبب أنها لم يرتاح قلبها ولم ينشرح من اول يوم قابلته بالشوفة الشرعية
حتى أنها طلبت أن تراه مرة واثنتين وثلاثة ورجحت العقل في الموضوع فحدثت الملكة
لكن سبحان الله لم تستحمل بعض التصرفات منه وكانت تشعر بأنها ثقيلة عليها ( لم تستطع تقبله من قلبها كخاطبين ) سبحان الله
وبالاقناع تزوجت منه والنهاية كانت الطلاق بعد فترة وجيزه لأنها اكتشفت أن الأشياء الي كانت ما تعجبها فيه من أيام الملكة هي أصل في حياته ولا يمكن تغييرها بل يوجد أشياء أخرى أكثر كانت مخفية ولم تستطيع الصبر

أما في حالتك فأنتي ممكن أن تكتشفي بعد الزواج أن ما كان يزعجك منه في أيام الملكة ما هو إلا اسلوب عابر يضمر داخله حب وعطف واهتمام لكي وكل ما سترينه على الواقع وانتي معه تحت سقف واحد ما هو إلا حياة واسلوب يحببك فيه غصب عنك وممكن ما يكون أمامك إلا أن تحبيه وتصبحي تقولي الحمد لله أنني لم أستغني عنه

وممكن أن يكون مثل ما حصل مع قصة الأخت الي ذكرتلك فوق
الأن أنتي حكيمة نفسك : كيف؟


يجب اتخاذ القرار المريح نفسيا
تذكري الاستخارة الاستخارة الاستخارة ثم
من واقع أسلوبه حاولي التقصي عن حياته في بيته
معرفته بشكل أكبر بالدخول إلى نفسيته حيث ممكن أن يحوي ما تريدين بالتمام أو أكثر
هذا يتم في نفس الوقت الي تهتمي فيه بنفسك كعروس لانك لا تملكي الوقت الكافي
فربما يقر الله عينك به ويتم الزواج بسعادة
ولا تنسي تبشرينا بزواج سعيد




الله يخترلك الخير في زواجك يا رب

 

[joumana]

الاخوات ما قصروا
وبعدين لما تتزوجي رح تنشغلي ببيتك والاولاد الخ وهو نفس الشيء
رح يصير عندكم اهتمامات تانية
ومش رح يعود فاضي يتسلى وينتقد الخ

 

[ام الكادي]

عزيزتي .. أتوقع أن السبب الرئيس لمشكلتك ..
هي

:busted_red:



الحساسية

:questionmark:



لا تعالجي زوجك وتصرفاته وتعليقاته

ولا تتعبي نفسك في البحث عن علاجه

:surrender:


بل ابحثي حل .. لمشكلة الحساسية فيك

:fish:

ومن أروع التقنيات في ذلك ..

تخيلي دائما أنك محاطة بدائرة مثل فقاعة الصابون

لا يمكن لأحد أن يخترقها إلا بإذنك

ونفس الشيء ...الكلام .. لا يمكن لأحد يؤذيك إلا بإذنك

زيدي ثقتك بنفسك وقويها وافتخري بالأشياء اللي تتميزي فيها وتملكينها ..

وإذا تغشمر معك .. ردي عليه بتغشمر وهوني الموضوع وبسطيه

وتذكري .. أن ما تركز عليه .. يتضخم أكثر بالعقل ويكبر ويتوسع .. والعكس صحيح

طنشي وتجاهلي وابتسمي .. :shiny:

وسيدرك عقلك حينها أن لا شيء يستحق

أن يكدر عليك حياتك ,,


موفقة:cupidarrow:

 

[***حلولو***]

أختي لا توضحي لزوجك عدم تقبلك له ورغبتك به

الشي هذا جداااا خطير في حياتك الزوجيه المستقبليه

ممكن فالمستقبل تحبينه لكن هو ماتزال فقلبه أنك كنتي رافضته من قبل حتى العيش معه

حاولي تسوين ديليت على الخطأ اللي سويتي

وتوضحي أنك موافقه عليك

ووضحي أنك فقط حساسه وبنوته وزعوله وأن الكلام القاسي ماتتحمليه

لأجل ما تحز بخاطره للأبد أنك ماحبيتيه وما أعجبك



والصدق أن عيبه مو عيب كبير

أحسن لك شخص واعي وشاريك من جاهل وبايع


ومن ناحية رمي الكلام كل الرجال يرموووووون كلام


لكن إنتي فالمستقبل وضحي أنك حساسه

وبيترك هالصفه

لأن لسى ما عاشر إمرأه وعرف إش كثر حساسيتها

فأعطيه فرصه



وبالتوفيق



*
*

 

[حور العین]

اشکرکم حبایبی على كل نصايحكم ووقفتكم معاي ادعولي مالي غير هالحل وبس لان عند روحي انتهيت وبس ولازم ارضى بالامر الواقع

 

[دمعة_حائرة]

خلج ايجابية عزيزتي.......وشكله يباج اتطوري مهارتج افهميها وهي طايره......

 

[اميرة بدنيتي**]

حبيبتي تبغي تكووووووووووووووني سعيدة لابد من الصبر والتضحية علشااااااان تكملي حيااااااتك وتبني اسرة سعيدة وش يضرك ادا كااااااااان قدامك اقري وسوي نفسك حبيتي القراءة علشاااااانة
وضحي انك مثقفة علشان مايحس انة متزوج وحدة مو مثقفة وانة هووو احسن منك بشي

 

[الالماسة999]

أنا رأأأأأأأأأأأأأأأأأأيي من رأي (الفجر الجديد) أسأل الله لك الإعانة.