اذا قريت مواضيعكم اتحمس واذا ذكرت شخصيته اتحطم

[زحمة كلام]

بصراحه انا انسانه جدا حالمه بحياة رومانسيه وهذا شي طبيعي لاني جنوبيه شرقيه واتحمس واطبق كل اللي اقراه لكن شخصيته غربي شمالي فاتحطم من ردة فعله وانقهر منه والحين الوضع بيصير غير لانه بيتزوج يوم الاحد ومن شهرين وانا عند اهلي وهو مطنش ومكالماته كلها سريعه وتقولون يتهرب مني عشان ماارجع الا بعد ولادتي وانا توني في السابع والله اني تعبت منه ومن اسلوبه المراوغ والمماطل

 

[Alexandra]

السلام عليكم

الله يصبر قلبك
مرده لك
بس كثفي قراءه في هذا المنتدى وصدقيني بتتغير حياتك
اقرأي المواضيع المثبته
كلها خليه تغلي عليه
طنشي والله يصبرك الطنش بيرد لك كل اللي تبينه
لاتستغربين كلامي اللي ابيه منك اقراي المواضيع اللي
هنا واللي مثبته في قسم الزوج والزواج​

استعيني بالله فوق كل شي​

 

[red-rose 1]

الله يفرجها عليك يا رب
ويهونها

 

[ام رينان]

الله يعينك يارب ويهون عليك

 

[وهم79]

اختي انا جنوبيه شرقيه مثلك بس سال زوجك شمالي غربي ولا غربي شمالي ترى تفرق
لو شمالي غربي اقدر اساعدك باذن الله

 

[ام رنومه]

الله يفرج همك ياااااااااااارب

 

[tofy-10]

اشوفك تقوليها بكل بساطه بيتزوج..*_*
وكان ماعندك مشكله في الموضوع..
ومزعلك طناشه لك مو زواجه غريبه
يعني الوضع عندكم عادي عشان كذا منتي مصدومه ومجروحه من زواجه ؟؟؟؟؟؟؟؟؟؟؟

 

[وردية3]

حبيبتي إذا لسه ما تزوج ألحقي عليه
وارجعي بيتك غصب
وعالجي امورك واقرئي عن شخصيته كثير

 

[زحمة كلام]

الله يجزاكم خير على ردكم
يالوفي هو من شهرين متملك وزواجه يوم الاحد وانا كتبت عن قهري وعن زواجه اكثر من موضوع من شدة زعلي الجنين اصغر من حجمه الطبيعي وصار عندي انخفاض بالضغط لدرجه ان جهة اليمين من راسي تنمل ويصير فيها مثل الكهرباء ثم ينزل من خشمي دم انتي تفكرين ان زعلي بس من تطنيشه لو قريتي مواضيعي كنتي ماقلتي هذا الكلام وقلت هذا مايستاهل انك ترجعين له لكن لما اشوف ولدي اللي عمره 6 سنوات يقول متى نرجع لبيتنا وليش ماعندنا الا ام ماعندنا ابوي والثاني عمره 3 سنوات يمسك الفوطه وينام وهو يقول بابا حبيبي مع انه والله مايعطيهم وجه ولا يوديهم لا ملاهي ولا بقالات ولاحتى الحلاق تقطع قلبي لما يدورون رقم في جوالي علشان يبون يكلمونه ولما يلصقون في اخوي ويضمونه ويجلسون في حضنه لدرجة ان اخوي قال عيالك مساكين ناقصين حنان
ياوهم هو غربي شمالي

 

[يالله الجنة]

الله يكون في عونك

اسال الله ان يفرج همك باقرب وقت
انه ولي ذلك والقادر عليه

​

 

[ღ اُمـ رامي ღ]

بصراحه حكاية غربي شمالي وجنوبي شرقي وكلام فاضي ماعترف فيه نهائي انا اقول كل واحد وطبعه
و صادفني بشر فيهم غربيين شماليين
و كل واحد وطبعه يختلف عن الثاني
عشان كذا ماصرت اصدق بالخرافات
بالنسبه لمشكلته فاقول الله يعينك ويفرج همك وكربتك الي تمرين فيه صعب صعب صعب جدا
واحيكي على صبرك والله
اكثري الاستغفار و قراءة الاذكار خصوصا في الثلث الاخير من الليل فسهامه لا تخطئ
والله مع العبد المءمن الصابر
والله يسخرلك زوجك و ترجعو لبعض​

 

[توادعنا000]

وربي انك عورتي قلبي
هذا الرجال ماستفدنا منهم الا وجع الراس
الله يكون في عونك
طيب انتي اسالي نفسك ليش تزوج وين نقاط التقصير
وحاولي تغلبين عليها
وموضوع زواجها خلاص صار اللي صار
والحمدلله ماخانك او لجأ للحرام
تزوج على سنة الله ورسولة
المهم الحين كيف ترجعين وانتي واثقة من نفسك
ومتغيرة للافضل
ولا تنسينا من صالح دعائك
​

 

[عطر ( وَ ) عود]

يا قلبي انتي الله يكون بعونك طنشي فديتكـ انتي بفتره حرجه بعد شهرين بتولدين اهتمي بصحتك و عافيتك عشانك و عشان البيبي و عيالك البريئين يا قلبي ما لهم بعد الله غيركـ لا تقصري بنفسك و زوجك ما هامه صحتك و ادعي ان الله يرده لك رداً جميلاً و اكثري استغفار و قيام الليل و قراءه سوره البقره تكفين يا قلبي صحتك اهم شي اتركي العباد للخالق هو سبحانه يتولاهم و امشي و سوي استرخاء بالشهيق و الزفير عشان تريحين راسك و نفسيتك ...

أسأل الله ان يرده لك رداً جميلاً و يحنن قلبه عليك و يسهل ولادتك و يكون البيبي سالماً معافاً الله آمين ...

موفقه ي الغلا =)​

 

[إحساسي غييير]

يا قلبي انتي الله يكون بعونك طنشي فديتكـ انتي بفتره حرجه بعد شهرين بتولدين اهتمي بصحتك و عافيتك عشانك و عشان البيبي و عيالك البريئين يا قلبي ما لهم بعد الله غيركـ لا تقصري بنفسك و زوجك ما هامه صحتك و ادعي ان الله يرده لك رداً جميلاً و اكثري استغفار و قيام الليل و قراءه سوره البقره تكفين يا قلبي صحتك اهم شي اتركي العباد للخالق هو سبحانه يتولاهم و امشي و سوي استرخاء بالشهيق و الزفير عشان تريحين راسك و نفسيتك ...

أسأل الله ان يرده لك رداً جميلاً و يحنن قلبه عليك و يسهل ولادتك و يكون البيبي سالماً معافاً الله آمين ...

موفقه ي الغلا =)​

عين العقل....الله يفرج همك ويصلح شأنك