وردته
New member
- إنضم
- 29 نوفمبر 2010
- المشاركات
- 320
صباح الخير عليكم جميعا
ثقتي كبيره في هذا المنتدى الرائع
رغم قلة متابعتي له لظروف كثيره اهمها انشغالي بالبيت والاطفال
ولكن لا غنى لنا عنه وعن عضواته الفاضلات
بأبدأ على طول ماكان ودي اسرد كثير واتشعب بس اني مظطره
انا لي خمس سنوات متزوجه لكن يابنات وربي كأنني لسى متملكه
من ناحية بعض التصرفات(زي لهفتي على اتصالات زوجي..عيني ع الجوال انتظر منه كلمة حلوه)
اراقب اسلوبه وكلماته اموت فرحه اذا بين انه يحبني ماعاد انام من الفرحه
واليوم الل يمر بهدوء وبرود اجلس فيه متضايقه شوي
تعلقت فيه تعلق شديد لدرجة فظيعه
يحبني ما انكر بس فاشل جدا جدا جدا في التعبير لا هدايا ولا سفريات ولا كلام حلو
فريزر فريزر ياناس..بالمقابل انا انسانه عاطفيه جدا لو اعيش في الشهر على رغيف واحد مقابل كلام حب هذا يكفيني
العاطفه عندي اهم جدا من الماديات
وبين فتره وفتره اقول له يقووول اممم انتي تعرفين اني احبك مو لازم اجلس اقولها دايما
احنا مو اطفال وانتي عارفه وكنت مشغول وووالخ
انا خايفه انه يتبع سياسة التغلي
انه يسحب علي عشان اركض وراه
علما بإنه يتضاااايق لو اهملته بالغلط او انشغلت عنه
سؤالي ياخبيرات..ماهو الاجراء اللازم اتخاذه؟؟
هل الصح اني اجلس وراه اعلمه ليش ماترد على رسايلي
وقول لي احبك دايما ووو انبهه يعني؟
ثانيا
دائما احسد اللي تمون على زوجها ويمون عليها
اللي عندي احس انه بيني وبينه حواااااجز
مايبغاني اتجرأ لا في سوالف ولا في رسايل
نفسي اعلمه بأي خبر قريته في سبق او اعلق على شي
نفسي يعرف عن اشياء في الانستقرام وشوف كذا وكذا
بس مااقدر شكااااك وبارد مايتفاعل ويقول مالك دخل وليش انتي من الاساس تقرين كذا مثلا
يعني بالله اذا ماتجرأنا مع بعض وسولفنا في كل شي مع مين بالله بأسولف
فيه غموووووض رهيب بيننا مره مايتقبل اي سالفه
هل انا السبب؟ هل المفروض اصر واستمر الان يتجرأ مع الوقت؟
اخاف يكون الحل بيدي وماادري
انقهر من الخجل اللي بيننا حاولت اكسره بطريقه مؤدبه يسكتني بعصبيه ويطنشني كأني طفله
مدري هل فهمتوا علي
نصايحكم اش المفروض اسوي؟؟
علما بان البنات قالوا لي انه جنوبي شرقي
كل الحب لكم ياجميلات ورح ادعي لكم من قلبي وربي
بإنتظاركم
