اريد حلا.. كيف اتعامل مع زوجي ؟؟؟

[أموووله]

السلام عليكم
ارجو ان تتفهمو وضعي وترشدوني
ادري ان الشكوة لغير الله مذله
بس برضو ما خاب من استشار
الحمدلله والصلاة والسلام على رسول الله
انا ولله الحمد باقي اسبوع واكمل سنه على زواجي
بدخل في الموضوع
الحين زوجي يقعد طول اليوم بالبيت مبوز وما يكلمني بسبب او من غير سبب هذا اسلوبه وانا سابقا كنت دايما لما يكون بهالشكل ادخل في حاله واكلمه واضحكه واجيبله مواضيع لين تتعدل نفسيته وطبعا مو دايما يستجيب لي احيانا يظل لين ينام وهو على هذا الحال
المهم انا سئمت من هالوضع فجربت اني اتعامل معاه زي ما يعاملني اقعد طول اليوم مبوزة ولا اكلمه ( طبعا بعد موقف زعل حصل بيننا) واكتشفت ان الوضع عنده عاااااااادي ازعلي لاتتكلمي ويمكن يقول دقي راسك في الحيط يعني يبغاني انا دايما اللي ابدأ في المعامله الحلوة والكلام الحلو وهو على حسب مزاجه يستجيب او لا يستجيب ودايما اكلمه بالموضوع ويرجع لسابق عهده ،،
انا مقهوووووووررررررره انه لسه ماكملنا السنه وهو كذا اجل بعد عمر طويل ايش بنسوي في السنوات القادمة

ادعولي ربنا يسخر قلبه لي ويلين قلبه علي ويحننه لي ويشعر اني انثى ولست قطعة اثاث بالبيت وعلاقتنا علاقة انسانيه فيها الحب والعاطفه والموده والرحمة وليست علاقه حيوانيه .....


اريد حلا ..........​

 

[وعد الكويت]

هذا انسان مريض اسمحيلي على الكلمه ومغرور بعد الله يعينج عليه حبيبتي لاتفكرين بالحمل يمكن ما ويا عيشه

 

[أموووله]

هلا اختي وعد

الله يسامحك هذا اللي طلع منك

بس انا احبه ودايما وانا مقهورة منه اشوفه نايم اقول في قلبي نوم العوافي يارب

ولما يخرج اقول ربنا يحفظك وريجعك ليه بالسلامة

ومن ناحية الحمل ماادري انا ودي اقوله ان وقت الحمل تكون النفسيه زفت ولو انت تعاملك معاي كذا ميف بيكون وقت الحمل هم على هم ؟؟


وجزاك الله خير

 

[سهسوهة الحلوة]

اصبري فترة وتعدي حاولي انك تكلميه في ساعة صفاء بينكم وانو هذا الشي يضايقك وانتو لسع في اول الطريق. وكيف لو سار عندكم اطفال الحياة تكون صعبة............ حاولو تخرجو تتفسحو تغيرو جو امكن تهدى نفسيته.... او يمكن زعلان من حاجة تانية حاولي تفهميه.وربنا يساعدك

 

[نظرت المستقبل]

اختي في الله الحياة زي كده يعني لا تتوقعي الرجال يحب يبادر بالعكس يحب انه الزوجه هي اللي تبدء بكل شي انا ما اياسك بس والله من تجربه عمر الرجال حتى لو كان يعشقك بجنون يحب انتي اللي تبدي وياحبيبتي انتي ولا هو كلكم مكمل لبعض يعني لا تحطي فرق بينكم والزوجه الذكيه هي اللي تعلم زوجها قبل ما هو يعودها على طبعه يعني ابدي وعلميه انتي الفرفشه اضحكي وانبسطي وسوي جو رومانسي كل يوم سوي حركه جديده صدقيني باذن الله راح يتغير والله يسخره لك ويسعدكم واذا احتجتي اي شي انا بالخدمه

 

[نــور عـيـونـه]

لسااتك عرووس ياقمر وتوك بأول المشوااار

فيه بعض الناس كذا معصبه على طول وبدون سبب و الواضح إن زوجك منهم يعني هذا طبعه..

شخص مثلــه يجي بالتعـــود ومع الوقت ويبيله طووووولة بااال...

يعني ما ينفع تقوليله بالكلام لاتكون كذا كون كذاا <~ ما ينفع معااه

إذا كان بهالحالــة سولفي معااه بالموااضيع اللي يحبهاا و لا تيأسين من محاولاتك لأنه يحتاج وقت حتى يتأثر..

العنااد ما بيجيب نتيجه معااه لذلك اضبطي أعصابك دووم و تعالي له بالسياســه..

وترا ما فيها شيء إذا كنتي المبادرة دائماًا الحياة مشاركة مو مقايضة ومعظم الرجال ما يبادرون

وهذا طبع زوجك وعرفتيه لازم تتعاملين معه على هذا الأساس..

وأكيد ما تنسين الدعااء و شغلي سورة البقرة في البيت يوميا أو اقرأيها بنفسك..

الله يصلحه ويهديه ويسخره لكِ

اللهم آمين



​

 

[سكر زيادة*]

الله يسخرلك زوجك ويحنن قلبه عليكي

 

[حبيبي ابو بناتي]

الله يعينك حبيبتي نفس زوجي ما يسولف الا اذا كنت زعلانة علشان ارضى واذا رضيت رجع زي اول
الله يسخرلنا ازواجنا ويحنن قلوبهم علينا يارررررررب..

 

[نور ابدي]

اختي امولة:icon26: ابشرك بلخير اولافي السنة الاولى من الزواج يجب ان تكون هناك عقبات امام الزوجين اعتقد ان ما يحدث معك احداها وبعد سنوات تقولين سبحان الله كانت مشاكل صغيرةثانيالايوجد شى بدون سبب ابحثي عن الاسباب لان معرفة السبب نصف العلاج ثالثااستعيني بلصبر والصلاة على اوقاتها والدعا بين الاذان والاقامة لايرد:blush-anim-cl:ادعو الله ان يحنن قلبه عليك

 

[أنيقة]

هلا حبيبتي..

مشكلتج فيها ناحية سلبية وبعد فيها ناحية ايجابية..
الايجابية انه قاعد طول اليوم في البيت.. يعني ((((( متطمنه ))))) وينه وشو يسوي وغيرها من الاسئلة اللي تعذب..
الناحية السلبية انه مبوز على قولتج..
اول شي يمكن يكون يمر في الفترة الطبيعية اللي يمر فيها كل رجل .. ( انه ينعزل عن كل شي بدون سبب من جهتج ) بس هو عنده شي يفكر فيه ومحتاج ( بريك ) .. خليه.. اتركيه.. هو بنفسه بيرجع طبيعي بعد فترة.. وواجبج هالفترة تشغلين نفسج بأي شي ( إلا هو ) ..
ويمكن انتي مو موفرة له الجو اللي يحبه هالنوع من الرجال.. ( عندي احساس كبير انه جنوبي ).. بتلاقين وايد مواضيع للاستاذه ناعمة في المجلة.. وفي دوراتها نصايح بشكل عام لكل انواع الرجال اتخلينه خاتم بصبعج ..

 

[أموووله]

اشكر كل من رد وقرا الموضوع

ولكني للان لم اجد كفايتي وشفى غليلي في الاجابات

وجازكن الله كل خير

والحمدلله الحمدلله الحمدلله
وانا ابحث عن موضوعي هذا مررت على الكثير من المواضيع والهموم المشاكل التي هي اعظم واكبر من مشكتي

فالله الحمد والمنة وربي يسخر كل زوج لزوجته

آآآآآآمين

 

[القلب الحاني]

الله يسخر قلبه لك ويلين قلبه عليك ويحننه لك ويشعر انك انثى ولست قطعة اثاث بالبيت وعلاقتكم علاقة انسانيه فيها الحب والعاطفه والموده والرحمة وليست علاقه حيوانيه اللهم امين بس المراءه هي التي تغير الرجل استمري ولسه انت في بداية حياتك ولا تخلي الشيطان يدخل بينكم مهماكان لانه بيجي يوم ويقول انا اعاملها بالاساءه وهي تعاملني بالاحسان
خليكي على طبعك الحلو ولاتنسي الاستغففار وفقك الله لما يحبه ويرضاه

 

[راحةالقلوب2]

الله يهدي سركم

 

[أموووله]

جزاكن الله خيرا

 

[نور ابدي]

ارى ان تهدي له اشرطة لمحاضرات دينية عن العلاقة بين الزوجين وانا سمعت احاها للشيخ ابراهيم الدويش اسمه بحر الحب كان له تاثير كبير علي ممكن يسمعه بلسيارة وقدميه له على شكل هدية انت في بداية الطريق اموولة ارى ان تشحني مؤشرات السعادة للاقصى ولا تهتمي للمشاكل البسيطة وتكبريها وارى ان تبحثي عن الاسباب فقد تكون طبيعته ليس الا اسال الله ان يسخر لك زوجك

 

[ياربي انصرني]

انا اشوف من حولي من محارمي من الرجال انهم اذا كانت عندهم ضغوطاااااااات نفسيه تكون حياتهم عزله وماله خلق يتكلم ويعانون زوجاتهم من ذلك ويشتكون واكثر هذه الضغوطاااااات الديووووووووووون

واني حاولي تفهمين زوجك وتقرئين في مواضيع موزه الخلفان وناعمه الهاشمي والمواضيع الذهبيه المثبته في قسم الزوج والزواج وتعرفي على شخصيته ونمطه من بوصلة الشخصيه 00