شوفي حبيبتي ,, هالخجل شي طبيعي في الأنثى ,, انتي حاولي انج تكونين طبيعيه مع زوجج لا أكثر ولا أقل ,, يعني لا تتعاملي معاه كأنه ضيف بتجامليه شوي و بيروح لأ هذا زوجج و عايش معاج طول اليوم و انشالله يا رب طول العمر تكونون مع بعض ,, حاولي انج تخلي نفسج لزوجج يعني لا تتعاملي معاه بحساسيه و خجل و تكلف ,, تعاملي معاه كأنج تتعاملين مع نفسج كأنج واقفه جدام المنظره تكلمين نفسج لأنكم الحين صرتو انتو الأثنين واحد يعني 1+1=1 هذا قانون المتزوجين ,, لازم في البدايه بتتعبين عشان تتخلصين من هالخجل الزايد بس صدقيني بعد فتره بعد ما تتعودين عليه و تحاولي انج تتعاملين معاه على انه نصج الثاني بترتاحين و بتحسين ان علاقتج فيه صارت اقوى و احسن و اريح ,, و على فكره الرجل في بعض الأشياء يحب إن زوجته تكون خجوله ,, بمعنى انه الخجل = الأنوثه ,, بس مو في كل شي مثل ما قلتلج ,, بعض المواقف تحتاج انج تكونين دلوعه و خجوله فيها بس في أغلب المواقف بينج و بين زوجج لازم تتشجعين شوي و تشيلي الخجل منج ..
الله يوفقج و يسعدج انشالله مع زوجج طوووول العمر يااااااا رب ..
أختج الصغيرونه CUTE ANGEL