استراتيجيات التعامل مع الرجل البيتوتي !!!!!

[peace.aroma]

انا زوجي دايم بالبيت من الدوام الى البيت ومن البيت للمسجد ومن المسجد للبيت ما يبي يطلع واذا طلع يرجع بسرعه مع انه رجل محترم وله علاقات اجتماعيه راقيه وكثيره ومحبوب !! غريبه صح .
اشيري علي يا استاذه ناعمه لاني وصلت الى الملل والبرود ابي لو مره اشتاق له !!:sadwalk:

 

[azure2008]

عزيزتي : انا مثلك بس طول الوقت على الكمبيوتر . بس لقيت طريقه انني لا اجلس معه في غرفة المكتب كثير اشغل نفسي باي شي لقيت انه يسال عني باديت اغير في طريقة لبسي وشعري اصبحت اكثر مرحا وضحكة في البيت مع اولادي امارس الرياضه في البيت يعني جعلت لي عالمي الذي استشعر فيه بسعادة بنسبة كبيرة . حاولي ان تجعلي لك عالم خاص بك داخل المنزل تستشعري فيه بسعادة . ترى الملل مميت . تحياتي:bye1:

 

[&Athari &]

ايش يضر انه يجلس بالبيت
عادي بالعكس استثمري وجوده في مساعدتك فكري كيف تخلينه صديقك
يساعدك في كل شي وتلعبون مع الاطفال تتابعون برامج مع بعض
انا اعرف ان الانسان يحتاج خصوصيه وانتي اكيد تبين فرصه تجلسين لوحدك
وممكن انك تبينه هو يحتك لالناس
لكن صدقيني غيرك تشتكي انها ماتشوف زوجها الا نص اللييل طول نهاره بالاستراحات والقهاوي واصدقاء السوء احمدي ربنا ان زوجك جالس عندك
خليه هو يفكر معك بنشاطات تسوونها
من اليوم جيبي قلم وورقه واكتبوا قائمه النشاطات الاسبوعية ورصي فيها نشاطات بحيث تخلي زوجك يستثمر وقته بشكل افضل
مثل القراءة والرياضه والافضل يكون عندكم سير كهربائي مثلا وغيرها
تحيااااااااااتي

 

[حلا الجوري]

حبيبتى بالعكس حلو انه بيتوتى
انا مثلك بس استفيد من جلسته مثلا فيه شئ يبغ تصليح او بعمل حديقه صغيرة
او يأخذ الاولاد فى نزهه لوحدهم ليقربهم منه ويلعب معهم
و بذلك يتحمل مسؤليتهم لوحده
وبالنسبه لكى حاولى الابتعاد عنه لفتره بما يشغلك بالفائده مثل قراءه بعض الكتب المفيده
و اهتمى بملابسك و مكياجك لشد انتباهه ولكن بطريقه غير مباشرة
والاطلع على كل ماهو جديد من هذا المنتد الرائععععععععععع
و بيديك و اسلوبك ان تجعلى جلوسه نعمه وليس نقمه

 

[بياض القمر]

بصراحه كثره جلوس الزوج في البيت تطفش ...........مالومك ماتخذين راحتك بس اقترحي عليه يشترك بنادي رياضي فتره المساء والنادي مواجباري يروح له كل يوم يعني متى بغيتيه بتحصلينه...............

 

[~مدمنة قهوه ~]

انا نفس الشي بس من الدوام لي الفراش ومن لفراش لي ال xbox او اي لعبه ثانيه واذا خلص عالنت

مزعج وممل بعد بس انا اسوي نفسي مو متضايقه عادي انا عالنت او اتكلم او طالعه عشان لااتضايق لاني تكلمت معاه

مانفع كأني اذن في خرابه الله يهداه ان شاء الله ويعقل

 

[إخلاصي مخلاصي]

والله ان طلع ماعجبنا وان جلس ماعجبنا

حريييييم

أنا زوجي بيتوتي ومايحب يروح ولو راح مايطول وحتى العزايم يكنسلها ويقول الجلسة معك أحلى

صحيح أنحشر معه واتقيد فيه بس أحسن مايصيع برا البيت ولا ادري وين يروح والله صدقيني نعمة جلوسه معك خصوصاً هذا الزمن يخوف

أحمدي ربك تراها نعمة مايحس فيها غير الي فاقدها

وانا صرت عاادي تعودت واذا طفشت عرضت عليه نطلع شوي نتمشى واتحجج اني ناقصتني بعض الاشياء

ويطلع وهو كاره الطلعه بس ننبسط ونغير جو

أنصحك ماتتذمري قدامه من جلوسه بالبيت استانسي وانبسطي وبيني له انك مبسوطه وهو معك وجددي في حياتك وبيتك ولاتخلينه يشعر بالملل

وارجع واقول لك ترى جلوسه معك نعمة اشكري الله عليها