اريدنصائحكم الثمينه

[احبك بجنون]

السلام وعليكم
انا اول مره اكتب مشكلتي ااااه ضاقت فيني الدنيا الوسيعه
ارجوكم انصحوني
انا زوجي متزوج علي مسيار
طبعا بعد الحاح مني عرفت انه متزوج وقالي مابي احد يعرف بالموضوعالا انا وانتي
حتى هي ماتعرف اني عندي خبر وقالي اذا عرفت انك عرفتي ابخلي لها ليله
مو هاذي المشكله المشكله فيني غيرتي جنونيه مو قادره اتقبل الموضوع كل ماقول خلاص هديت اثور مره ثانيه
حتى هي الحقيره كل مره مسويه سالفه علشان يجي عندها لو ساعه
الله يسخرلكم ازواجكم وذرياتكم وشلون اتعامل مع زوجي واطنش حركاته مع انه يحاول اني ماحس بس مشكلته مايعرف حركات اللف والدوران وانا خايفه انها تسيطر عليه
عطوني حلول لغيرتي اللي بتهدم حياتي الله يخليييييييييكم

 

[رابعة 1965]

الله يصبرك ويفرج همك ويسخر لك زوجك ويوفق بينكم
عزيزتي غيري من حياتك الجرح في القلب لكن لا تخليه يطلع على الوجه غيري من نفسك اضحكي عيشي حياة العرايس لا تذكرين سيرتها ابد انسيها اتمتعي بحياتك وأهتمي بزوجك وبكل فنون الحياة الزوجية السعيدة وما شاء الله المنتدى هنا مليان بالموضوعات اللي تساعدك تغيري حياتك أطلعي وتفسحي أعملي أيام رومانسية
لكن إذا جلستي زعلانة ومتنكدة صدقي أن زوجك بيروح عندها هارب من النكد خلي النكد عندها وأنت الفرح عندك
والله يسعدك

 

[احبك بجنون]

اشكرك حبيبتي على النصيحه لكن
الخوف مسيطر علي
ماحب اطلع اخاف يلقاها فرصه يروح لها
وبعدين ماعندي شي اسويه انصحيني الله يخليك والله احس اني متوتره ومو قادره اسوي شي

 

[احبك بجنون]

الله يعافيكم ارشدوني كيف اتصرف
بس وحده الي عبرتني ربي يسخرلها المال والبنون والزوج الحنون

 

[رابعة 1965]

عزيزتي حاولي تشغلين نفسك بعمل بدراسة وعندما يكون خارج المنزل دعي التفكير به واين ذهب وربما كان عندها انتي تعلمين انها زوجته ولابد ان يذهب لها إذا عيشي حياتك حب عندما يكون معك وعيشي حياتك عمل عندما يكون بعيد
أجعلي فترة ذهابه لها فترة للعناية بجسمك بمنزلك بنفسك فرصة للتغيير وكلما جاء يجد هناك تغيير وليس زوجة نكدية وعيون متفخة من البكاء والعويل
الله يسعدك ويفرج همك

 

[لغيرك لاتخليني]

حبيبتي الله يعينك يااااارب
طيب زوجك ليه مايبي احد يدري <<لو منك اعلم
بس المهم انتي الحين تقولين مابغى اطلع من البيت علشان مايروح عندها انتي كذا
تكتمي على نفسك وضيقي حالك اكثر واكثر
بل بلعكس اطلعي وتونسي وطنشيييييه
ومصيره يردلك ولااااااا تحرميه من النوم معك جددي من المعاشره الجنسيه
خلك جريييييييئه واعذروني على الكلمه(وممحونه)لان الرجال يثيره هالشياء وبيتعلق
فيك اكثر واكثر واكثر
والله يعين ياااااااااااارب​

 

[أميرة الحب]

حل لعل يريحك

خلي لجوءك لله تعالى ادعي ان الله يثبتك واشغلي روحك باي شي ولا تفكرين علشان ما تتعبين وحاولي تطنشين ولا تبينين غيرتك حاولي تضغطين على نفسك وتصبرين ان الله مع الصابرين وبالتوفيق

 

[انت وبس!]

حاولي ثم حاولي انك تلغين وجودهااا

ادري صعبة بس حاولي ، كل ماجت على بالك قولي لنفسك (موكفو افكر فيها)

انسيها او تناسيها وعيشي حياتك وقولي هذي حياتي ماراح اقبل احد ينكدها علي ، ليش اما جم مرة بعيش

اذا جا عندك قومي بواجباتك الزوجية العادية لاتسوين الزايد عن الحد عشان لايظن سي السيد ان زواجه طلع من وراه فايدة

لاتتكلمين عنها قدامه ولاتسالينه عنها ابدا ابدا

واذا حاول يستفزك خليه يكمل كلامه وبعدين قوليله ( ماتهمني !)

سوي ريجيم وغيري من شكلك واشتري ملابس للبيت مغرية وغريبة

خليه يحس انه مايبي يروح لها

هية الحين عروس بس انتي تقدرين تسحبين البساط من تحت رجلها وتصيرين عروس انتي الثانية

 

[الخواتم]

نعم كلام سليم وكل ماقالوا صحيح اشغلي نفسك البسي حافظي على جسمك اشفطي ان كان لك كرش جهزي القهوه والحلى واخسريه نزوه وتعدي انتي موظفه

 

[احبك بجنون]

اشكركم على ردودكم الي ترد الروح
والله يسخر لكل وحده ردت علي المال والبنون و الزوج الحنون
اشكرك اختي رابعه على النصيح لاني فعلا من بعد ردك اكتشفت اني ممهمله بيتي ومن زمان ماغيرت فيه لاني والله مالي نفس وتعبانه مره


طيب زوجك ليه مايبي احد يدري <<لو منك اعلم
والله مادري احيانا احس انه مومبسوط واحتمال يتركها
واااااه احيانا احس انه طاير فيها ويقول اني اخذها مسيار ولا ابي احد يدري مراعي مشاعري
وانا مره اصدق ومره اقول يدور مصلحته لانه يهددني اذاعرفت اني عارفه بيخلي لها ليله وبنفس الوقت قايلها مومن صالحك اذا عرفت زوجتي
يعني احس انه يلعب على الحبلين وانا ماابغى احد يعرف بالموضوع تعرفين الناس وكلامهم الي يجرح

خلك جريييييييئه واعذروني على الكلمه(وممحونه)لان الرجال يثيره هالشياء وبيتعلق
والله ماقصرت وابدعت لحد ماقال هالكلمه صريحه وهالكلام قبل مادري ان عنده نية زواج
حتى هو احس انه يستمتع
وسالته ايش الي ناقصني يحلفلي انه مافيني عيبولا قصرت معه
مافيه سبب من ناحيتي لزواجه

سوي ريجيم وغيري من شكلك واشتري ملابس للبيت مغرية وغريبة

بالنسبه للرجيم اصلا من بعد ماعرفت وانا ناحفه حوالي 7ك
حتى هويقولي صاير جسمك حلو
ومن ناحية الشياكه طبعي احب البس واغير واكشخ لدرجة اذا طلبت اروح للسوق قالي مله داعي ماتملين مافيه اكثر من لبسك
واليالي الرومانسيه اسويها من قبل ما اعرف انه ناوي
وبعدين انا موظفه ومومقصره على نفسي بشي
بس فيه نقطه مهمه في الموضوع
انا بنت طيوبه مره ومستحيل احد يطلب مني خدمه وارفض وانا قادره فوشلون اذا كان زوجي حبيبي
فدائما يجي يتمسكن عندي ابغى فلوس سلفيني وانا من طيابتي اعطيه البطاقه
فاحس احيانا انه مستغل طيبتي وحبي له
اااااااااااااااسفه على الاطاله بس علشان تفيدوني بموضوعي:32:

 

[دلع قلبه]

لعلك تحتاجين تعرفين كيف تتعاملين معه ليكون لك وحدك بإذن الله

اقرئي وتعلمي بقدر ماتستطيعين واحرصي على تطبيق مايناسبك

http://www.niswh.com/vb/showthread.php?t=109230&highlight=%C7%E1%C7%E4%E3%C7%D8

http://www.niswh.com/vb/showthread.php?t=239085&highlight=%C7%E1%E3%D5%D1%E6%DD

http://www.niswh.com/vb/showthread.php?t=241393&highlight=%CA%CC%D1%C8%CA%ED+%D2%E6%C7%CC%E5

http://www.niswh.com/vb/showthread.php?t=267962

http://www.niswh.com/vb/showthread.php?t=268458

http://www.niswh.com/vb/showthread.php?t=243070&highlight=%DD%ED%D5%E1+%E6%CF%C7%E4%C9

اعانك الله وانار بصيرتك..

 

[@لورا@]

الا الصرافه ليش تعطينه عشان يصرف على المرأه

 

[اشراقه جديده]

اذا بتعطيه الصرافه ابشرك بيجيب الثانيه مو مسيار الا رسمي وعلى قولتك انتي طيبه ومن عندي راح تحلين مشاكل العنوسه انتي وزوجك ادري بيضايقك كلامي بس ليه تعطيه الصرافه ايش دارك انو مو منها جلب المهر للمسيار خبي فلوسك ما احد نافعك غيرها وقولي قالتها اشراقه
موووفقه

 

[روح حمدان]

حبيبتي تقبلي زواجه وحافظي على سره وانسي انه متزوج وحاولي تبعدين عن المشاكل ولاتعطينه فرصه يروحلها زعلان وسوي نيولك وغيري نفيك اكثر وتقربي من ربك وعشان الفلوس لاتخلينه يستغل طيبتك حافظي على فلوسك

 

[ام رجوجي]

حبيبتي ليش تعطينه فلوس من المفروض انك تاخذين منه مو تعطينه الله يهديك بس خلتيه يجمع فلوسه ويفتح فيها بيت ثاني الله يفرج همك وغمك ويسخر ليكي زوجك ورده ليكي ردا جميلا ويبعد عنه كل الحريم وفرج ربي هم كل مهموم

 

[احبك بجنون]

والله مادري وشلون اشكركم على نصائحكم الثمينه ماخاب ظني فيكم
الله يوفكم دنيا واخره ويحقق ربي لكل وحده ردت ماتتمنى ويفرج همها
ويسخرلها المال والبنون والزوج الحنون يارب

 

[احبك بجنون]

واشكر اختي ((دلع قلبه)) على الروابط
وانشاء الله راح افتحها واستفيد منها
ادعولي ان الله يهديني ويصبرني على مابتلاني

 

[مَلآمِحْ حُلمْ]

الله يعينك و يرد لك زوجك رداً جميلاً​

 

[الجده الصغيره]

الله يطمن بالك..مهما كان الرجال مايحب زوجته تكون زي البقره ..يقودها وين ما يبي ...لاازم لك وجودك وشخصيتك المميزه..التفتي لنفسك ودلعيها وناظريها..... بشره..... شعر ........اناقه......... عطور ........

خليه يشوف انك مهتمه بنفسك لنفسك مو له وشوفي وش بيصير ولاتتركين مجال تفكرين بالثانيه...مسكينه المسيار عذاب والكل يدري...

 

[نور زوجها]

ليه متخلين لك ليله وهي ليله اريحلك والله اذا صارلها ليله راح تلزم بغداه وعشاه وشغله الي بذاك اليوم وتغسيل ملابس لكن بدون ليله بس تكشخ وتنتظر ه يعني بالعربي فرس الليل وبعدين اذا جلس معها وقت طويل يملها