انا ايضاً اعاني من الاكزيما و جربت عدة اشياء .. لكن للأسف هي مالها علاج نهائي .. تروح و ترجع في مكان ثاني من الجسم ..
أول كريم نفع معايه لما كنت صغيره .. اسمه بيتاديرم .. هو من مصر .. و ممتااااااز ..
و بعدين راحت عني و رجعت بعد كم سنة و استخدمت ألفاكورت .. و مع المواظبه عليه خفت جداً و بطلته ..
و بعد كم سنه رجعت الأكزيما و كنت مسافرة ألمانيا .. رحت عند دكتور جلدية كتب لي وصفة دوا ممتاااااز .. يركبونه لج في الصيدلية .. من أول استخدام لاحظت الفرق و داومت عليه شهر وراحت عني الاكزيما .. لكن ما يطوَل بعد شهرين تنتهي صلاحيته ..
بس مثل ما قلت لج هي تروح مع العلاج و ترجع بعدين اذا تعرضتي لشي يسبب لج الحساسية .. مثل بعض الأكلات .. أو تغير الجو و الحرارة .. و المكيّفات .. لازم يتبدل الفلتر اللي في المكيّف لأن الغبار اللي فيه يهيّج الاكزيما ..
و الملابس الغير مريحة .. انا من فترة طلعت لي على اطراف الملابس الداخليه .. فصرت البس أشياء واسعه و قطنية ..
و الترطيب مهم لتخفيف الاكزيما .. دايماً استخدمي كريمات مرطبه .. فازلين على الجسم و كريم مرطب للوجه ...
و بس هذا اللي عندي .. الله يشفيج ..