اسافرولا مااسافر

[%ام جسار%]

يابنات انا متزوجه من سنتين وزوجى اغلب شغله ف الرياض
وهو من قبل عيد الاضحى وهو هناك جاء 5 ايام العيد وبعدها رجع
وبعد شهرين جاء 10 ايام وبرضو رجع وانا منقهره وساكته عشان الشغل
والحين من رجع اخر مره له شهر وزياده وانا صراحه تعبت جالسه مع ولدى لحالى وطفشت والله كل يوم ابكى من القهر واقول لو هو مشتاقى كان قالى تعالى وانا لما اجيبله سيره واقوله انى ابغى اجى عندك يقولى بتطفشى وانا مشغول
الزبده انه اليوم اتهاوشت معاه مع انها اول مره بحياتى اصرخ بوجهه بس والله من قهرى
قعد يعتذر ويقلى انا اسف بس انت عارفه طبيعة شغلى وقالى احجزى وتعالى غيرى جو

بس انا ماادرى بعد ماقلت له طيب احس انى ماابغى اروح بس عشان سويت مشكله
كان نفسى تجى منه ويقولى انو اشتاقلى
هو بصراحه مومقصر معى بشئ بس من كثر سفره احس انو فى فرااااااغ بينا والله حتى مكالمات مانزيد عن 4 او5 دقايق ومره باليوم
انصحونى ايش اسوى اروح ولا مااروح
معلش طولت عليكم بس حبيت افضفض

 

[روحي واو]

والله ., ماادري اذا بخاطرك تسافرين سسسافري .,

لاتخليهأ بخاطره ولا بخأطرك

 

[مجنونة حماده]

انا والله نفس الحاااااااااااااله زوجي يشتغل بالرياض رحت معاه وطفشت دحين انا عند اهلي نصيحه لك
لاتروحي وربي ملل روحي فترة ورجعي لاتطولي عنده عشان روحك ما تزهك

 

[@ميموالسوله@]

رووووووووووووووحي لو منك اروووووووح وشوفي وضعه عجبك الجوء اقعدي ماعجبك ارجعي بس نصيحه روحي شوفي وش وقته وش نظامه

 

[%ام جسار%]

ماقصرتو حبيباتى ع الرد
بس والله ماادرى انا اهلى مسافرين وبيجو على اخر الشهر يعنى حتى لو رحت بروح 10 ايام
بس والله كل مافكرت فى انه مطنش وماقالى تعالى الا لما سويت مشكله هاذا الى كاسر خاطرى

بس شكلهم الرجال مايبغالهم الا العين الحمرا يعنى مايمشيهم الا تهزيئ

 

[ام لنووو]

روحي ياقلبي وشوفي اهم شي اتكوني عنده يعني مو معقوله دوام 24ساااعه

 

[chorook]

روحي ركض لا تضيعي مستقبلك معه بتهاونك روحي الزقي هناك لا تخليه لوحده ابدا احنى نتزوج عشان الحب والامان فين هو الامان وكل واحد بعيد لا تخلي الفجوة تكبر روحي املي حياته حب وحنان خليه يتعلق بك خاصة وانت عندك ولد لا تسمعي صوت الهوى لا اضغطي على نفسك لحد ما تعتادي انت متزوجة لا تخلي حياتك باهتة من غير معنى ليه نتزوج لو ضليت لوحدك احبي نفسك روحي ولا تعودي

 

[ليمون بالنعناع]

ترى الزوجين متى بعدو عن بعض ماعاد يقدرون على العيشه الكامله مع بعض لازم تصلحي الي انكسر وتعيشين مع زوجك وتدوسين على اي شي ممكن يخليكم تبعدون عشان الفراغ الي بيصير عنده بتجيه وحده قناصة فرص وترجعي تقولي ليت وليت روحي وحاولي تحسسينه بمميزات وجودك جنبه ... عسى الله يثبت قلبك على طاعته .

 

[الخنساء المعاصر]

انا مع الاخت اللي تقول روحي بشرط تغيري له الجو
استقبال ولبس وطبخ وابتسامه حتى اذا رجعتي يشتاق لك ويطلب منك تجي

 

[رازيا]

روحي سافري وانبسطي وغيري جو ولا تنكدي على حالك ما فيه شي يستاهل

 

[الخط الفاصل]

رووووووووووووووووووحي
وليش ماتسكنين الرياض معه؟

 

[احسآس عآشقه]

انا من راي البنات روحي لزوجك وتقربي منه احسن لك ولبيتك..

 

[المتفائله بالخي]

عجبني رد اخت من الاخوات
قالت حسسيه بميزات وجودك علشان مايستغني عنه
روحي حبيبتي وانتي حاطه برأسك إنه مايستغني عنك
احنا ازواجنا عندنا ومجاهدين فيهم ونسأل الله السلامه
فمابالك بزوج بعيد عنك

 

[نضوج أنثى]

ما يحتاج سؤال روحي شوفي الوضع كيف ترى مرره مو زين تخلين الرجال لوحده وانتي لازم تتحملي الطفش هناك عشان تكوني مع زوجك والله البعد مو حلو عشان حياتكم

 

[السندرله]

حبيبتي حجزتي ولا احجزلك انا بسرعه قبل ماتجي وحده ثانيه وتتربع في مكانك

 

[حلا شرقي]

روحي حبيبتي وشوفي الوضع بنفسك يمك يعجبك ولاتخلين زوجك بروحه حتى لو بتملي وبتطفشي المهم تكونين قريبه منه لأن بعدك عنه ممكن يفتحله مجال للخيانه بكل سهوله سافري وتوكلي على الله

 

[امرأة من نور]

ترى البعد جفا... لا تعوديه على بعدكم مهما وثقت فيه... هذا انسان... زوجك وبيتك كل حياتك فكيكي من السوالف والمشاوير والأهل والاصحاب.. ما حد دايم... عندك طفل يسليكي وبيت وتنظيف وطبخ وحلا وانترنت وتلفزيون..وعبادة..والا ما تتعرفي على جارة ولا شيء... والله قضيتها بدون اصحاب اكثر من سنتين في غربة لا اهل ولا بيت حماي ولا جيران حتى... لكن انشغلت في بنتي وبعدين وظيفتي وربك يسهل بس هاتي وقت.. الان عندي علاقات .. لا تتركي زوجك لوحده مهما كانت الاسباب...

 

[hadifa]

الموضوع ما يحتاج تسألين روحي من غير تردد ترى البعيد عن العين بعيد عن القلب

لا تعوديه على بعدك​

 

[حياتي اماني]

يا اختي روحي لازوجك لو كان فى اي مكان المهم تكوني مع زوجك

وراح تنبسطي مدامك معاه

 

[لؤلؤ سكري]

اذا تبين نصيحه محبه ومجررررررررررررررررربه وحده ذاقت المراره من السفريات

روحي له غصبن عليك ...طفشتي ولا ما طفشتي
خليه يتعود وجودكم جنبه وحوله
بالله عليك اذا ما صار حريص على الولد وهو صغير ..تتوقعين انه بيحرص عليه اذا كبر
رح تتحملين المسؤليه كلها فوق راسك
وهذا النوع من الرجال يتهرب من المسؤليه ...والله بتندمين بعدين

ولا تقدرين تعدلينه
وبما انك توك متزوجه من سنتين يعني كلمتك مسمووووعه
روووووووووحي .... رووووووووووووحي ....روووووووحي
بس بشروط :
1) خليك مررررحه ... دائما ضحك ونكت
2) بيني له انك مهتمه فيه ...في تجهيز ملابسه ..سوي له مساج يوميا قبل النوم عشان يتعود عليك
3) بيني له انك حاسه بتعبه واشكريه لأن الرجل يحب كلمه شكرا
كرريها ...قولي ياعمري انت وش كثر تتعب عشانا... الله يعطيك العافيه
4) حسسيه انك مبسوطه وولدك مبسوط وصارت صحته افضل لانه يشوف ابوه كل يوم
مثلي عليه ان ولدك دائما تعبان وطفشان اذا ما شاف ابوه وإنه تغير 180 درجه عن اول ..يعني صار بشوش
5) اذا جاب طاري رجعتكم
قولي والله ما اقدر انام بدونك ... خلاص تعودت عليك ...وبشتاق لك ...حتى في العلاقه الحميمه بيني له انه ما تقدرين تصبرين منه
نسيت اقولك العلاقه الحميمه لازم كل يوم واذا اقدرتي مرتين في اليوم افضل .. عشان حتى هو ما يقدر يخليك تروحين
6) دائما قولي له احس انك استانست يوم جينا معك
ما أتوقع انك رح تصبر مننا ابدا
شكلك ما عاد بتخلينا نرجع ...لانك تعودت علينا
(دخلي في مخه انه بيحزن عليكم ...وما بيقدر يكمل بدونكم ... وانه استانس بوجودكم ..)
حتى لو انه ما استانس رح يستانس بهذي الرسايل الايجابيه
والله لها مفعول كبير ...والكلام للجميع ...الرسائل الإيجابيه للعقل الباطن تخليه يؤمن بالشي حتى لو كان منكره

ودمتي بود