اديون زوجي وانا ........

[فراشه الفراشات]

ارجوكم فيدوني
انا بديت اتضايق من ضغوطات زوجي اليوم زوجي صارحني انه مايملك قصد سيارة طايف يعني متسلف وعليه اقصاد طايفه كثير والحين يقولي انه ماعنده واني لازم اتحمل الوضع انا متزوجه صارلي سنه والحين حامل بشهر الرابع عمري 19 يقولي انتي طلباتج كثير شسوي يابنات انا متعوده ان اي شي بخاطري اشتريه ويقول مدي رجولج علي قد لحافج انا زهقت انا ماكنت ادري ان الزواج جذي مسوليه وحيل ندمانه اني تزوجت في بيت اهلي كان وضعي احسن واونس انا ودي اطلب الطلاق بس انا احبه ومقدر استغني عنه شسوي يابنات انا كنت اكلمه قبل العرس وكنت حيل مستانسه معاه بس الحين الظروف تغيرت ودوامه القديم تغير ودوامه هذا مو حلو ومعاشه مو زين شسوي والله محتاره ادري بتقولون اني لازم اصبر والله من تزوجت وانا صابرة واحس الحين بنفجر .............................

انا احس حيل تسرعه لما تزوجت ​

 

[عنقود عنب]

ابنتي العزيزة

يجب ان تتحملي مسؤولية قرارك

و للاسف ...الاهل ايضا يجب ان يتحملوا جزء من سؤولية هذا القرار

يجب ان تثق البنت عن الحياة الزوجية قبل الاقدام على هذا المشروع الكبير جدا

هذه حياة يا ابنتي ..مو لعبة

البنت اذا طلعت من بيت اهلها ...يجب ان تتوقع كل شي

يمكن يكون الزوج اللي تتزوجينه غني ...ولكن بعد الزواج سبحان الله ...يحصل ظروف و تصبح حالتة المادية ضيقة جدا ....هل تتطلقين ؟؟؟

اين الصبر يا ابنتي...انت لسة في بداية حياتك ..وياما الايام راح توريك ظروف اصعب

لكن البنت الحكيمة هي من تقف بجانب زوجها و تكون الستر والغطاء عليه

تعينه في الضرة وتفرح له في المسرة

اين انت من هذا يا ابنتي

غالبا الازواج في بداية حياتهم تكون الحالة المادية صعبة شوي

و اذا صبروا وتفهموا ظروف بعض ...ينموا الحب

انت يا ابنتي ... يجب ان تتركي عنك الانانية

هو يحاول ان يوفر لك كل ما يستطيع ...وانت جالسة تضغطي عليه ؟؟؟

حبيبتي ...زمن الدلال يذهب بعد الزواج

الزواج مسؤولية ..ويجب ان تكوني قدها

كوني عون لزوجك في هذه الظروف الصعبة

وراح يدللك اذا وقت على رجلية

وربي يسعدك

 

[صمت الزهور]

حبيبتي انا قد عمرك تقريبا 20

لا تقولين تسرعت قولي الحمد لله على كل حال
لاتعودين نفسكك اذا بغيتي شي جبتيه الدنيا ماتصفى على طول
بعيد الفطر اللي طاف زوجي مر بضائقه ماليه وكان ودي البس واكشخ وهو حاس بس قال والله ماقدر
قلت اهم شي عندي انت وراحتك كل شي لو اطلع بلبس قديم محد نافعني الا الله ثم انت قال لا بتسلف لك والله بدبر لك مبلغ البسي مثل غيرك قلت لا انا لي مبلغ عند امي باخذه واشتري قال خلاص حلو وارتاح كثير

وانا والله مالي شي عند امي بس قلت لامي ان زوجي عطاني فلوس وخلصت والحين استحي اطلبه اعطيني يمه قالت بقول لأبوك واعطاني ابوي الله يطول بعمره ,, شوفي لاني قدرة زوجي وقدرة وضعه ربي يسر لي امري خليك مسانده له بهالظروف تكبرين بعينه .. خلي الحاجات الماديه واهتمي بالحاجات المعنويه يحبك اكثرررر ...

الله يرزقك من حيث لا تحتسبين .. ادعي لي كما في توقيعي ...

دمتي بحفظ الله

 

[um 7oobe]

لا حبيبتي حراام تخربين بيتك مولازم كل اللي نفسك فيه يجيبه لك وربي وربي انا كنت مثلك واخس تزوجتها وماكان عنده حتى سياره وحالتنا المااديه صعبه والله تمر ايام الثلاجه مافيها الاخبز ولبن تخيلتي وكنت حاامل وحالتي حاله بس سبحاان الله شوي شوي بدى يسدد ديونه وديون الزواج وافتكينا ضلينا 3سنين وصار تصدق والحمدلله تبارك راتبه والله ياقلبي انى شرينا اخر موديل سياره والحين نجمع عشان بيت العمر شفتي كيف لازم توقفين مع زوجك صدقيني هو نفسيته ازفت منك اكييد وتمنى يجبلك كل اللي تتمنينه بس ظرروف الحياه صارت صعبه تحملي حبيبتي واضغطي ع نفسك وساعدي زوجك حاولي توفرين معليش طولت بس والله انى كنت نفس كلامك اقوله لنفسي ربي سهلها والصبر زيييين والله يقومك بالسلامه ويالف بين قلوبكم `-

 

[فراشه الفراشات]

مشكورين علي ردودكم الي اثلجه صدري
انا متضايقه كثير وكارها الحياه معاه صايرة حساسه وكلا اتذكر ايام قبل وتحسف ان ماطولت فترت الملجى انا ودي اطلق مدري ليش بس ارجع اكلمه مره ثانيه نفس فترة الخطبه مرات اطلب منه اني اقعد في بيت اهلي وانه يكلمني نفس قبل اهو يتضايق بس انا استانس الحين بس يتكلم بلديون وجم يبقي من المعاش ويسوالف كان الي قدامه عجوز ودي بسوالف قبل انا احبه وربي احبه بس هو مو نفس قبل حيل تغير 180 درجه وانا حيل محتاجته يسولف معاي يتغزل فيني يطلعني نفس قبل كرهة الزواج وقاعد انصح اختي الي اصغر مني ماتتزوج الا بعد الجامعه والله ملانه ودي احد اكلمه انا لما اتضايق ادق عليه حتي لو انه عندي هو مايحب بس انا حيييييييييل ارتاح احس لما يكلمني انه يكون يسمعني عدل احسن من لما اكون قدامه صرت اتهرب اقعد معاه مدري ليش مو من الدين منه هو حيل تغير بكل شي
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[ام سعود11]

اتقي الله ان لم تصبري على ابو ابنك

على من ستحافظين

هداك الله ووفقك لطريق الصواب

 

[سهام الصمت]

حبيبتي الصبر زين اصبري انتي لسى بداية المشوار فالصبر مفتاح الفرج

 

[ابتسامه مهجوره]

والله انك دلوعه000هذي الحياة يوم بيضاء ويوم سوداء وكلنا مرينا بازمات ماليه مالك الا حل واحد عندك ربك في الثلث الخير من الليل ينزل للسماء الدنيا (هل من داعي استجيب له)ادعيه بالفرج واليسر والرزق

 

[اغار من الورد]

اختي مالك اله الصبر كلنا مرينا نفس ضروفك واكثر بس العيشه تبي صبر والحياه ماتبي الاستعجال في القرار يابي لها صبر وهذا راي لك