اريحوني اراحكم الله..!!!.. خطيبها لا يتواصل معها

[world flower]

السلام عليكم ورحمة الله وبركاته

كيفكم يا أغلى بلقيسات في الكون؟

أحب أني أعرض عليكم مشكلة صديقتي العزيزه وهي التي كتبت مشكلتها بنفسها فأرجوا أن لا تخذلوها وتهتموا بأمرها.

"أنا أمر بحاله صعبة وأريد مساعدة منكم الله يخليكم بأقرب فرصة مشكلتي هي ان خطيبي يطنشني كثيير لما أرسله واتصلبه دايما مشغول أو عند أصدقائه وأجلس أبكي لفترات طويلة لأني صرت أفتقده هو صارله متغير علي من 6 شهور ولما أقوله أنك تغيرت علي يقول أنا حاس فيك وحجك علي بس اهم شي تهتمي ف دراستك لأنها مستقبلك واهي الرابط الوحيد بيني وبينك صرت أكره كل شي حتى دراستي لما أكلمه ترجع نفسيتي للدراسة ودايما أخبره بالحالة والوضع اللي أنا فيه يقول لما نتزوج بعوضك عن كل حاجة بس أنا محتاجتنه تعبت من هالوضع ساعدوني بلييييز شو أسوي معه حاولت معه كل الطرق بدون جدوى.....:schmoll::schmoll:​

 

[عروسه كول]

الله يعينك اختي طنشيه لاتجرين وراه وان شاء الله يرجع مثل اول

 

[..دنيا الوله..]

حبيبتي لييه معقده ننفسك .. انتي خطييبته مو زووجته لسى على هالحركااات بعديين مايصيرلك قيمه عنده اذا ازعجتييه خليييك ثقل وكلمييه باعتداال عشان مايطفش منك..خلي هو اللي يدوورك مو انتي واذا حسييتي انه حرريص علييك ودايما يهتم فييك انتي قابله بنفس المعاامله خلااااااص خلييك ثقل واهتمي بدراستتك مثل مايقووول <<وماقال هالكلااام الا لانه يحببك ويتمنى لك كل خييير..الله يووفقك ويعيينك..ويخليه لكـــــــ..

 

[اعلامية طموحة]

آآآآآآآآآآآآآآآخ منكم يالبنات حالتكم صعبه

هي متزوجه ريال ولا متزوجه حرمه علشان تجلس تهذرب معاه 24 ساعه

حبي في رجال ما يحبوا الكلام ابد يحسوه منقصه

هو قالج اهتمي بنفسك وبدراستك .. يريد انسانه مرحه وحبوبه مستقله .. يريد يشوف فيك هذي الروح اللي ذبحتيها في نفسج

بالله عليج انتي عايشه علشانه ولا عايشه علشان نفسج .. تتنفسي علشانه ولا علشان نفسج

اختي باجر اذا انهرتي وذبلتي .. وجاك الضغط والسكري والمصران الأعور .. بيوديك زوجك المستشفى وبيرجع البيت ينام .. وبيقول شو ذا الهم اللي ابتليت به

بذمتج حلفتج بالله تريدي تتزوجي شخص 24 ساعه مهموم ومتضايج ويباج تجلسي جنبه 24 ساعه

بتقولي طبعا لا .. طيب تخيلي شعوره هو لما يسمعج تبكي كلمني كلمني كلمني .. كأنج طفله

سمعي كلامي عدل .. من اليوم لا من الحين توقفي على حيلك وتعيشي لنفسك وبس وكل الباقين يجوا بعدك مباشرة

اذيج الساعه بتقولي ياريت زوجي يفك شوي .. لأن كل الناس تريد تجاور الناس السعيده اللي تجلبلهم الفرح والسرور

من جاور السعيد يسعد

مب الحين تحتاجي خطيبك علشان تضحكي وتستانسي يحياتج:busted_red:​

 

[Ms Uae]

الخوات ما قصروا وياها

وأنا أقولج في مثل عن الحريم

يقول ان الحرمة مثل الظل إذا شردت عنها تركض وراك وإذا ركضت راها تشرد عنك

ابتعدي شوي .. تغلي عليه...اثقلي شوي..خليه يحس بقيمتج

عطيه فرصة يحس كيف الوقت والحياة بدونج

خليه يرجع متولهة عليج

مب يكلمج كواجب وشي مجبور به

أنا أدري انتي بشو حاسة ..انتي ولأول مرة تملكين شخص وتحسين انه لج بس من غير الناس كلهم

بس ها الشي لا تخلينه يطغى على حياتج وحياته

وبالتوفيق

 

[Butterfly~]

آآآآآآآآآآآآآآآخ منكم يالبنات حالتكم صعبه​

هي متزوجه ريال ولا متزوجه حرمه علشان تجلس تهذرب معاه 24 ساعه​

حبي في رجال ما يحبوا الكلام ابد يحسوه منقصه ​

هو قالج اهتمي بنفسك وبدراستك .. يريد انسانه مرحه وحبوبه مستقله .. يريد يشوف فيك هذي الروح اللي ذبحتيها في نفسج​

بالله عليج انتي عايشه علشانه ولا عايشه علشان نفسج .. تتنفسي علشانه ولا علشان نفسج​

اختي باجر اذا انهرتي وذبلتي .. وجاك الضغط والسكري والمصران الأعور .. بيوديك زوجك المستشفى وبيرجع البيت ينام .. وبيقول شو ذا الهم اللي ابتليت به​

بذمتج حلفتج بالله تريدي تتزوجي شخص 24 ساعه مهموم ومتضايج ويباج تجلسي جنبه 24 ساعه​

بتقولي طبعا لا .. طيب تخيلي شعوره هو لما يسمعج تبكي كلمني كلمني كلمني .. كأنج طفله​

سمعي كلامي عدل .. من اليوم لا من الحين توقفي على حيلك وتعيشي لنفسك وبس وكل الباقين يجوا بعدك مباشرة​

اذيج الساعه بتقولي ياريت زوجي يفك شوي .. لأن كل الناس تريد تجاور الناس السعيده اللي تجلبلهم الفرح والسرور​

من جاور السعيد يسعد​

مب الحين تحتاجي خطيبك علشان تضحكي وتستانسي يحياتج:busted_red:​

والله كلامها صحيح مية في المية ,,,, انا كنت ازعل لما خطيبي يقولي مشغول وما عنده وقت
وكنت ابكي واتضايق ,,, بس من فترة صرت اطنشه والله الحين اتمنى ما يتصل ولا يكلمني ,,
صار العكس هو يقولي وينك مشغولة عني وباين انك مهتمة فيني وكذا ,,, بس انا زودتها حبتين
يعني ما سألت بالمره لين هو صار يتصل ويبعث مسج وكذا,,, اثقلي عليه بس مو كثير عشان ما
تصيرين مثلي و تكرهيه بالمره ,, :tears:​

 

[antelope]

صح هذا الشي صعب عليج، بس حاولي تتغيرين، حاولي

يعني اثقلي شويه ولا تتصلين به كل شويه، حتى لو كان في خاطرج تكلمينه، قولي لنفسج لاااا

بصبر شويه، يعني لو كنتي تتصلين به 5 مرات في اليوم خليها 3 مرات او مرتين

هو بيحس إنج بعدتي وهو اللي بيهتم .. أول شي جربي الطريقه وإذا ما نفعت له كلام ثاني ..

أهم شي ما تضايجين عمرج ... لأنه بعضهم يحبون يشوفون الوحده متعلقه فيهم ...

 

[المداوية بسيفها]

يالغالية، كل الكلام اللي سبقووني فيه خواتي وقالوه صحيح

انا كنت اشوف بنت عمي اربع وعشرين ساعة هي اللي تتصل

وهي اللي تدز مسجات وغيره، لكن مره لاحظت ان هو ولا مرة يتصل ولا يدز

الا لمن هي تتصل او تدز شي ، بعدين قالت انا بتبع اسلووب غير

هي بروحها حست، قامت ماتتصل او تدز مسج الا لمن تبي تقوله انها

بتروح مكان وبس ، بعدين هو حس وبعدين تم كله هو يتصل وهو يدز

وهي عاادي مارجعت لعاادتها لكن خففت اتصالاتها ..

ربي يوفقج ويسخره لج يااااارب

وركزي بدراستج ترا في هالزمن مابيفيدج الا شهااادتج

تقبلي مروري

المــ بسيفها ــداوية​

 

[world flower]

مشكورات عزيزاتي وصديقتي سعيده جدا بردودكم..

أما أنا وخطيبي عاد فلم..!!!

محد يكلم الثاني بالتلفون ممنووووووووووووع لانه خطوبتنا مطوووله وإذا كلمنا بعض من الحين بنمل وأنا من النوع الي يمل بسرعه من الشخص الي اكلمه فديت خطيبي أنا ((محترررم)).. احم احم.."اصلا نحن ما شغلنا هالسوالف"

احبكم في الله يا حبوبات.

 

[world flower]

للرررفع