استحي اكلم زوجي كلام حلو

[جوكر]

حاولت بس ماقدرت احس انه صعب اتكلم وياه كلام حب يمكن لانه ولد عمتي صارلي متزوجه 3سنين ونص بس الكلام صعب وايد اتكلم معاه بدفاشه ام الكلام الحلو ثقيل على لساني احسن اني عبيطه اذا قلتله حبيبي واااااااااااااي عيب
محتاجه لمساعده:clap:

 

[كلي احزان]

3 سنين وليلحين تستحين

حرام والله

ابدي شوي شوي أول شي بالمسجات مثلا وعقب شوي شوي بتتعودين

الريال محتاج يسمع كلام حلو واذا ماسمع منك بيروح يدور برع فلا تخلين خجلج اللي ماله داعي يخرب بيتج

 

[غربه؟]

حاولي جربي .. مثلا يوم يقدم لج هديه او اي خدمه تشكرينه عليها حاولي ادخلين هالكلمات الحلوه . وبعدين بتتعودين .

 

[جوكر]

انا بالمسجات عادي ممكن اراسله بس الكلام وااااااايد صعب مو مثل ماتتخيلو
لما يجيبلي هديه اقوله شكرآ بس احس علي وايد غلط

 

[ماهقيتها منك]

ههههههههههههههههههههههههه ياحبي لك لازم تتعودين يمكن صعب اول شي بس بعدين يمون عادي
واتوقع هو اصلان ماتعود شكله يعني اهله مو هالشكل علشان كذا تحسين انه ثقيل او انه يعلق عليك اذا تكلمتي ويحس انها غريبه منك وانك ماتعودتي صح ولا لا اذا كان كذا لايهمك
قولي كلام حلو واذا ضحك قولي(انا من زمان بخاطري ادلعك بس انت ماتساعد) وبكذا يستحي ويخلي لك مجال في الكلام الحلو

 

[AUDI]

هلا جوكو...
3 سنوات والى الان تستحين !!!!!!!!! قويه هذي لكن هل انت متاكده انه حياء لم انه طبع فيك ماتعرفين
تتكلمين او تفصحين بمشاعرك لاي احد ؟!!!!!
طيب معليش كيفك في شغل اخر الليل ؟!!!! هل تاخذين راحتك وتسوين حركات نص كم خخخخخخخ؟!!!
يعني تتعمدين انك تغرينه او تنادينه للفر اش ؟!!
حاولي انك تكسرين هذا الحاجز شوي شوي ابدي بكلمات بسيطه بين فتره وفتر ه الى ان تتعودين وحتى هو يتعود ...
مافيه اجمل ولا اروع من الكلام الحلو بين الازواج والي للاسف كلنا نفاقده { مشكور , يعطيك العافيه . حبيبي , عمري , الله يخليك لي , الله لايحرمني منك , ياحبي لك , ...... } وغيرها كثير لازم ندخل دوره علشان نتدرب عليها !!!!
وارجع واقول نحن نفتقد للكلام الحلو من الطرفين وهناك اسباب غير الخجل !!!!!

 

[جوكر]

بصراحه مدري شو اقولك بس هوا احسن مني يتكلم بس مو وايد
بعدين انا اتوقع انه اكيد يتمنى اني اتكلم معاه كلام حلو بس يمكن لاني مو متعوده من بيت هلي وغير كذا انا اعيش مع اهل زوجي فكل شي صعب لاني بصراحه استحي

 

[جوكر]

مادري اذا هوه طبع فيني او لا يمكن فالليل نص نص حبيبتي انا عندي ولدين

 

[ماهقيتها منك]

لازم تعودين نفسك ولا تبي تندمين ياخبله

 

[جوكر]

انا خبله مشكوووووووووره ومقبوله منك ياحلوه الموضوع صعب والله صعب

 

[حبيبة ميرو]

ههه ضحكتيني

تدرين هذا بسيط بس شوي شوووي بتصيرين رومانسية

 

[ضمة ورد]

هلا

أختي حبيبتي هذا شيء عادي تعاني منه نساء كثيرات وذلك بحكم تربيتنا العربية المحافظة، نحن لم نتعود على سماع الكلام الحلو والجميل بين والدينا أو إخوتنا لذلك نحن غير متعودات على هذا الكلام والحمد لله إنك واعيه بأن هنالك شيء يجب تغييره في حياتك وهذا وعي وذكاء منك، هو يعلم بإنك تحبينه وإلا كان قد إشتكى خلال السنوات الثلاث الماضيه لكن هذه فرصتك تغير هذا الجفاء المزروع منذ سنوات في حياتنا ، إسمعي إمسكي ورقه وقلم وحاولي أن تتخيلي مواقف حياتك اليوميه وأكتبي ماذا ممكن قوله من كلام جميل مثل عندما يستيقظ في الصباح صبحي عليه بكلمات جميل مثل صباح الورد والسكر وتخيلي بأنه طفل صغير وأردتي تدليعه وإيقاظه في الصباح ماذا تفعلين :icon30: أكتبي أكثر من موقف وإحتفظي بالدفتر وإبدئي بأول موقف {واحد مبدئيا} وطبقيه لمدة يومين ثم موقفين وهكذا وسترين نفسك بدا الكلام الحلو في كل المناسبات وجميل منك تصدر منك هذه الكلمات أمام أولادك حتى يتعلموا في المستقبل في حياتهم الزوجيه { ليس كل الكلمات هنالك كلمات خاصه بين الزوجين فقط } وموفقه إن شاء الله وسوف تلاحظين بأن زوجك سوف يبدأ في مبادلتك تلك الكلمات؟؟:icon26:

 

[أسامة أنور]

الأخت العزيزة الحب مشاعر والمشاعر يب أن تترم الى سلوك وليس هناك ما يمنع المرأة من التعبير عن مشاعرها لزوها لان لان الحياة الزويه مليئة بالتقاصيل والتعقي ات كونى طبيعية تلقائية بشوشة حبوبةمتألقة باستمرار ونوعى و

 

[جروحها بروحها]

حبيبتي اول شى صعب انا معك بس اشوي اشوي بتقدرين وبالعكس انت رح تحبين هذا الكلام ورح تتمنى انة يقوله لكي والله اني اقول الكلام الحلو وما انتظر مقابلة كلام حلو

 

[شرشف]

مرحبا اسمعي قصة حماتي وماراح ازيد عليها ست سنوات زواج 3اطفال ولا كلمت حب ولا تبوس الفم حاولت انصحها ولا فيه فايده والرجال تحمل بما فيه الكفايه لين جا يوم وانقلب حاله لاكبر امغازلجي زير حريم ولما اكشفته والله ما امزح يقولها ظفي وجهك ترد هلا حبي انقلعي ابشر حياتي هههههههه انتبهي-

 

[عبيرنا]

اذا فكرتي انه وحده غيرك بتقوله بتشتعلي غغغغغغغغغغغغغغغيرة وبيطلع الحكي بس خليها في بالك

 

[وردة العشـاق]

3 سنين وماقلتيله كلام حلو !!!!!!!!!!!!!!!!! الله ايعينه الصراحة ..؟؟

 

[وردة العشـاق]

3 سنين وماقلتيله كلام حلو !!!!!!!!!!!!!!!!! الله ايعينه الصراحة ..؟؟

اختي عندي سؤال ... اهو ايقولج كلام حلو ؟؟؟

 

[جوكر]

مش وايد يتكلم يمكن يستحي الله اعلم

المشكله احس انه فشله ابداء اتكلم كلام برومانسيه احس انه مايلايق علي رغم والله لو شفتوني شكلي غير كذا

 

[~. كلي دلـع .~]

أول مشااركه لي وان شاء الله افيدك

حبيبتي مآفيه شي بالدنيا تجربته سهله من أول مره
لازم نكآآفح نفسنا ونترك من عاداتنا اللي تطبعنا فيهآآ

حااسه فيك يااقلبي مجتمعنا يحرم هـ الكلمات في مجتمعنا
الاسري نادر تشوفين الام أو الاب يقولون كلام حلو لاولادهم
وحتى لو فكر واحد من الابناء يقول كلمه حلوه لاخته ولا امه
يعتبرونه شاذ وكأنه قايل شي حرام ..
ومانسمعها الا بـ المسلسلات والاشياء اللي زي كذاا

انتي حاولي بنفسك خطوه خطوه ولاتقولي اني ماقدر او استحي
ترى يبرمجها عقلك الاوآعي ويصدقها وبعدين بتصير اصعب من قبل ...

دخلي هـ الكلمات بيتك لا تخلي زوجك يدورها بعيد
وحتى اولادك بحااجه لهالكلمات ولا ترى بتخليهم يمروآ بمثل تجربتك
بعدين يستحوون يقولونها لزوجاتهم ..>> نعتبره تهديد ههههه

انا جربت ادخل هذي الكلمات ببيتنا >>بعدي صغيره ماتزوجت
صرت اقولها لأخواني مثل حبيبتي وماشابهها >>كلمات ماكانت موجوده بأسرتنا

بالبدايه كنت استحي وخاصه اذا كانت امي موجوده نظراتها غريبه لي
والحين والله امي تقولها لنااا ...

احمد ربي على هـالتغير اللي حصل ‘‘
الحين اخواني الصغار يقولونها بكل جرأه ...

آلله يوفقك يااااااارب ويساعد
والله حاسه فيك .. وان شاء الله بنمشي معك خطوه خطوه
الى ان تجتازين حيآآئك ..

اختك المحبه ....