ارجوووكم حد يساعدني .. تهيج واحمرار في المنطقه الحساسه

[ملاذ الطير]

السلام عليكم ورحمة الله وبركاته
هلا اخواتي شحالجن ؟
ابي حد يساااااااااااااااعدني بليز
من مده اسبوع تقريبا وانا ظاهر لي تهيج فالجلد في المنطق الي تحت الله يعزكم مع حكه شديده والجلد صاير احمر وجاااااف وفيه حبوب صغاااار :tears::tears: ما ادري من شوو ؟؟
ابي احد يساعدني لاني تعبت وبصراحه استحي اروح للدكتوره واجولها عن مثل هالشي
غسلت بماي دافي وملح وانشف المنطقه عدل واهويها شو اجدر اسوي اكثر حتى اتشااافي بليز ساعدوني ما ابي هالشي يزززززززززززززيد
وجزاها الله الجنه الي ترد علي وتساااعدني

 

[...JoJo...]

بصراحه ماحبيت اطلع بدو رد
حبيبتي يمكن هاذا التهاب بس الافضل انك تروحين دكتوره
اتمنى البنات يساعدونك

 

[اروو]

اهلين حبيبتي
اجلسي بمويه داااافيه مذوب فيه ملح خشن مو ناعم..
وبعدها تنشفي وحطي فازلين على كل المنطقه ...
وغيري ملابسك الداخليه باستمرار..
وترى لازم يااابنات نغسل الملابس الداخليه قبل مانلبسها إذا كانت جديده...
ومايصلح بعد غسيل الملابس الداخليه (بكلورلكس)
والله يشفيك...آآمين
ولايهمك النفسيه تراها بتكون زفت...

 

[رموش نمله]

حبيبتي لازم تروحين لدكتوره حتا تكشف عليك لأن الألتهابات أذا زادت يمكن يكون عندك علاجه صعب

حبيبتي رووووووووووووووووووووووووووووووووحي للدكتوره

 

[ملاذ الطير]

جزاااجن الجنه وبارك الله فيجن مشكورات على الرد jo jo ومتفائله دووم رموش نمله


جوجو مشكوره على ردج حبيبتي ..

بس يا متفائله دوم عسى ايامج كلها تفائل ياااارب .. انا بنت عادي اجلس فماي حار وفيه ملح ؟؟؟ ما يااثر علي يعني ؟؟؟
وعادي اذا استخدمت ملح ناعم ؟ لان للاسف ما عندي ملح خشن وخصوصا هالفتره ما اقدر احصل عليه ..



رموووش نملة فديتج والله خاطري اروح للدكتوره بس استحي اقولها عن هالشي وخصوصا اذا جالت انها بتكشف علي مستتتتتتتتتتتتتتتتحيل اخليهااا !_!

 

[رموش نمله]

ملاذ الطير

حبيبتي خليها تكشف عليك بدون ماتعاين بس تاخذ عينه بسيطه وبعدين انتي لساتك ماتزوجتي
أنا فاهمه عليك حبيبتي


بس لمصلحتك أنتي روحي لدكتوره بس قوليلها شو تشتكين بتعطيك دواء بدون كشف

حبيبتي أنا نصحتك

 

[ملاذ الطير]

مشكوره على نصيحتج فديتج وباذن الله بحاول اروح للدكتوره هالفنره بس اذا قالت انها بتكشف عليه مستححححيل اخليها هههههههه انتي فاهمه عاد

 

[اروو]

اهلين اختي
عاااااادي جدا الماء والملح للبنات ...بس المتزوجات مادري عنهم
اما الملح الناعم ماينفع...وترى الفازلين له فايده عظيمه.....
وإذا استمر اكثر من خمسة ايام روحي للدكتوره:shiny:
حتى انا زيك مستحيل اروح للدكتوره لأني استحييييييي:blushing::blushing:ههههه......
بالتوفيق......

 

[ملاذ الطير]

مشكوره الغاليه بتبع نصيحتج والله يشفيني يارب
دعواتج

 

[احاسيس منثوره]

حبيبتي سيري عند دكتوره نسائيه

ويلسي بعد في ماي دافي وملح

 

[نبراس القلوب]

وعليكم السلام ورحمة الله وبركاته​

أختي ملاذ الطير
ربي يعافيج​

لا تحاتين عزيزتي مافي شي يخوف !!​

:fish:بقولج قصة بنفس الموضوع صارت لي قولي من كم شهر:fish:​

كنت اعاني من حكة فظيعة بالمرة واااااايد عذبتني:tears:
قلت بتخلص بكرة...
وأشوف انها تزيد....
قلت انتظر بعد كم يوم.......
والحكة تزيد......:schmoll:
بعدها خبرتي أمي وكنت مستحيه ..!!
قالتلي ليش ماقلتي عشان اوديج العيادة:icon28:
عااااااااااد أنا من النوع اللي وااايد يستحي بشكل عام
فكيف في هالامور!!!!!
ماطعت قلت لامي لا مااقدر كيف بخبر الدكتورة ؟:no: وكيف اذا قالت تريد تكشف؟!!:no:
امي سكت
وكان اصلا عندي ألم في الحنجرة فروحت العيادة عشان حلقي
لكـــــــــــن
أمي سوت فيني حركة !!!!!!:blow:
بعد ماخبرت الدكتورة عن حلقي وشافته وتمت تنصحني شو أشرب
سألتني الدكتورة بعد في شي
امي نطت قالت يلا نبراس خبريها
انا هنيه انحرجت وتلخبطت!!!!!!:blushing:
بس تعرفين الدكتورة بصراحة ذكيه
لان على تخربيط الكلام اللي قلته فهمت على طول وهي اللي خبرتني بالاعراض وقالت عادي
وعلاجه سهل واايد
قالت هذي فطرياااات تعيش في هالمناطق يمكن زادت شوي " بسبب وضعي الصحي"
والعلاج عبااااارة عن كبسولة وحدة فقط
ومرهم في حالة اذا احتج له وتصدقين مااستخدمته
لان على طول راحت الحكة من يوم ماشربت الكبسولة
بس امي صدق سوتلي مقلب ههههههههه
:bleh:
المهم هذا كله بدون ماتطلب انها تكشف علي
هههههههه​

لا تحاتي وروحي​

 

[ملاذ الطير]

نبراس القلوب صدج انج نبرااااس
الله يطمن قلبج مثل ما طمنتي قلبي واحب اطمنج اني بعدي ما رحت للدكتوره واحس اني احسن عن قبل بس دعواتج لي الغاليه

 

[ملاذ الطير]

احاسيس منثوره فديتج مشكوره الغاليه على نصيحتج وباذن الله بروح للدكتوره اليوم او باجر
بس عن اني ايلس فماي حار وملح وانا بعدي بنت مو متزوجه سمعت انه مب زيين ابداا وانه يضر البنت حتى ربايعي قالن لي وامي بعد والله ما ادري وين الصح
لان اختي متفائله دووم الله يجزيها كل خير نصحتني نفس نصيحتج بس صديقاتي قالن لي اونه يضر !!

 

[نبراس القلوب]

عسى الله يشفيج ويعااااااافيج ياااااارب

ويشفي جميع مرضى المسلمين

ادعي بالآية بس بقين كااامل بقدرة الله على ان يشفي من يشاء

{{وَأَيُّوبَ إِذْ نَادَى رَبَّهُ أَنِّي مَسَّنِيَ الضُّرُّ وَأَنتَ أَرْحَمُ الرَّاحِمِينَ * فَاسْتَجَبْنَا لَهُ فَكَشَفْنَا مَا بِهِ مِن ضُرٍّ وَآتَيْنَاهُ أَهْلَهُ وَمِثْلَهُم مَّعَهُمْ رَحْمَةً مِّنْ عِندِنَا وَذِكْرَى لِلْعَابِدِينَ }} الآنبياء 83 –
قولي ربي إني مسني الضر وانت ارحم الراحمين

كريريها كثيرا​

 

[( روح )]

استخدمي كريم كانستين مرتين في اليوم

مجرب