هدووء الليالي
New member
- إنضم
- 18 فبراير 2010
- المشاركات
- 21
خطيبي مشترك في النت لوك والنت لوك هذا يعرض فيه صوره ويردو عليه شباب وبنات يعطون رئيهم في صورته الي عارضها لهم وانا قبل تكلمت معاه انه يخرج منه قلتله ماله داعي وجودك فيه ومااحب احد يشوفك غيري واناالي اعطي راي فيك وبس خرج منه تقبل كلامي بس ماادري قبل اقتنع فيه ولا بس عشان يرضيني والحين بعد كل هالفتره الي خرج فيها من النت لوك رجع يقولي ابي ارد له بس ماراح اعرض صوري لحالي راح اعرضها وانا مع اصحابي قلتله وش تستفيد قالي والله ابي اتسلى كل الشباب يحكون قدامي عنه وضحك قلتله بس عشان كذا طيب وش رايك اشترك فيه معاك بس اعطي راي بصورك قلتله ذا الكلام بس عشان اعرف وش ردة فعله قالي لا ماينفعلك قلتله ليش اقنعني انه ماينفع اشترك فيه قالي عشان فيه شباب وانا عندي احد اعرفه فيه اصحابي قلتله وانا كمان زملاتي مشتركين فيه بس لاني عارفه انه ماينفعلي رفضت دخوله وكمان ماينفعلك مدري حسيت اني اخطيت يوم قلتله زميلاتي مشتركين فيه بس سكت قالي طيب انا جيت اخذ رايك وش الي تشوفيه قلتله الي يريحك سويه قالي اذا موراضيه ادخله ماراح ادخله قلتله طيب ادخله اسمع انا عطيتك الثقه لوهزيت ثقتي فيك والله والله ماراح اسامحك قلت بنفسي قدامي ولا من وراي قالي تبي تدخلي ادخلي بحق اخوانك وشوفي وش الي اكتبه بردودي وبعدين انا صاين نفسي عشانك وما اطل هنا ولا هناك لاني ابي رضاكي قلتله لا مو بس عشان رضاي عشان اولا ترضي ربك ثم ترضيني سكت بس والله حاسه بخوف لانه النت لوك ماوراه الا المصااااايب حتى الافلام الاباحيه موجوده فيه الله يستر ودي اقنعه مايدخل فيه اخواتي افيدوني وش الي اسويه معاه اسفه طولت عليكم ربي يجزاكم بكل خير انتظر ردودكم
