اذا مامعي حق الدورات وانا ودي ادخلها لاني ابي استفيد شسوي

[رسيل24]

صباح الخير لكم جميعا
لاحظت شي بالمنتدى ظايقني مره
الاحظ بكل قصه اقراها عشان استفيد منها
الاقي ادخل الدوره الفلانيه عشان تستفيدين منها اكثر
واذا دخلتي الدوره الفلانيه راح تقوين اكثر
راح تملكين قلب زوجك
والا اقرا قصص لبنات كانوا يشكون من ازواجهم
لكن قدرت تملكه من الدوره الفلانيه
والدوره الفلانيه
طيب واللي مايقدر عليها :no:
انا احاول بقد مااقدر اني اغير في البيت بس تعبت
يعني ليوم حاولت البس لبس شاريته من زمااان قلت اكيد ناسيه لبسته ومعاه بدي كت
وسويت جاتو احتفالا بميلاد ولدي< ميلاد ولدي امس
المهم جا اكل معانا الجاتو ونزل تحت لامه شوي واخذ لهم من الجاتو نزله لهم تحت وبعدها نومت ولدي كان اصلا مرهق فانام بسرعه اخذ حاجته مني وطلع احد يطلع الساعه 1 وهي ليلة عيد :icon1366:
احاول قد مااقدر اني اذا لقيت شي استفيد منه بقصه اسويه
مثل اللي يقولك لازم توظفين انا لاقيه وظيفه على شان اتوظف
قلبي يتقطع على وظيفه بس من وين تعبت ابي واسطه
قدمت بكل مكان مالقيت على الاقل اشتري لي اي شي ناقصني
تخيلوا اني ماشريت لبس للعيد وعيدنا 3 ايام وش ابلبس فيها
لاتقولون اجلسيعند زوجك لاني اصلا ماعندي حتى قمصان نوم كلها حقت زواجي خربت لي 5 سنوات متزوجه
والى ليوم مااشترا لي
يعني ماديته ماتسمح له انه يشتري لي
انا اصلا كنت داخله موضوع ابي افكار اعايد بها زوجي
بس تكون غير مكلفه بس بعد ماقريت الردود اكتشفت اني حتى مااقدر اشتري قميص نوم
او كريمات او شموع كنت ابي افكار غير مكلفه لكن الزوج اذا مافيه خير اصلا ماراح يتعدل مايقول العيب منه لا بيقول مني انا لاني مااغير بعمري ولا اجهز له شي
مااقول الا عسى الله يرحمنا برحمته لاني تعبت وربي تعبت
معليش اعذروني والله مادري وش خبصت فوق بس متضايقه وابي افضفض وتضايقت اكثر لما شافني ولدي ابكي صار يتعبر ( عمره سنه)

 

[Love 4ever]

يا حياتي يا رسيل

والله كنت اتمنى اساعدك

بس ما ادري ايش اقول

الله يعينك على زوجك ويهدي ويصلحوا

يـــــــــــــــــــــــــ رب ــــــــــــــــــــــــــــا

 

[الامل يناديني]

:clap::clap:اولا كل عام وانتي بخير....وان شاء الله يكون عيد خير ومسره عليك وعلى الجميع..:clap::clap:
قلبي معاك حبيبتي
الله يكون بعونك ويفرج همك ويسخر لك زوجك
طيب انتي حاولي تطلبي منه...يعني هو يرفض ولا انتي اللي ماتطلبين منه؟:e052:
وضحي اكثر..عزيزتي

 

[رسيل24]

ياقلبي نتي والله
ومشكوره على الدعوه هذي اهم شي

 

[شهد الصباح]

يا قلبي يا رسيل
اول شي أكثري من الاستغفار يا غاليه
و سيبيكي من خرابيط حفلات الميلاد و الكلام الفاضي
و اذا ودك تشكرين الله انه تمم السنة على ولدك بالصحه و العافيه فتصدقي عنه و لو بقرص خبز
ثانيا بأعطيكي أفكار بسيطة و غير مكلفه تجددين بيها
اشتري ورق ملون احمر اصفر ازرق ورق الطباعه العادي بس يكون ملون وساده
افضل اللون الأحمر
قصي من الورق قلوب صغيرة و انثريها على السرير و تكوني فارشه شرشف ابيض
و اذا عندك اكليل كمان رشيه و خلي الاضائة خافته اذا ما عندك شموع و طبعا البخور و العطور
نجي للبسك
جربي هالطريقة
قصي قلوب كبيرة و لصقيها باللصق على الاماكن الحلوة
و القلب اللي رح تلصقيه على الصدر خليه مفرغ و لصقيه

حركة تانيه للتجديد
اذا عندك طرحه جيبيها و لفيها عليكي و اربطيها من عند الصدر من قدام و لما تربطيها مو فيونكة زي العقده يعني و خلي الباقي نازل من قدام بين الصدر و اذا عندك بروش او بكله حلوة حطيها كزينة للعقده
و نفس الشي اذا عندك طرحه اومنديل مربع اطبقيه بالص و اربطيه على النص التحتاني زي التنورة يعني و خلي العقده على الورك من الجنب طبعا رح تعطيكي حركه حللوة لانها بتكون من جنب مرفوعه و الجنب التاني اطول

و الله يوسع عليكم و يرزقكم من فضله
اكثري من الدعاء أخيه و تقربي الى الله انما هذا ابتلاء لك و لزوجك أسال الله ان يفرج عنكم

 

[رسيل24]

لا والله طلبت منه بس يقول مامعي
راتبه 8000 ومايبقى منه الا 3000 كلها ديون بنوك غير الديون الجانبيه تتبقى على 3000
حاولت بككل الطرق بس مو راضي الا الهواش طبعا لانه مايجيب نتيجه

 

[شهد الصباح]

كمان الاوراق اكتبي عليها كلام حلو
و لصقيها عند المدخل
و مثلا قصيها على شكل اسهم و لصقيها على الجدر من المدخل الى الغرفة و اكتبي عليها كلام حلو
و الله يسعدك

 

[شموخ عـزي]

والله حتى انا نفسي ادخل الدورات بس الماادية مرة ماتسمح

تعرفي طلاب يالله اهم الاشياء بس نقدر نشتريها


الله يكون في عونك ويساعدك ويسهلك


انت حاولي تطلبي منة فلوس او اشرحي الوضع لأهلة


وكل سنة وانت طيبة


اسمعي روحي محلات ابو ريالين والله فيها دنيا مقلوبة حتى شموع

من اشياك القديمة حاولي تبتكري شي


والمفروض من البداية تعرفية ان لك حقوق ولك مستلزمات هو مكفل فيها مو تسكتي؟؟

 

[شهد الصباح]

رسيل هل سبب ديونه هو الزواج؟
لانه ممكن عشان كده ما يحب يقعد في البيت
لان زوجي كان زمان يقولي عن اصحابه زي كده

 

[رسيل24]

dr_dana
عزيزتي انا قصدي الاول والاخير من حفلة ميلاد ولدي تغيير جو الروتين
الله يسعدك يارب اشكرك على الافكار الحلوه
لا ديونه من الاسراف والمباهات اللي مالها طعم
كل اهله يحبون المباهات اتضايق من هالشي شوفي امه وش قالت لي بردي على مات الامل واذا شافت علي شي سيمبل قالت ليه لبسها كذا صاير مو مثل اول يعني وش تبي مني اسوي اسرق اذا ولدها مايعطيني وربي قهر اذا رحت لاهله ارجع وانا متضايقه

مات الامل
طلبت منه فلوس تخيلي اقوله ابي على الاقل تخصص لي مبلغ
لاغراضي الخاصه بس 200 ريال وقالي ايه طيب وخذي تطنيش بعد ماينزل راتبه يقولي انتي عارفه ان اكثر راتبي راح ديون والباقي انا متسلف من فلان وفلان واذا قلتله ليه تسلف منهم قالي ابجيب حليب وبامبرز لعبودي < دايم هذا عذره
مع اني واثقه مليون بالميه انه معتمد علي قبل كذا
امي كانت تعطيني ومرتاحه اطلب منه واذا رفض طلعت اللي معاي بس الحين حتى امي تقول مااقدر اعطيك
لا وقلت لابوه شهر عطاني 1000 ريال وعقبها نساني انا ماابي الفلوس منه وربي هو ماقصر بس ماابي فلوس ابيه يكلم ولده يتفاهم معاه يقنعه على الاقل يخصص لي مبلغ مهما كانت ماديته يكون لي مثلي مثل اهله وكلمت امه حتى هي اللي داقه علي يوم كنت فتره عند اهلي على شان انه مايعطيني شي وللمعلوميه خالتي يعطيها خالي 1500 ريال شهريا دقت علي مارديت لانيماابي اتكلم معاها بالموضوع قامت دقت على امي قالت وش فيها زعلانه امي قالت مادري عنها قالت خالتي هي تبي الطلاق
ترا بدال البنت عشر بس احنا نبيها عشان عبودي < شوفي الرد كيف انا انقهرت يوم دقت علي واقولها السالفه كذا وكذا وفوق انه مايصرف علي ينام بغرفه وانا بغرفه قالت لي ايه عادي انتي عندك ولد توه صغير ويصحى بالليل يصيح قلتلها يصحى مره او مرتين واعطيه حليبه وينام وبالنسبه للفلوس خلاص انا بكلمه يصير يعطيك كل شهر 800 ريال < المشكله انها تتهاوش مع خالي على شان ان 1500 ريال ماتكفيها وهي حرمه كبيره وماعندها اطفال ليه انا بتكفيني ال 800 انقهرت من هالحكي وتراني طالبه منه انا 200 بس كلامها قهرني واصلا بالاخير مااعطاني شي على كثر مااقوله ومع كل راتب اقوله ونفس الشي والحين يقولي انتي سددي فاتورة جوالك وروحي لبيت اهلك مع السواق ( سواق اهله)
وبغيت اقولك ان مادية ابوه كويسه مره بس مستحيل يعطي ولده لانه عارف انه مسرررررررررررررف وهذي مشكلتي معاه من تزوجننا يصرف الريال اذا هو معاه لدرجة على اخر شي في البطاقه لو يبقى 70 ريال راح للسوبر ماركت ودفع بالبطاقه عشان يصرفها ويشتري مجلات وخرابيط مالها داعي
وانتي بصحه وسلامه ياقلبي
محلات ابو ريالين لو تدخلينها بتطلعين بميتين ريال وانا لو يدري ان معاي ريال اخذه مني المشكله اني عارفه ان ماديته ماتسمح لاني اشوف رصيده واعرف بس اللي يقهرني انه يصرفها بغير محلها ومايرضى يعطيني مااقدر اقوله لا لاتاخذ مني لكن اذا كان مايدري عنها اخبيها وبس

 

[شموخ عـزي]

الصرااحة قهر


لية ماتجلسي معاه جلسة مصارحة او تجلسي معاه عند اهلة وتحطو النقط على الحروف

احسن من الحين عندك واحد لو مالحقتي على نفسك كيف لمن يكثرو


الله يكووون في عونك ويرزقنا من اوسع ابوابة اجمعين يااارب

خلية يحط لك راتب كل شهر وقدام اهلة احسن عشان لو مااعطي يصير الغلط علية

وحتى اذا اعطاك خالك لاتقولي لة ابد واطلبي منة

واشرحي لهم الوضع وكيف العيد
بس انت فكري بتأني لاتخسري بيتك

وحاولي تفهمي وجة نظرة وتفهمية وجة نظرك


الله يكون في عونك شكلة قريبك ؟؟

مشكلة الأقرباء مع بعض تخافي تكبر او شي لا سمح الله

 

[المميزة]

الله يعينك حبيبتي
ماعندي شي اقو له لأن الحال من بعضة ​

ما بيدي الا الدعاء الله ييسر أمورنا ويهدي ازواجنا ويسخرهم لنا ويتكرمون علينا بالفرحه اللي نتمناها ​

موفقة يالغالية​

 

[مرحب الساع]

يحياتي ... الله يسير أمركم ويفرج همكم ويرزقكم من واااااسع ابوابه ياارب

انا اما اقدر اقوولج غير عن تجاربي مع الادعية وسبحان الله صدق ماشي يفيد في هالدنيا غير دعااااائج

اختي كثري فالاستغفار .. وكثري من قول

"لا اله الا انت سبحانك اني كنت من الظالمين "

سبحان الله يوم تقولينها الله ييسرلج الخير من كل مكان
:وأسألي محربه : ^_^

وبعد دووم قولي هاذا الدعاء

"اللهم ان كان رزقي في السماء فأنزله وان كان في الارض فأخرجة وان كان بعيدا فقربه وان كان قريبا فيسره وان كان قليلا فكثره وان كان كثيرا فبارك لي فيه يارب "

وان شالله تتعوضين بكل خير ^_^

 

[شهد الصباح]

في حلقه مفقوده في الموضوع
زوجك اتعود انك تصرفي على نفسك و اذا عندك زياده بتصرفيها عليه
احس ان هو يفكر ان عندك فلوس و عشان كده ما يبغا يعطيكي
و لو كان شايل هم الديون كان سددها بدل ما يسرف على الكلام الفاضي
اتمنى احد من الاستشاريات يردو عليكي
لكن رأي انك لا عاد تطلبيه و اذا جاتك فلوس من اي أحد لا تعطيه ولا تخبريه و اصرفي و بعزقي على نفسك و اتمتعي و لا تعطيه ولا ريال واحد بس اكشخي بيها لنفسك
و اذا سألك من وين جبت هاللبس قولي امي اشترتلي هو يعني لا تجيبي سيرة فلوس ابدا
و الله موضوعك يبغاله تكوني لهلوبه و مرحه معاه يعني لا تقعدي تندبي حظك و تتحسري و تتحسفي و تضيقي خاطرك
يبغاله نفس مرتاحه شوي عشان تقدري تتصرفي صح
اقرأي في المنتدى في قصص كثير و مشاكل و أساليب كثير
أقرأي قصة عبر الأثير و شوفي كيف زوجها كان معيشها زي الخدم و هو كأنه ملك
ثقفي نفسك اختي المنتدى ما شاء الله تبارك الله ملياااااااان أشياء مفيده
و ربنا يفرج همك

 

[شهد الصباح]

قصدي بلا تطلبيه يعني لا تقعدي تقولي أبغا فلوووووس
اعطيني فلوووووووس خصصلي مصروف و من هذا الكلام
اطلبي بطريقه غير مباشره
مثلا
زوجي حبيبي تاج راسي و ضي عيوني
انا اليوم اتضايقت كثير لما اهلك عايروني بلبسي
و ما ودي احد يقول انك مقصر معي
يا بعد عمري ابغا اشتريلي قطعتين حلوة و تمنها فيها
و من لي غيرك يا حبيبي ربي ما يحرمني منك

و من هالكلام الحلو
جربي ما رح تخسري

 

[aldana]

:no: والله ضيقتوا صدري ....

ترى الدنيا عيد .... :nosweat:

خذيها قاعدة يا قلبي ...كل شي بحــقه

إذا زوجك مضيق صدرك ... مافي داعي توسعين صدره ...

ما يعطيك فلوس ...وتفكرين تحتفلي له ....على إيش ؟ .... :dunno:

بعدين شيلي من راسك سالفة ...ما يعطيني ...ما عندي ....

ترى قلة الحيلة وكثرة الشكوى ... تجيب الإكتئاب .....لك ..وله

تفكرين بقمصان نوم جديدة .... وشاغلة بالك عشانه ...وهو ما فكر ...

خلاص ...هو متنازل ...تنازلي أنتِ بعد ... ماراح يأثر على حياتك شي ..

الرجال يهمه نفسيتك الحلوة ...أكثر من قميص نومك وزينتك ...

والابتسامة والرضى والنفسية المرتاحة ... تغني عن ألف قميص نوم أو حفلة أو شمعة ... :msn-wink:





​

 

[رسيل24]

مات الامل
ياعمري ماتنفع معاه جلسات المصارحه لانه يثور بسرعه
يعني خذوهم بالصوت
وكل مااكلمه بالسالفه هذي يذكرني بااول زواجنا شفتي كيف كنت اصرف عليك
وشفي شريت لك ايش
لي 5 سنوات متزوجه مرتين اعطاني هديه بس
وطبعا بدون مناسبه مره اشترالي طقم ب5000 ريال لانه كان توه ماخذ القرض من البنك
والثانيه اشترا لي طقم عطر مع مكملاته اللي هي اللوشن والشاور جل
يوم كنت بالتاسع وهالهديه انا ماارتحت لها اصلا
لانه كان برا البيت دقيت عليه وانا بالطريق راجعه مع سواق اهله
دق علي قالي وينك قلتله انا راجعه للبيت قال بعيده والا قريبه قلت لاقريبه
قاال اها اجل ترا فيه هديه لك على الكاونتر :dunno:
الطقم انباع مع باقي الذهب من غبائي ابيه يسدد ديونه ونعيش بسلام بدون ديون
انصرفت الفلوس مادري وين وديونه ماتسددت :shutup:

وهو مو قريبي بالعكس بعيد عني ومااكتشفنا ان فيه صلة نسب بعد مو قرابه قرابه الا بعد الزواج

 

[رسيل24]

المميزه
وربي يكفيني الدعاء مشكوره يالغلا:cupidarrow:

مرحب الساع
والله يامرحبا الساع فيك ياعمري
ياقلبي مالنا الا رب العالمين
هو اللي بيرحمنا :icon26:

 

[شهد الصباح]

ليييييييييش تساعديه في ديونه
اقرأي في قسم القصص
اعتقد قصة أم الوليد و الله ماني فاكره
و أقرأي قصة عبر الأثير
مهمممممممممممم جدا تقرينها
لو سمحتي اللللللللللللللللللللله يخليكي اقريها

 

[رسيل24]

dr_dan
هو اتعود اني اصرف على نفسي
ومو اذا فيه زياده ياخذها لاياخذها اول مايدري عنها
على شان كذا احاول قد مااقدر اخبي عنه
اول كنت ارحمه اذا قال مامعي
وربي اني حطيت له 500 في علبه كان حاطها بالسياره
وهو طالع للسوبر ماركت طبعا هذا اللي معاي انا
رجع قالي من وين ذي الفلوس قلتله مادري يمكن انت حطيتها
مره على اساس تبي تصرفها هو سكت واخذها عرف انها مني
وتخيلي 2 يوم زواجنا اعطيته 3000 وقالي اول مانرجع البيت برجعها لك والى يومك
مارجعها ويوم ذكرته قالي مااذكر :no:
بس حاليا لا والف لا مااعلمه ان معاي فلوس ابد ابد بالعكس لو معاي اطلب منه
واحاول كم مره الين بلحظة الصفر اروح اسوي اللي ابيه شسوي مظطره
واذا قالي من وين لك اقوله امي ( يعني على بالي ابي احرجه ) قالي خلاص اجل اذا احتجتي شي
روحي لامك ترا ماديتي ماتسمح لي :dunno:
بالعكس ماانحرج احسه افتك :sadwalk:
بصراحه تضايقت لما قلتله ابي اروح قالي روحي مع السواق بس نمت وماصحيت الا قبل المغرب
صحيت مبسووووطه بس اضحك مع ولدي واذا كلمت اختي واذا كلمني هو يالله ارد بكلمات منثره
يعني مثل اللي ماله خلق يحكي وقلت لاختي تجي عندي وشوينا فوق ويدق علي وماارد الا بعد 3 اتصال
ويقولي ليه ماتردين اقوله والله ماانتبهت كنت فوق مع اختي نشوي وقبل شوي يدق علي ومارديت عليه وانا معبيه البانيو وبخيت كم رشة دهن عود فيه مع رغوة وجاكوزي طلعت ودلعت عمري تدليع :icon30:
والى الان مادق ثانيه :nosweat:
ياقلبي انتي سويت الاسلوب هذا مانفع :no: