السلام عليكم
السلام عليكم حبيبتى (تعبت حبيبى)
اولا الردود اللى ردو عليكى اخواتى هنا فى المنتدى ممتازه بل اكثر من ممتازه انتى عارفه انك انتى اللى خلتينى اسجل بالمنتدى اولا
ثانيا مشكلتك عندى قريبتى مثلك بس الفرق انك نفسك تتغيرى لكن هى لاء وبالصدفه انا كنت بكلمهاوانا بقراء مشكلتك وطلبت منى اقولك انها عندها نفس المشكله بس انتى عندك اراده هى لاء معندهاش وبصراحه هى معجبه بنفسها كده لان معندهاش اطفال لسه ربنا مرزقهاش ولو انتى اتغيرتى بجد قوليلى عشان اقولها تتغير زيك.
واشكرك لانك جريئه جدا لقدرتك على طرح مشكلتك بالوضوح والشفافيه دى اكيد فهمانى انا عن نفسى كشخص مش مثاليه جدا بس انا عندى طفلين وفى بدايه زواجى كنت ادرس فى الكليه وكان زوجى مشاكله غير البيت عايزنى اتفرغ له بدون مذاكره وكان محبطنى جدااااااا لفوق الحد لدرجه انى كنت حامل وكان عندى اختبار خلانى مااروحش الاختبار عشان ميتعبش نفسه وويدينى بساره خاصه وظل هذا الاحباط حتى خلصت الدراسه بالعافيه وطبعا تقديرى كان مقبول وانا حمدت ربنا انى خلصت بدأ هو يعكنن عليا انتى خلصتى اتفرغى لبيتك بقى بس انا الحمد لله متفرغه وكنت بعض الاحيان لما بنتى تفضل سهرانه اقعد اشتغل وكانت ساعات كتير بطبق بالايام مع بنتى وشغل البيت عشان مش احسسه باى فرق لانى انا ولدت بنوتى فى اخر عام ليا فى الكليه :12: وكانت مغلبانى طبعا وكنت زيك برضه مش باكل ولا بشرب والله اكتر منك وكنت كمان بطبق من غير نوم ولحد مااللبن ضعف خالص واتظلمت بنوتى معايا مع ان ابنى انا كنت فى الكليه وكنت بذاكر وكنت بديله حقه حرام فى الغذا وكده بس الحمد لله انا دلوقت كويسه مش جدا بس يعتبر نسبه 75% نفسى ابقى 90 بجد ليا جارتى ماشالله بيتها فل كأنه جديييييييييييد على طول ومشالله كل يوم غسيل وفل مفيش مره ادخل عندها الاالاقى مش ناقص حاجه هتجنن بس اظاهر هيه بتبقى قدرات لجسم الانسان نفسه بس والله.
انا اكتشفت ان زوجها بيساعدها بطرقه الخاصه يعنى بيقعد مع العيال لحد متخلص مثلا وبيكوى الهدوم وبيزعق للعيال اما يبوظوا اللى هى عملته لانه بيخاف عليها ولو تعبت بيجيب اكل جاهز من غير ما يتعبها اكيد قدرات وفروقات فى الشخصيات والتحمل والجسم انا عارفه انى طولت عليكى جدا بس والله كنت عايزه اساعدك وبحكيلك عشان احسسك انك مش لوحدك اكييييييد وطبعا اراء اخواتى صح هو فعلا التنظيم هو الحل الامثل وفعلا انا جتلى فتره كنت ممتازه هيه كانت ازاى بقى انى جوزى بينام عالساعه 2 صباحا كنت بسهر ساعتين بالظبط اعسل الاطباق والبوتجاز مثلا لو فيه غسيل انشره ولواطبق واعينه وانا اصلى الفجر وانام واصحى مع زوجى على 9 صباحا وافطره وينزل اقعد واولادى نامين لحد 12 بروق واظبط كده واحط الاكل او حتى جزء منه ويكون جاهز يجى زوجى 3 ونص يكون الاكل عالسفره وطبعا الاولاد ممتازين ويتغدى ولو شاى بعد الغدا او حتى نخرج وعلى بالليل لو مخلصه ممكن الساعتين بعد ما ينام نت او الصبح بعد ما ينزل اهه لنفسى بس والله كان ممتاز الفتره دى واسفه مره تانيه طولت عليكى كتيييييير ربنا معاكى ابقى قولى التغير
فى انتظارك...............