استشااااااره من نوع يديد ..

[Me & U]

مرحبا جميعا ..

حبيت استشيركم ...
زوجي بيرجع باجر الفجر من السفر ...
شو رايكم اجهز له كيكه و عصير وحفله صغيره او لا ..
لان اكيد بيرجع تعبان.. وماله خلق لهالسوالف ..

شو رايكم خبروني

 

[نايس هواوي]

جهزي له وخليها مختصره

 

[رشات المطر]

بالعكس سويها له وربي راح ينسى التعب
لما يشوفك انك مستقبلته استقبال رومانسي
انصحك سويها له واح تشوفي ان كلامي صح

 

[مدللة زوجها]

جهزي لة فطوربسيط يعني حركات فنادق

والبسي لة البس الي يحبة

وعساكم دوم مبسوطين

 

[سحاب المزن]

أختي على حسب إذا كان ياي بالطيارة ونايم 6 ساعات بيكون عادي جاهز لج وللحركات طبعا فهمتي قصدي ...وإذا كان ياي من خط طويل يعني مسكين يادوب يوصل عشان ينام فسوي حركة خفيفة مثل ماقالت الأخت حركات فنادق.. وإذا حابة تزيدين شوي خليها الظهر بعد مايقوم من النوم..والله يوفقك ويسعدك دوم يارب

 

[تاج الاحزان]

انصحك انك اتسوينه لاني سويت لزوجي وما تدرين اشكثر فرح وما خلا احد ما قاله اشلون زوجتي واعيالي فرحانين برجوعي والله يسعدكم ولا تنسين تكتبين له بطاقه تبثين فيها شوقك وحبك لها طول غيبته

 

[Rteal]

إن شاء الله يرجع بالسلامه

وأنا مع رئي البنات

الله يجعلها لكم دائما في فرح وسرور​

 

[أم فهد 123]

لنتي عارفه طبيعته وايش يحب لكن سوي اللي تبينه وجهزي نفسج وخليها صباحي