اريد حل0000 الصمت حطمني

[زوجة مدرس]

بسم الله الرحمن الرحيم السلام عليكم ورحمة الله وبركاته يا احلى ملكات في الدنيا بصراحه ما ادري من وين ابتدي هل اتكلم عن نفسي او مشكلتي لكن شكلي راح اعرفكم عن نفسي اول بصراحه انا انسانه تزوجت وانا صغيره كان عمري 19 سنه وكنت اصغر اخواني يعني دلوعة ما ما وبابا الله يرحمه تقدم شاب لخطبتي وكنت مبسوطه ووافقت بعد موافقة الوالد الله يرحمه وكان زوجي اكبر مني ب7 سنوات قالوا لي انه اذا كان اكبر منك بفتره يعقلك اكثر المهم انا كنت انسانه مرحه واجتماعيه واحب اسولف كثيييييير يعني اتضايق اذا احد كان جالس عندي ولا نسولف مع بعض المهم تزوجنا وزوجي صار انسان طيب وحبوب وراعاني كثير خصوصا لما كنت ادرس وبعد ما حملت وجبت نور عيوني بنتي الكبيره وما قصر معي وقت دراستي با العكس كان يشجعني اني اكمل لكن اللي منكد علي حياتي والشيء اللي صدمني في بداية زواجي انه زوجي انسان صاااااااااااااااااااااااااااامت قليل الكلام حاولت اني اغيره بما اني كثيرة كلام لكن ماتقبل مني هذا التغييير وانا كنت انسانه فرفوشه واحب الضحك تغير حالي معاه اللحين انا صارلي 6 سنوات متزوجه لكن الصمت اللي في حياتنا ذبحني انا ادري انه يحبني لكن انا زي اي انثى احب الكلام الحلو وكثرة البربره ههههههه تخيلو لو تشوفوني اذا رحت عند اهلي او اهله بس اتكلم من ادخل عند الناس ليما اطلع وانا اتكلم احسهم يزهقون مني لكن وش اسوي احس فيه بداخلي طاقه لازم اطلعها ولا يمكن اطلعها ببيتي لانه زوجي ما عنده اسلوووووب تخيلو احاول اضحكه اقول نكت اذا عملو عيالي حركات جديده احاول انبهه ابيه يتكلم معانا شوي يبتسم ابتسامه بسيطه ويرجع يصد عنا كانه بعالم ثاني ادري انك بتقولون يا كثر كلامك بس والله من جد احس اني مره مره متضايقه وما لقيت الا انتو افضفض لكم وترى اللي مضايقني اكثر الصمت العاطفي واخر شي ترى هذا طبعه عندي وعند غيري انسان قليل الكلام ولا اعنده اسلوب الاستماع يعني لا يحاورني ولا يحاول يسمعني ساعدوني الله يخليكم:no:

 

[الام الحنونة]

الصمت في عند بعض الناس افضل

 

[الام الحنونة]

وعسى ان تكرهوا شيئاً وهو خير لكم

والله يعلم وأنتم لاتعلمون

 

[زوجة مدرس]

مشكوره يا الام الحنونه لكن حبيبتي كل شي له حدود والشيء اذا زاد عن حده انقلب ضده مو لدرجة انه يكون صامت حتى عن تعبيره بحبه لي

 

[Pink Dove]

حبيبتي اقرأي دورة الاستاذة موزه انماط الرجال وفيها الرجل الصامت وكيفية التعامل معه .. الله يعينك ويوفقك ان شاءالله

 

[بنت الاصول]

الله يعينج حاولي تعرفين منه ليش كله ساكت بس المعروف الرجال طبعه السكوت والغموض بعكس المرآه