ارجوكم اللي استخدمت كلوميد تتفضل

[lara_sa]

السلام عليكم ورحمة الله وبركاته

هذي اول مشاركة لي بالمنتدى وحابة استفسر عن الكلوميد وارجو من كل اخت استخدمتة تتكرم علي وتجاوب على اسئلتي...

كم شهر استخدمتي الكلوميد وهل حملتي؟

اذا ماحلمتي هل كانت البويضات توصل للحجم الطبيعي 18ملم وفوق؟

هل استخدمت الابرة التفجيرية مع الكلوميد؟

هل جميع تحاليلك وتحاليل زوجك سليمة وتعاني فقط من ضعف التبويض؟

انا هذا ثالث شهر استخدم الكلوميد وتحاليلي وتحاليل زوجي سليمة بس اعاني من ضعف في التبويض..ومع استخدام الكلوميد تصل للحجم الطبيعي واخذ ابرة تفجيرية بس مايسير حمل
والحين باقي على دورتي اسبوع ادعولي اكون حامل هذا الشهر..

 

[المنــــى]

حياك الله أختي ...

أنا استخدمت الكلوميد بس ماجاب معي نتيجة كلش ... ولجأت للأبر وبفضل الله تم الحمل من ثاني شهر
ادعي لي ربي يثبته وافرح فيه ...

 

[نعومه كول]

الكلوميد مو مره فعال من دون الابر
بس اذا انتي بالمدبنه اعطيكي عنوان معالجه شعبيه ممتازه جدا لضعف التبويض
لاتتخافي علاجها طبيعي

 

[lara_sa]

المنى
شكرا على مرورك والله يثبتلك جنينك ويحفظه لك يارب

نعومة كول
انا الحمدلله الكلوميد يجيب معي نتيجة بس مايسير حمل..وللاسف انا من سكان الرياض مو المدينة..

 

[lara_sa]

لااااااااا مو معقولة 24 مشاهدة ومافي الا ردين؟؟؟؟؟؟؟

 

[أملي بالله أكبر]

الله يرزقك الذرية الصالحة

 

[~ ناريز ~]

انا استخدمته يمكن اربع شهور ماجاب نتيجه

قالت لي وحده غيرو المكان وقت الجماع احيانا تكون نفس وكذا قلت اجرب
وآخذته الشهر الرابع وعديت من اول يوم الى يوم 14 وصار الجماع بس آخذنا فندق والحمدلله حملت
ربي يسهل حملي وولادتي يارب

 

[سمراوية حلوة]

والله انا ما جربت بس دخلت علشان ادعي لج ان شاء الله تحملين فالقريب العاجل يارب العالمين

 

[ملام الروح]

الله يرزقك بالذرية الصالحة يارب أنا جربته شهرين مع الابر التفجيرية والبويضة وصلت للحجم الطبعي(23) لكن ما حصل حمل والبويضةكشفت بالسونار وقت الدورة فقالي الدكتور ان البويضة جلست في الرحم وما نزلت وربي ييسر امورنا يارب

 

[عروس قمر]

انا والله نفس الشي الحين استعمله ثاني شهر وما حملت

 

[ريم النفوذ]

حبيبتي انا استخدمت كلوميد لمدة 5 شهور والشهرين الاخيره مع الابر التفجيريه مع العلم انا عندي بنت ولد من قبل بس طولت وما حملت وكان كل شي فيني وفي زوجي طبيعي بس ضعف في المبايض
والحمد الله حملت بعدها على طول .. الله يكتب لك الحمل باذن الله

 

[هند بنت عتبة]

الله يرزقك بالذرية الصالحة يارب

 

[عطر الصباح]

يارب ياسميع يامجيب يرزقك ويرزق كل من يبي الذريه الصالحه

اختي انا جربته شهر واحد بس الدكتوره طلبت مني اوقفه لان كنت مسويه عزل مده طويله وقالت مايصير

تأخذينه الا بعد كل شيئ مايرجع لوضعه الطبيعي وبعد وما وقفته حملت الشهر الثاني ولله الحمد مع ان

اموري طيبه وزينه ولله الحمد وكل شيئ عندي طبيعي .

الله يطعمك الذريه الصالحه ويطعم كل مسلم ومسلمه

 

[lara_sa]

املي بالله كبير..امييييين ومشكورة على مرورك

ناريز..ماشالله الله يحفظلك جنينك ويسهل ولادتك يارب

سمراوية حلوة..اميييين جزاك الله خير

ملام الروح..عروس قمر..الله يرزقكم ويرزقني وكل منتظرة للحمل ياارب



هند بنت عتبة..عطر الصباح... مشكورين على مروركم

 

[lara_sa]

ريم النفوذ ..الف مبروك الله يتمم لك على خير ان شالله

طيب لما حملتي ايش الاعراض اللي حسيتيها قبل موعد الدورة؟؟

 

[سرالليل]

انا استعملته شهرين وماصار حمل

 

[أم رنودي]

مرحبا اخت لارا انا حملت بعد شهر من زواجي وجبت بنت ولله الحمد بعدها اخذت حبوبمنع لمدة 5 شهور من ولادتي وتركتها وبعدها عزل لمدة ستة وتركتها والحين لي اربع سنوات ما حملت واستخدمت الكلوميد اول مرة حبتين لمدة 5 ايام من ثاني الدورة وصار عندي كيس وبعدين عطتني الدكتورة حبوب ونزل مع الدورة اللي بعدها وبعدها جلست فترة طويلة وبدات اخذ كلوميد من جديد حبه يوميا ومعاها حبوب منظمة بس ما عطتني الدكتورة ابره ولا سمعت فيها ابد؟اتمنى لو احد يفيديني بخصوصها؟وايش فايدتها؟والى الان ما صار حمل وحيل نفسيتي تعبانه..الله يرزقني ويرزقك وكل من يبي اطفال يارب................