اريد حل ربي يوفقكن..

[داعي الشوق]

مرحبا خواتي ...



انا اول مرة اكتب موضوع في هالمنتدى الرائع جيت متعنية عسب اطرح مشكلتي الصغيرة عليكن..

انا ممتلجة من 5 شهور تقريبا ..
احبه ويحبني وطيب وايد الحمدلله عندي وكل كلامه حب ربي لا يغير علينا ..
بس مشكلتي اللي اواجهها ..ان ريلي كتوم وبطبيعته هادي ..اجتماعي بس مشكلته ما يفضفض لاحد وانا حرمته يحق لي يفضفض لي شو فخاطره .
.مثلا دوم يكون مضايج وانا احس به بس يقولي مافيني شي ويصرف الموضوع ويسولف ..ما يهون علي ابا اعرف شو فخاطره...واستخدمت وياه اسلوب اني انا افضفض له وجيه ابين له ان نحن لبعض ولازم نشكي لبعض وجيه بس ماشي فايدة ..يمكن البعض يشوفها مب مشكلة بس نحن زوجين وانا تهمني هالنقطة وايد..


بشو تنصحوني دوم احاتيه ومشكلتي وايد افكر كيف وكيف ...تعبت والله العظيم ..

دخيلكن ربي يوفقكن شورن علي بنصيحة ​

وانا صابرة وايد وادعيله ​

 

[خلآص...!]

حبه حبه بتعرفيه اكثر
كل يوم يصير فيه اكتشاف وانتي بدهائك بتفهميه
لاتضغطين عليه عشان مايتغير عليك
تعاملي معه بذكاء وعاطفه واذا شفتيه متضايق لا تغصبيه يتكلم ... اذا حب يتكلم هو من نفسه بيجيك يفضفض ...... لاتصيرين بنظره غثيثه سحبي منه الكلام بسلاسه وذكاء
الله يوفقك

 

[شجـــون]

هذا طبع في الأغلبيه

ما يتكلمون إلا بطلعة الروح

زي ما قالت الأخت اللي فوقي لا تلحين عليه

قولي ليه اتمنيت تفضفض لي واشيل عنك شي

لكن براحتك مع اني ما راح ارتاح انا << يمكن يرحمك ويقولك

 

[سهرانه أنتظرك]

عااااااااااااادي توه ماتعود عليج انتظري لما تصيرون ببيت واحد بيتعلق فيج اكثر وانتي بطريقتج تخلينه يفضفض بدون مايحس والله يوفقج

 

[داعي الشوق]

تسلمن خواتي والله ما قصرتن ع مروركن الطيب ..لا هنت..​