اريد علاج طبيعي للالتهابات

[*ام رغد*]

السلام عليكم
لو سمحتم انا حامل بالشهر الثامن واعاني من الالتهابات
طبعا رحت للدكتورة واعطتني تحاميل وخفت لكن رجعت
والسبب
اني زوجة ثانية وطبعا هو يتنقل بين الزهرتين
وهي دائما عندها التهابات وطبيعتها ماتداوم عالعلاج
وكلنا يعرف ان المعدد ينقل العدوى
كلمته فقال انها تعالجت وان دكتورتها اعطته هو كمان علاج
طلبت منه ان يعالج نفسه حتى مانتضرر مع الحمل ولانضر الجنين
رفض طبعا والى الان احاول اقنعه مثل مانصحتني احدى الاخوات في دردشة الحوامل
رجعت كتبت الموضوع هنا لاني ابغى علاج طبيعي للالتهابات والحكة
حاليا انا اتوضا بالمرة
بس اللي عندها خبرة اوعلاج شعبي ينفعني مع الحمل
لاتبخل علي
ولها مني دعوة بظهر الغيب ان الله يوفقها لما تحب وترضى


ومشكورين

 

[*ام رغد*]

سلامات ياحريم
ليش ماحد رد علي
غريبة
تعودت منكم التعاون
وينكم

 

[بداية غير]

حبيبتي وانت حااااااااااامل لابد من علاج طبي تحت اشراااف الدكتووورة اما الخلطات الطبيعية ماتصلح الا لغير الحااامل
ع العموووم فيه تحاميل اسمها ميكوزال 200اعرفها وقد صرفتها لي الطبيبة اثناء الحمل لانه كان عندي التهاب ...والحمدلله خفت بكثير ........,,,
اتمنى اني فدتك حبيبتي,,....

 

[بداية غير]

حبيتي لاتنسين تسالين الطبيبة قبل ماتستخدمينها ..والله يسعدك,,

 

[*ام رغد*]

مشكورة اختي بداية غير على نصيحتك
والدكتورة فعلا اعطتني تحاميل وغسول وداومت عليها ولله الحمد تحسنت
بس بعدها رجعت لي وقالت الدكتورة استمري على الغسول
انا كنت ابغى شيء يغنيني عن علاج الدكتورة والعودة لها
ويقيني من العدوى المنتقلة بيني وبين زوجته
بس الظاهر اني مااقدر استخدم شيء الى ان اولد باذن الله
تحياتي لك والله يوفقك لما تحبين

 

[امورة حمودي]

مرحبا اختي سلامتك ماتشوفين شر انا الدكتوره صرفتلي غسول الوفاج مره حلو وطبيعي تلقينه بالصيدليه

 

[بنوتة كووووول]

نفس معاناتي يا قلبي.وصرفت لي الدكتورة ميكوزال.
لكن مثل ما قلت أنها تروح وترجع مع الحمل، والطبيبة خبرتني إن المناعة في فترة الحمل في هذي المنطقة تكون ضعيفة، فالالتهابات المتكررة شيء عادي، لكن لابد من علاج طبي، وخاصة قبل الولادة مباشرة عشان لاتتعبين في الولادة وبعدها.
والله يقر عيني وعينك بالولد الصالح.

 

[*ام رغد*]

امورة حمودي وبنوتة كوول
مشكورين على الرد
الله يشفينا من الالتهابات ويبعدنا عنها
وادعوا لي اولد بالسلامة

 

[القاسية الحنونة]

استعملي الدواء اللي قالت لك عليه الدكتورة ..وياليت لو تمتنعين عن الجماع ..عشان لاترجعلك الالتهابات..لان لو استمرت معاكي لوقت الولادة .ممكن يتلوث الجنين لا سمح الله واصلا بتكون المنطقة ملتهبة راح تتعبين
وماتشوفي شر يالغلا

 

[ام متعب33]

حبيبتي ماتشوفين شر بسم الله عليك

شوفي انا عانيت معانات غير طبيعيه مع الالتهابات لما كنت حامل
ومابقت دكتوره مارحتلها ولا علاج ولا تحاميل مانفع معي مدري وش جاني

المهم آخر شي قالتلي وحده جزاها الله خير اني اسوي غسول طبيعي بالبيت
تجيبين اوراق اكليل الجبل تغسلينها وتنقعينها بمويه مغليه كثيره وتخلينها وقت لين تطلع فايدتها
بعدين تتوضين فيها مو تجلسين فيها لا بس تتشطفين
وانشالله يارب تنفع معك وتريحك
حتى المره بعد يمدحونها

ماتشوفين شر

طمنيني عليك اذا ريحتك

 

[نجمة مضيئة]

ربي يعينك ويعين كل واحدة مبتلاة انا مثلك تشافيت منتها وتم الحمل بعدها رجعت تعبااانة حييل منها


انا قبل احمل كنت اشرب بابونج واتشطف ببانوج بس فترة الحمل صعبة يسبب تشنجات

مافيه غير ننتظر بعد الولادة وربي يسهل امورنا ​

 

[قمر للدنيا]

حبيبتي صيري نقعي البابونج وسوية غسول وان شاء الله يمشي الحال والله يفرجها عليكي يارب

 

[راجية عفوك]

المره احسن شي غسلي بالمره وسويها مغطس وهو بعد حتى لو تنقعين مره وقبل الجماع تحطيف فوطه او منديل بالمنقوع ويمسح فيها كامل المنطقه او ديتول يقتل البكتيرا ودام هو السبب مفروض هو يكون حريص على نظافته قبل يجيك وتعقيم جسمه واذا رفض قولي سلامتي انا وطفلي اهم من رغباتك يا تتعالج وتتنظف او بعد عني وتاكدي بيحرص حرام وش ذنبك وبعدين الافضل تحرصي يكون بين جيته لك ولها وقت اقل شي يومين تخف الجراثيم الله يعين

 

[مرة البرهي]

انا قايله لي دكتوره بمستشفى الحبيب تغسلي المنطقه بماء وملح حطي لك بقاروره ماء مع ملح وتوظي به وخاصه بعد الجماااااع وربي يعافيك ويعافينا وكل مسلم ..

والله من زماااااان مادخلت لي سنه ودخلت علشانك ..

دعواتك​

..

 

[مرة البرهي]

وايه صح نسيت اقولك وكثري من شرب الماء..

​

 

[*ام رغد*]

القاسية الحنونة وام متعب ونجمة مضيئة وراجية عفوك
ومرة البرهي
شكرا لكم على نصائحكم
وانا فعلا اتوضأ بالمرة ونفعتني
وهو حريص على نظافته
بس انشاء الله باعقمه بنفسي بالمرة قبل يجيني
كده اسلم


سامحوني
طبعا ما اجلس على الجهاز كثير لاني مااقدر من الكرّوشة
علشان كذا ماشفت الردود الا الحين
الله يجزاكم الجنة ويوفقكم

 

[ام النونة]

الاتهاب تصاب بها اكثر الحوامل مثل ماقالت الاخت

المناعه تكون ضعيفه

الملح الخشن طيب لو تطشطفين به

انا في حملى صرفتلى الدكتوره

املاح البحر الميت بلمسك

الحمدلله استفدت منه راحت الحكه

 

[خطوات راحلة]

والله ماعندي علم لكن استخدمي الملح الخشن حلو للالتهابات ..والله يقومك بالسلامه