اريد حل لهذه المشكلة

[خضراء]

عندي طفلين ولد عمره ثلاث سنوات وبنت عمرها سنتين وبالليل ماينامون كل ساعة يصيحون يبون حليب
خلاص متعودين كل وقت يقومون نبي حليب يعني ما يعرفون النوم وانا صراحة تعبانه منهم كيف افطمهم من الحليب واخليهم ينامون مثل الناس وتقريباً من اربع الى خمس مرات تزيد او تنقص عدد مايقومون يطلبون الحليب ارجوكم ردوا علي وزيادة انا حامل وتعبانه زيادة ...
الله يوفقكم ويجزاكم خير:icon1366:

 

[سكون28]

عندي طفلين ولد عمره ثلاث سنوات وبنت عمرها سنتين وبالليل ماينامون كل ساعة يصيحون يبون حليب
خلاص متعودين كل وقت يقومون نبي حليب يعني ما يعرفون النوم وانا صراحة تعبانه منهم كيف افطمهم من الحليب واخليهم ينامون مثل الناس وتقريباً من اربع الى خمس مرات تزيد او تنقص عدد مايقومون يطلبون الحليب ارجوكم ردوا علي وزيادة انا حامل وتعبانه زيادة ...
الله يوفقكم ويجزاكم خير:icon1366:

أختي عطيهم وجبه ياكلونها قبل النوم.. حتى تشبعهم وتخليهم يطولون في النومه شوي..

وحاولي تنظمين نومهم.. يعني لاينامون في النهار.. حاولي بقدر المستطاع..

لأن أعطائهم الحليب في الليل وبكثره يزيد رغبتهم للذهاب للحمام.. وبكذا راح تتعبين...

لذلك مثل ماقلتلك: نظمي نومهم.. وعطيهم وجبه شوي دسمه قبل النوم..

كان الله في عوننا وعونك على تربية هالأطفال..

 

[أم عبودي2008]

أختي اذا كنتي غير موظفة فصخري كل وقتك لخدمة أولادك وأحمدي الله على نعمتهم
أعرف كثيرات محرومات من الأطفال يتمنين أطفال ويرضعنهم كل دقيقة
وحرام عليك تفطمينهم
بالعكس الطفل محتاج للحليب كثير في مرحلة الطفولة
والله أعرف ناس يتمنون أطفالهم يحبون الحليب علشان يرضعونهم
ولكن أنصحك بزيادة كمية الحليب حتى يشبعون وتنظيم مواعيد الرضعات
وهم من نفسهم سيتعودون على الموعد يعني مثلا 3 إلى 4 ساعات
ولا تنسي أن اطفالك أمانة عندك وكلها كم سنة يكبون ان شاء الله وترتاحي من التعب والرضاعة

 

[ياسمينة الورد]

1,الأستيقاظ المبكر
2,القيلولة لمدة ساعة بعد الظهر
3,بعد صلاة المغرب ألعبي معهم وحولي يكون فية شوية جهد وبعدين جاء دور الأستحمام
عشيهم عشاء
فية بطاطس وزبادي يثقل بطونهم وصدقيني بعد التعب والحمام والعشاء مارح يصحون الأ الصبح
ويفضل لصلتي الفجر أعطيهم رضعة ,
وربنا يصلحهم ويحفظهم لك

انتظر ردك بعد التجربة

 

[خضراء]

مشكورات اخواتي على التفاعل والردود
الله يجزاكم خير

 

[اريد الرومانسيه]

يعني اللي عمره 3سنوات المفروض ماياخذ رضاعه في وقت النوم خلاص صار كبير والله يعينك هم بعد حامل المفروض تنظمين حملك يعني طفل 3سنوات وطفله سنتين والثالث في الطريق يعني انتي يبلك راحه من بعد الطفله الثانيه وخاصه انهم وراء بعض الله يخليهم لك ويتمم عليك حملك بس لازم ترتاحين شوي من الحمل والعيال انا عندي ولد اللحين عمره 6سنوات واخته عمرها سنه و7شهور واحس هم مارتحت هالمره ماني حامل الا لمن تكمل بنتي 4 او 5 سنوات الوحده تحتاج للراحه علشان تستقبل الطفل اللي بعده بشوق ولا انتم شرايكم بعد احيانا المراه تقول خلاص مابي احمل اللحين والله يكتبه لهم بدون ارادتها

 

[Om Dnoo]

ياقلبي بنتي كانت كذا بس حليب طول اليوم اكل مافيه بس بالنهايه وحده نصحتني احط ملح بالرضاعه وحطيت والحين ماتاخذها وعمرها الحين ثلاث سنين بس صعب كل شوي تقومين تعطينهم حليب وانتي بعد الحين حامل ولاتخافين راح ياكلو بس اهم شي العشا والزبادي