استشاره عااجله عزيزاتي

[امنيات الامل]

السلام عليكم ورحمة الله وبركاته..

اخواتي انا سالفتي يمكن تكون ماره عليكم من قبل بس بصراحه

مشكلتي حيرتني كثير وموعارفه كيف احلها وكيف اتصرف مع هالمشكله ..

انا متزوجه من اكثر من ثلاث سنوات

والحمدلله حملت وهذا حملي الاول .

وزوجي طااير فيني من الفرحه ..

ومن فتره طويله جلسنا نرتب في شقتنا ..

ومن خوفه علي قال لي جلسي بيت اهلك لان الشقه عافسينها عفااس ونعيد ترتيبها.

ومن جلست بيت اهلي وهو متغير علي وماقام يتصل علي ولا يسال عني ولا على البيبي ..

وانا مليت من هالحاله وانا بيت اهلي جاو لي اسنااني ومن الالم ماقمت انام الليل

من الالم وعطيته خبر برساله اني تعبانه ابغى يجيب لي حبووب ولا يوديني المستشفى

وتصدقون ماسال عني ولا اهتم بالموضوع..

ولا كاني موجوده بحياته وبعد كم يوم حاااني الم فضيع في ظهري ورحمي وقام ينزل من دم قليل

وكلمته اخته وعطته خبر قال خلاص اوديها ..

وحتى اتصال مااتصل علي عشان يتكمن علي وعلى الي ببطني ..

انا اقهرت من تصرفاته وفي نفس اليوم يرسل لي رساله يخبرني ان الشقه مابقى فيها الي شي بسيط وتخلص..

وماكلف على نفسه يسأل عني وعن حالتي..

والله ان نفسيتي تعبانه وانا حامل وهذا حملي الاول ولي 4 شهور..

وبالعلم كان هذا طبعه من زمان ..

يعني وقت ماكان يشتغل يجلس بالسبوع واكثر مايدق ولا يسأل عني ولا يهتم فيني ..

والحمدلله ضلينا فتره طووويله مارجع يعاملني كذا بس هالفتره وقهرني على تصرفه يعين انا حامل وهو طاير فيني من الوناسه ..

ومايخليني احرك شي ولا اسوي شي..وبس جيت بيت اهلي تغير ورجع تصرفه البايخ ..

بالعلم هو الي قال لي روحي بيت اهلك اريح لك واحسن لك ويوم الي جابني جلس معاي وتعشينا مع بعض..

ويوم ثاني عاادي جدا كلمته وقلت له يجي يتغدى معاي ومع اهلي..

ومن هذاك اليوم رسل لي رساله يقول لي انتي كلامك فاضي وماله اساس ولاتدقين علي وتضايقيني ..

ومنها خلاص ماعاد دق ولا رسل لي رساله عشان يتكمن علي فيها..

واانا خلاص تعبت نفسيا ورسلت له رساله قلت له (ان الطريق الي احنا ماشين فيه طريق مسدود..

وانا ماهمني بهذي الدنيا غير البيبي الي ببطني ماهمني شي ثاني..وانت ماتعاملني كزوجه في حياتك تعاملني كجاريه عندك متى مابغيتني جيت لي ومتى مابغيتني حطيتني على الهامش..

انا ابغاك تعاملني كأنسانه بحياتك قبل مااكون زوجه ومتى ماعاملتني هالمعامله كل شي راح يتغير..

ورجع رسل لي يقول لي يعني شو الي تبينه فسري لي يعني انتي ماتبين ترجعين لبيتك...

رسلت له فسر كلامي بالعقل وتعرف انا شنو ابغى....

ورجع رسل لي سوي الي يريحك..)

ومنها وانا في حيره ومو عارفه ايش اسول هل انا غلطت ولا كيف ..

دلوني ارشدوني كيف اتصرف معاه..

واسفه اني طولت عليكم ...

بس ابغى مشوره منكم وتكون مشوره استفيد منها.

تحياااتي لكم..

 

[جودي@]

الله يهدي سركم
ماااااااااادري تصرفه غريب
ان شاء الله يفيدونك الاخوات
ولا يمكن تعب وانضغط من جهه عملة ومن جهه الشقة وسار يفضفض بالكلام
ترى الرجل لو انضغط ماحد يلومة في الكلام الي يقولة بس مصيرة يعرف انه غلطان ويعتذرلك ويبوس راسك

 

[ام حنونه جدا]

اولا ذي ماانتي قلتي البيبي اهم حاجه اشغلي كل وقتك وماتنامي لوحدك ابدا نامي مع امك واشغلي نفسك علشان البيبي وصحته وانسيه مؤقتا لحد ماهو يرجعلك ويكلمك ولو مش حصل بعد الولاده ابعتيله رساله وانتم سوا في البيت فيها كل اللي حساه واللي مزعلك وماتنسي تقولي فيها احسن مافيه علشان مش يمسك عليكي غلطه وانه حب حياتك ورجلك الاول والاخير ومش تخبريه ان ابنك اهم حد في حياتك لان ده يحسسه انه قليل في نظرك ادعي ربنا انه يقومك بالسلامه علشان تقدري عليه وشدي حيلك عاوزاكي تروقيه بس بعد الولاده علشان تبقي الصحه تمام هههههههههههه اضحكي وروقي

 

[حناااان الكون]

زوجك يبي له ألم ع وجهه وش مفكر حاله ؟؟ عنتر زمانه ع غفله امحق عنتره بس

اقول لمي اغراضك ودقي عليه من رقم غريب وقولي له ابي ارجع بيتي راحتي ببيتي مب ببيت اهلي واذا ما عبرك مالك الا تمسكين احد اخوانك درهميه وخليه يرجعك لبيتك ... مدري تصرف زوجك غريب جدآ ممكن مزاجي زوجك ؟؟ وممكن يمر بضغوط عمل .......... ويمكن سلوكه يبي يرفع ضغطك ويجننك يبي يعرف ردة فعلك ووين يروح تفكيرك خوفي تروحين البيت وتخربين ع حالك مفاجأة هو مجهزها لك

امر زوجك يحير استخيري الله ترجعين بيتك والا لا ؟؟؟

ومره ثانية لا تعبتي مب تخلين العالم كله يدري عن قصور زوجك معك لازم اخته تدخل بالموضوع ترى الحركة هذه مي بصالحك يالغلا لا عاد تعودينها لا تعبتي وزوجك مطنشك وكلي امرك لله واحتسبي الاجر وخليك قريبة من ربك ويوم لا راق زوجك ولقيتي في مجال تعاتبينه وتذكرينه بخطئه عاتبيه لكن تدخلين احد بينكم انتبهي لا تهدمين بيتك بنفسك لا تخلين امورك مكشوفه

 

[umm yusuf]

حبيبتي انتي تقولي ان دا طبعه من زمان ومااثر فيك الا الان بس انا باقول لك ليش
انتي الان حامل وتمري بوقت صعب جدا عليك فيه تغيرات هرمونيه وفسيولوجيه كثيره تقلب مزاجك وتخليك دائمة الحزن والقلق والحساسية عندك في قمتها
وانا انصحك تعدي الفترة دي على خير استمتعي بكل لحظه فيها
ارجعي بيت زوجك وضميه ليكي وحسييه بدفئ حظنك وخليه يتعود عليك وصدقيني بكره ييجي البيبي ان شاء الله وكل الدلع والتغلي اللي بينكم دا يروح وتعيشوا بإستقرار ان شاء الله

 

[وردة الاشواق]

اعذرني بس اتخيل انك غلطانه جججججججججججججججججججججججججججججججدا ولو تسمعي نصيحتي انا شعرت بهل الشعور وانا حامل وكنت حساسه جدا العمل الصح ان محد يعرف بشعورك هذا ودقي على زوجك وقوليله ابغى ارجع بيتي دحين خلص ولا ما خلص لانو انا مكاني بيتي ولي ببطنك لازم يكون ببيته عشان ابو يحس فيه اسمعي نصيحت مجرب والبعيد عن العين بعيد عنالقلب

 

[اولادي كل حياتي]

جربتي تروحي بيتك فجاة من دون ماتعطيه خبر وتشوفيه ايش بيسوي؟؟
لانه غريب يخرجك من بيتك وحتى مايكلمك ولايرجعك الله يهديه لكي

 

[+طفلة حبيبي+]

روحي البيت فجاة وسوي نفسك تبين تفاجينه لان تصرفه غريب ولا تروحين بيت اهلك خلي امك تجيب خداماتها يرتبولك البيت وبين الحين والاخر خلي امك وخواتك يجونك بعذر انك ماتقدر تروحي تعبانه من الحمل

 

[الطيرالمهاجر]

ارجعي ردي له الرساله وقولي له اللي يريحني اني احس باهتمامك فيني مثل ما اهتم فيم وانك تسال عني
وحاولي تكبرينه قدام نفسه مثلا قولي له انا ادري انك قلبك طيب وادري ان انسان عملي ولو مالك معزة بقلبي ماحبيت اشوف اهتمامك فيني ولافكرت فيك واللي ابيه منك انك تحسسني اني جزء من حياتك

 

[العين الحزينه]

ياعزيزتي امنيات الامل
زوجك يحبك وماتغير عليكي بس تكون عنده ضغوط وساعات الرجل يحس بانانيت المراءه ان هي مرتاحه وهو تعبان وانه ساعاات الرجل يغار من طفله ويحس انه الدلع بروح لطفله وان كلام ان اهم شي عندك طفل يزيد من غيرته وزعله فحرصي على ان تحسسي زوجك ان مافي شي في الدنيا بغيرك حتى ولو طفلك وان هذا ثمرت حبكم وانه لزم انتم الاثنان تهتمو في هذي الثمره وتحاولو تنموها وارجعي لبيتك ولكن بعلم زوجك بان تخبريه انك مشتاقه له وموعارفه تنامي اوتجلسي بعيده عنه ولاتفاجئيه بذهابك لان هذا ممكن يغير الثقه ويحس انك شاكه فيه والله يوفق الجميع الى مايحبه ويرضاه دعواتك لنا