ارجو من لديها حل مساعدتي

[دوشه بلقيس]

عندي مشكله انا حامل في الشهر السابع...وفجأه من دخولي لهذا الشهر وانا عندي نهم تعرفون ايش معنى نهم وشره بالاكل الغير صحي ابدا...على الرغم من اني في حياتي ما اكل غير اكل صحي وبيتي حتى الشوكولاه ما آكل غير الماركه المعروفه كل هذا خوف على صحتي ووزني...الحين ماني صاحيه ابدا كل ساعه آكل ...طووووول اليوم واكلي مو غذاء او طبخ اوحتى ساندوتشات ...آكل سكريات في سكريات وشوكولاتت بجميع انواعها ..كل يوم يجيب لي زوجي كيس مليان كيت كات وسنكرز ومارس واليوم الثاني يرجع يجيب ..حتى الكورن فليكس اللي مانشتري غير في السنه علبتين..صار كل يومين علبه....زوجي يعرف اني ماعودت ابني على الكورن فليكس فلما شاف طلبي له بزياده سألني وش السالفه:in_love:
والله ابكي مدري ايش اسوي
بقولكم بس عن يوم واحد وش سويت فيه وانتو احكموا
قبل صلاة الفجر آكلت كورن فليكس بالسكر...وانام بعدين اقوم اصلي واشرب لبن وبسكوت بالتمر...ولما اقوم الساعه تسعه شاي وست قطع شابوره...وبدها احلي بكيكه محشوه شوكولاه
الغداء ساندوتش حلاوه طحينيه بعدها اشرب عصير وبعد ساعه بالضبط حليب بالكوفي...وشوي طلعت مشوار وانا بالسياره اكلت حبة كوراسان وحبة دونات...وبعدها بساعتين...رجعت البيت واكلت 3 حبات كيت كات وكوب حليب بالشوكولاته:dunno:
بعدين حسيت نفسي بنودلز على الرغم من اني ما احبه كثير ...تخيلو اكلت صحن كبييييير ولما قمت اشيله للمجلى اخذت على طريقي خمس حبات كيك بالشوكولاته دايري ماركه ما اعرفها بس شريتها وانا جايه من الشفاحه:crazy: تخيلو خمس حبات اكلتها من غير احساس قسم بالله وقمت الحين جبت لي كوب شاي اخضر وقاعده افكر بشابوره:1eye:
والله يابنات هذا الكلام له شهر وانا على هالحاله خايفه على الجنين وفي نفس الوقت وزني مابيه يزيد عشان اقدر انقص فيه بسرعه بعد الولاده...لاتقولو كلي سلكه ما اشتهي ابد غصب عني والله ابكي قهر
ساعدوني ساعدوني انا قلت فتره وتمر وخلاص بس والله شهر كثير كثير كثير