استشارهـ ... لمشكلتين ... ونبي حل لهم ...

[فـروووووحه]

السلام عليكم ورحمة الله وبركاته

صباح ... مساء الخير

شلونكم يابلقيسات ياحلوات

عساكم بخير:blush-anim-cl:

عندي مشكلتين وحابه اني استشيركم فيهاا

وبالخصووص استشاريتنا الفاضله (( ناعمهـ )) :icon26:

ويكون لي الشرف بمعرفهـ خبراتكم في حل لمشكلاتنا

المشكله الاولى لرفيجتي مع زوجها
والمشكله الثانيه لي انا مع زوجي

اولا : راح اسرد لكم قصتهاا مع زوجها وبعدها انطر حلكم

<< بتحاول تختصر القصه باللي تقدر عليه وتعرضها علي نقاط

:tears::tears::tears::tears::tears:

رفيجتي متزوجه ولد خالتهاا وكانت الزيجه سريعه لابعد حد يعني خلال يومين انخطبت وبعدها ملجت << ماخلوهاا تستخير بسرعه بسرعه الموضووع


- من تزوجته وهو يناديها باسم بنت ثانيه
- اول اسبوع خلها بالفندق مايقارب 6 ساعات مايدري عنها للعلم كانو مسافرين
- صار موقف قدامهاا وهو ماكان حاط لها اعتبار ضاف بنت علي ايميله وهي جنبه وقدام عينها هالشي ماواجهته واسكت بعد ماصار هالشي << من هول الصدمه
-وحده من رفيجاتها شافته بعد شهر من عرسهم في مجمع مع بنت يتمشي وبلغتهاا فيه بس هي ماواجهته لانها ماشافته بعينها
- وهو شخص مايتحمل المسؤوليه ويعتمد علي اهله حتي بالصرف
- مانعهاا من الطلعات وماتروح مكان مع اهلها الا عصب عليها وردها غصب للبيت مع تقرير شامل بكل شي تسويه في بيت اهلها
- ينزلها عند اهلها وماياخذها الا بعد 3 او 5 ايام وكل هالفتره مايدري عنها واذا دقت مارد عليها
- دايما يكذب عليها ويقول لها انه بالبر وبعد مروور وقت معين يعني تقريبا 1 من الموضووع يعترف انه كان بالسوق او طالع مع ربعه لمكان عام يعني ماطب البر كلش
-معاشه كله لربعه واذا هي طلبت قال ماعنده للعلم مرات اخوهـ او امها يعطونه علشانها بس هو ياخذ الفلوس له ولا يعطيهاا شي
- كانت تمر عليها ايام ماتاكل بسبب انه هو ماعنده فلوس
- يعاملهاا كانهاا اخته الا في لحظاااته هو فقط << تعتذر علي جرئتهااا

للـعـلم هي مقصره
بحقوقه الزوجيه والبيت علي احسن مايكون

8888
888
هذا كلامه هوو


هي واجهته اكثر من مره واسالته اذا هي مقصره بشي قال لها انها مو مقصره بس هو يبي اكثر يبيها عشيقه مو زوجه يحترمهاا وطاعته وهم مثل ماهووو ماتغير

ومن ضمن مواجهته اعترف انه كان يحب وحده وكانت تلعب عليه وهو هم يلعب عليها بس الواضع انهاا خانه او خلته وهو لحدالحين متعلق فيهاا

:tears::tears::tears::tears::tears::tears:

ان شاء الله القي حل لمشكلتهااا






وبعدها اكتب قصتي






لكم مني وافر الحب والتقدير والاحتراااام:icon26:​

 

[فـروووووحه]

افا ليش مافي رد والمشاهدات 33

 

[يابانيه]

حبيبتي صديقتك لازم تروح لبيت اهلها لانه صار يتمادى معاها كثير يطلع مع بنات ويقصر بحدودها
خليها تتركه فتره يمكن يتعدل الله يصلح حالها

 

[زهرة ايار]

بس تخاف لو راحت ما تحصل شي لانو اصلا ما يسأل عنها

 

[براءه طفوله]

خليها تبعد عنه فتره عند اهلها اذا سال عنها فانه فيه امل تعدله
واذا ماسال تطلب الطلاق وتريح نفسها

 

[القلب المهجور]

الله يفرج لها ماعندي غير أدعي لها

الله يكتب لها الخير وين ماكان

ويسخر لها زوجها ويحنن قلبه عليها

 

[شباصه ورديه]

الله يهديهم بس

صج عوار قلب ولا بنت خاله بعد الله يصلحه ويهديهم لبعض

 

[ونه الم]

هذا لو ريلي جاااااااااان خلعته من زمان و ادبته

 

[حلمي لم يتحقق]

صراحه الواحدصاريحتارفي النصيحه.ماادري شواكتب.......لكن الله يفرج همها تنتبه ماتحمل لين تتاكدمن عقلانه وتستغفركثيربنيه ان الله يرجعهه لهاولقلبه ودينه

 

[لؤلؤاتي]

لاحول ولاقوة الا بالله
لاتروح بيت اهلها تقعد على قلبه وخل اهلها يجون عندها يزورونها
وخل هي تقترح عليه طلعات وسهرات وفلللااااات
وتكثر الدعاء والتسبيح والاستغفار

 

[فـروووووحه]

جزاكم الله خير ماقصرتوو يابلقيسياااااااااااااااات ياحلوووووووواهـ هي الحين بعيده عنه وعني رايحه تزور خوالها بالسعوديه واذا ردت نشوف هل هو تغير ولا لا وراح ابلغكم بالتطورات الجديده ويمكن نقدر نفيدها