اريد حلكم الشافي

[حايره وخايفه]

السلام عليكم ورحمة الله وبركاته​

شخباركم يالمتزوجات

هذي اول مشاركه لي في المنتدى وحبيت انكم تساعدوني وتشوفولي حل

خواااااااتي .........

أنا وزوجي الحمدلله تقريبا حالتنا مستقره ولله الحمد يمكن لاني ماكبر المشاكل بس مشكلتي ان في شي يخليني اشك فيه والسبب هو ان تيلفوناته اكثرت .عنده 3تيلفونات طبعا بعد ماكان الثالث مخبنه عني وانا من خذته اعرف انه عنده تيلفونين واحد على حسب كلامه للشغل وقافلنه برمز سري وانا ماعرفه وواحد لنا والثالث يوم سألته عنه قالي انه ربيعه مأمننه عليه وهذا شي خاص بينهم وانا مايصير اعرفه , طبعا انا انهرت من هالكلمه وزاد شكي لكن بصمت وزوجي من النوع اذا زعل مني مايكلمني ويخليني لين ارضا بنفسي ونا واااااايد تعبانه وكل يوم قبل ماانام اقعد افكر وانتو تعرفون الشيطان شاطر والتيلفون الثالث من يدخل البيت يخليه ع الصامت ومايرد على اللي يتصلو فيه
وخاطري افتحله الموضوع بس اعرف اني مارح الاقي اجابه شافيه وبقولي ردينا على الاسئله
طيب وش اسوي شو اقوله عشان اعرف واذا عدكم طريقه افتح فيها الرمز وأطمن قلبي من غير مايعرف دلوني ...........



مع حبي :
اختكم في الله الحايره

 

[بسه فوشيه]

باقلبي تعوذي من الشيطان اذا ماشفتي شي خلاص طنشي الموضوع ولاتساليه لان الرجال مايحبوو التنبيش واصبري وانتي تقولي حياتك مستقره يعني لاتخربينها بشكك

استغفري وادعي ربك الله يهديه

 

[قلب الورد]

انا برأيي اخفي الجوال الثالث من غير ما يحس وشوفي رده فعله ولا تطلعيه الا اذا تأكدت انه مو له
هذول الرجال ما يفيد فيهم غير الكيد
يعني هو يخليك تاكلين في نفسك وانت تسكتين ذوقيه مثل ذوقك نار الحيره

 

[محرومه حنان]

استخيري واكثري من الاستغفار الله يعينك وترى من حقك تطلبين يفتح لك الجوال المقفل لانه اذا مافيه شي غلط ليش مقفله

 

[معلمتـ روضهـ]

شوفي اختي ..
اذا ماشفتي عليه شيء مثل انه دايم مسكر ع نفسه او دايم بر غير الدوام وان معاملته متغيره معاك اذن الرجال ان شاءالله انه مو راعي شيء ..وش تخافين منه اذا صاير راعي تقفيل الباب عليه او راعي نت وبعدين عزيزتي الي راعي خراب ومغازل والله يبان عليه من دون كثر اجهزة الجوال وطيعيني وانا اختك لا تنبشين وراااااه..
تقبلي مروري

 

[فرحة صباه]

اقووووووووووووول
تعوذي من ابليس تراه يبي يخرب عليك ريحي راسك ونامي وانتي مرتاحه وطنشي والله اعرف وحده زوجها يكلم وراعي بنات على الجوال والمسن وسكتت عنه مااتكلمت لانها عارفه اذا قالت له بيقول بداخله خلاص عرفت وعادي اتكلم قدامها ولكن اذا سكتت يكون خايف من انها تدري وتعطيه وتحسسه بالثقه الزايده وانه مايحب غيرها وانه مايشوف غيرها والحين ماشاءالله ماهو مقصرعليها بشي وكل طلباتها اوامر وهو الى الان يكلم تخيلي

 

[2010 lulu]

لاتخلي الشيطان يلعب في راسك واذا هوا بعمل غلط مع رب العباد ربي يمهل ولا يهمل الله يوفقك ويسخره لك

 

[حايره وخايفه]

مشكــــــــــــــــــــــــــــــورين خواتي على هالردود الطيبه والله من بعد الله ارتحت لكم وبنتواصل
ان شاءالله

اختكم حايره من الامارات