اريد حلاً وهل انا غلطانة او لا

[nano0]

بسم الله الرحمن الرحيم
السلام عليكم ورحمة الله وبركاته

كيفكم يا حلوات ..؟؟

والله مشكلتي ماادري هيا عويصة ولا هو اصلا ما في مشكلة :22:

بس ابغا النصايح والمساعدة

كدة قبل فترة صارت لزوجي دورة ومن هديك الدورة الانسان متغير
يعني دحين شهرين تقريبا صار انسان تاني تماما
فحسيت انو في احد في حياتو وصراحة بحبشت وراه الين اكتشفت انو احساسي صحيح
وكم مرة صارحتو في الموضوع ولكن يوم يعترف وتاني يوم يغير كلامو
المهم اتغير كتير كتير وانا حاولت ابينلو انو مو هاممني مرررررررة الموضوع وعادي مو فارقة معايا
وانا باكل في نفسي المهم في يوم كلمت البنت وقالتلي حكاية تاني يوم هيا كمان غيرت كلامها
والله خبلوني
الا لما جلست معاه وباقلو اني كلمت البنت وقالت كدة كدة كدة قالي ياانتي كزابة ياهيا
وانا ما بيني وبينها شي للعلم انا اطلعت على فواتيروووو ويعني المكالمات حدث ولا حرج
ولما عصب طلقني طلقة والمهم انا دحين ليا اسبوع ونص في بيت اهلي ومو عارفة ايش اعمل
والله مرررررررررررررررررة تعبت ونفسيتي تعبانة وبابا مسافر وبيستنى بابا يرجع والين بابا يرجع
امكن انا مخي راح يفصل
مع العلم انو في طفلين مالهم زنب

فايش اعممممممممممممل ماني عارفة ما بيدي شي غير الدعاء والاستغفار ....


بليز ساعدوني ​

 

[قيثارة انثى]

رسلي له رساله قولي له ماسويت هشيء الا عشان احبك كثير

وعمري مابشك فيك وراغبيه اذا طلع من البيت سلفي الاولاد اي احد وسوي له مفاجئات شموع وعوضيه عن كل شيء

حسسيه انك احسن من اللي يكلم والباقي على ربنا

 

[nano0]

اوك انا كنت باعمل دا الشيء غير انو في تفاصيل كتير ماكتبتها
انو ماصار لا يبغا يودينا ولا يجيبنا ويقولي انا ماابغاكي وانا مااحبك
ويعصب على اي شي حتى لو ما لو دخل فيه ويتحجج باي شي عشان يععمل منو مشكلة

وزي ماقلت ياحلوة انو انا دحين في بيت اهلي بحكم انو طلقني وقلي عبي شنطتك ووداني بيت اهلي
وانا لو مااكلم اهلو ماادري عنو اي شي ........​

 

[رازيا]

ما دام حضرت تشكرات خانم انا مالي داعي هههههههه
المشكلة محلولة باذن الله

 

[تشكرات]

أنا من رأيي >>ما تكلّميه ولا تراسليه أبدآ >>حتى يجي أبوكي ويتفاهم معاه باللتي هي أحسن ودائمآ ( الاباء لهم وجهة نظرهم السليمة ) ..ورجال يعرفوا لبعضهم ......
لأنك لو كلّمتيه وراسلتيه >>بيتطمن لك ولا يخاف من أبوكي >>لأنه عارف >> نقطة ضعفك ..أستني أبوكي لغاية مايرجع وبعدين لكل حادث حديث ...وربنا يهديه ..
........................................................................................

 

[الخط الفاصل]

بعد الله اتركي الموضوع لأبوك وانتظريه.. لا تقدمي على أي خطوة معاه..لا ترمي نفسك عليه لا تجري وراه ولا تلاحقيه برسايل أو مكالمات..
إنت ما أخطأتي بحقه ولا تسوين له مفاجآت ولا شموع زي ما قالت الأخت.
خلي المبادرة تجي منه..
الزمي الإستخارة والدعاء وقيام الليل..والمكتوب مامنه هروب..

 

[عذاب السنين]

مرحبا أختي
أولا أسأل الله لك أن يرد زوجك إليك عاجلا غير أجل
ثانيا أنتي حطي في بالك كل الاحتمالات
منها أنو ممكن تكون زوجته
هنا أنتي شاوري نفسك تقدري تتحكمي باعصابك وتكملي معاه أولا
الاحتمال الثاني
ممكن تكون (نزوه ) وتعدي
ومافي حدى مامر بهيك شغلات
لكن الهادي ربنا
أستغفري ربك بنية إصلاح الحال
وثقتنا فيه كبيره
بالنسبه لزوجك
حاولى ماتبني ضعفك وموقفك جدا طبيعي
لكن في نفس الوقت حافظي عليه
لو حاول يرجعك لا ترفضي
مهما كان يبقى زوجك
وأبو أولادك

موفقه يارب

دعواتك لوالديني بالرحمة والمغفره ..​

 

[تشكرات]

ما دام حضرت تشكرات خانم انا مالي داعي هههههههه
المشكلة محلولة باذن الله

العفو حبيبتي رازيا
انتي الخير والبركة
وهذا من ذوقك
( يا الغلا >>>> أبغى أجرّب كلام أهل الامارات
حبايبنا هههههههههه

 

[hadifa]

زي ما قالت الأخوات اتركي الموضوع للوالد هو يتصرف

والله يكتب الخير وينصرك على من ظلمك​

 

[حلم احلامي]

خليكي عند رأيك لاتسكتي ابدا ..لازم نكون قويين عند اول خيانه عشان ماتتكرر
وبعدين يفكر الف مره قبل لايخطو الخطوه هذي .. ويخاف من ردت فعلك بعد كذا...
اغلب الخيانات المتكرره سببها تجاهل الزوجه من اول مطب...

 

[اجواااان]

(الي باعك بيعيه برخيص ولو كاااااااااااااااااااان غالي)

 

[الى الله امضي]

لازم الموضوع يتصفى عن طريق الرجال

لا يكون بينك وبينه اي اتصال

اذا كلمتيه تكون عيبه كبيره بحق ابوك واخوانك

وهو رايح يتعامل معهم باستخفاف لانه ضامنك بيده

الله يكتب لكم الخير يارب

 

[سمرء غير]

حبيبتي الله يهديلك زوجك ويسخره لكي انا رائي من رئي الاخت تشكرات استني لين يجي الوالد ويتفاهم معا الله ييسر امرك

 

[nano0]

وهادا كان رايي انا كماااان انو استنى بابا والله يستر على ما يجي ههههههههههه
وانا والله ما باكلمو ولا حاجة حتى في مسن البيبي لما بارسل باشيل اسمووو
عشان ما يروحلو اي حاجة بس احس اني محتارة ومني عارفة ايش اعمل على المدى البعيد
والمهم ياحلوين الله يريح قلوبكم كلكم وحدة وحدة ويسعدككم ويسخرلكم رجالكم ومكان ماتروحو
تلاقو الكلمة الطيبة والعمل الطيب يااااااااااااااااااارب

الله يسعدكم .....
وشرفتوني​

 

[سمرء غير]

الله يسعدك دنيا واخرة والله دعوتك تبرد القلب وتريح الخاطرالله ييسر امرك ويعطيكي اللي فى خاطرك

 

[nano0]

اللهم امييييييييييييييين ياقمر
ويعطيك اللي في خاطرك ​

 

[حلم احلامي]

الحمد لله اني رديت عليكي ...كسبت دعوه حلوه منك ياعسل ...
الله يفرج همك ياكريم..

 

[نســـرين]

خلي الموضوع على اهلك ودوسي على قلبك شوي
ان بينتي لو انك تبغين ترجعين والله يسوي كل شي ماتبغينه قدامك ويتفرعن عليك >>><<<أساليني ​

 

[محبة مكة]

اولا لا تنسي قيام الليل والاستغفار والقران
ثانيا فكري هو لي التجا الى الخطا
هل في تقصير من ناحيتك
هل تغيرت عليه
حاولي تقرئي عن نمطه وتطبقي

 

[nano0]

يسعدك حلم احلامي ويسعدد قلبك يارب

نسريييين الله يريح قلبك انت كمااااااان والله الرجال ما يحتجلهم سؤال في الفرعنة
فرعون مات وتركلنا فرااااااااااااااااااااااااااااااااعين غيرو يتفرعنو علينا زي ما يبغو الله يسعدك​