اريد ردودكم اليوم قبل بكره..

[full moon]

اليوم كتبت ورقه حق زوجي يعني رساله واقول فيها ليش هاجر فراشك ويوم الوي عليك ودك تدفرني من ويهي ولا تحب اشوف ويهي ان قلتلك سوا بتكذبني هوه واحد من الأثنين إما انك تكرهني او عندك غيري ولا تقولي كلام حلو وآخر مره سوناها بس من برع وقبله في وقت الجماع ماسمع كلمه حلوه ولا حبه (بوسه) وقلت ماريد امثل دور الأم وبس اريد اكون كلشي في حياتك مش اني افكر بالجنس بس لأنه السبب اكبر وين تفرغ طاقتك انته غالي عندي بس ماتحمل اشوفك عدالي وانت بعيد عني .... هذا يللي كتبته ومن العصر مارد كلمني لأنه هوه رايح النادي وقالي انه مابيتأخر وانا قلتله يوم بتطلع من البيت بالسياره بطل الكيس .. انا حاطتله هديه (قميص) بس قولولي شوه اسوي هوه طلب مني اقوله كلشي في خاطريه ولا بيزعل .... ردو عليه الله يخليييييييكم ...

 

[عنقود عنب]

الله يبرد قلبك


تحياتي اختي

 

[سلة فواكه]

اختي الله يساعدج ما اقدر اقولج اي شي لاني ماعرف مشكلتج
بس بقولج
انتي سويتي الي عليج وقلتي له شنو فيج بس طلبي رد صريح وواضح لاتخلينه يغير الموضوع7 او يقص عليج
الله يهديه لج قولي امين

 

[روعة روح]

اختي ما اقول غير الله يعينك

 

[hnooood]

مراااااااااااااااااااااااااااااحب​

حبيبتي انت سويتي الي عليج بس لازم تسوين ليله حلوه و تهيئى نفسك لاجاباته وابدي بمدح خصاله ولا تتسرعين ولا تقاطعينه خليه يطلع الي عنده كان بالزين او باشين لا قدر الله .وفي النهايه اتمنى لج ليله تريح قلبج:clap:

 

[عاشقة الهمر]

ربي يكون بعونك اختي

 

[أمواج الغروبM]

اتمنى لك التوفيق حبيبتي بس ودي اقولك سبحان الله يمكن ما يتجاوب او يتصرف معك كان ماصار شيء وقتها لا تزعلين ترى بعض الرجال ما يتاثرون بالكلام اللي في الرسايل انا مرة كنت متضايقة وكنت ابغ اتفاهم معه بكل شيء مضايقني كتبت له رسالة مطبوعة باحمر واطارها قلوب وشكلها يفتح النفس وصفحة كاملة وانا امتدحه وابين له مدى حبي وعشقي له بعدين كتبت كل شيء ضايقني منه والله العظيم حتى يوم اكتب اني يضايقني كنت اسبقها بحبيبي و اكتب بعدها الله لا يحرمني منك بالعربي ما كانها رسالة عتاب كانها رسالة حب وحطيتها بالبيت وطلعت مع امه وقلت له يقرأها.....
النتيجة!!!!!!!!!!!!!!! آآآآآآآآآآآآآآآه
رجعت البيت وانا كلي حماس قلت بيراضيني لقيته نايم قلت مو مشكلة اكيد تعبان ثاني يوم الظهر انا في المطبخ وهو طالع من البيت بثوبه يقول لي وش اللي كتبتيه امس قلت له مو الحين نتفاهم خل لما ترجع قال لي اصلا اللي كتبتيه كله تفــــــــــاهــــــــــــــــــــات بكل بساطة قالها وطلع من البيت

 

[حزن حالمة]

^^^^^^^^^^^^^^^ياويلى من القهرياامواج الغروب
انا لومكانك كان انجلط وكمان مااغديه

ياحبيبتى انتى سويتى اللى عليك وانتضرى منه ردة الفعل
ولو ماتكلم بالموضوع
وانتو قاعدين تتتقهوا عادى اساليه من غير تعصيبه او ملاماه
وبكل دلع
حبيبى
ايش رايك باللى كتبتلك؟؟؟؟؟؟؟؟
او عجبك خطى؟؟؟؟؟؟؟؟؟؟؟
طيب كلامى؟؟؟؟؟
سويله تسحيب كلامه
وهويطلع اللى عنده
دعواتى لك:icon26:

 

[ليل الشتا]

والله أحيانا السفه والتطنيش أحسن شي لمثل هذولا

 

[full moon]

البارحه فليل ماشفته لأنه نام تحت في الميلس وانا طول اليل احلم انه ياني وحباني ولوا عليه و.و.و.و.و.و إلخ.... يوم نشيت تحسبته حقيقه بس طلع حلم وتميت افكر ليش مارجع بس هوه طرشلي مسج يقول انه اختي محرظتني عليه دقيتله وقلتله انه هذا المسج من اسبوع عندي واترياك تاخذ تلفون عشان اطرشه وطلعت ختيه من السالفه بس قالي انه احين هوه مشغول وبيرد عليه هوه في الدوام احين ...
ومشكورات خواتي عردودكم الله يصبرنا على رياييلنا

 

[العشرينية]

حبيبتي نصيحة لك من خبرة 18 عاماً زواج
إذا كان هو من طلب المصارحة فلا تتوقفي عن مصارحته أبداً
الرجل يحب المرأة اللي تكون صريحة معه حتى في طلباتها في الفراش
حتى لو لم يبدي الاهتمام لذلك ولكن الكلمات سيأخذها بعين الاعتبار عاجلاً أم آجلاً
أهم شيء ما يتخلل المصارحة أي نوع من التجريح أو التلميح لأي أشخاص آخرين
وأخبريه بأنك لا تريدين الاستمتاع إلا منه فقط لا تريدين الحب إلا منه
وسوي اللي عليك والباقي أتركيه لله
وعليك بالدعاء (الله يهدي سرك ويريح بالك)
حتى لو طنش وزعل من الكلام لا تيأسي
هذه حياتك لا تعيشي على هامشها ..... عيشيها بكل لحظاتها حلوها ومرها
حتى يكون لحياتك معنى ...... صحيح إنه الرجال لا يتوقع منهم الكثير
ولكن كثرة الكلام يلين الصخر ...... بس خلي كلامك بطريق ودي
لا تخلي الموضوع شغلك الشاغل يعني مو كل ما تشوفينه تزني أبغى وأبغى
توددي ولمحي له من بعيد لبعيد عن رغباتك وإن شاء الله تلاقيه النتيجة اللي ترضيك
والله معاك ويوفقك