ادخلي وخلينا نشوف كيف كانت النظرة الشرعية للخطبة

[ميااده]

مسااااااااااااء الخير للحلوين :27:
كيفكم بناااات؟ وكيف اموركم مع ابو الشباااااب ان شاء الله زينة
الله يوفقكم في حياااتكم يارب ويحفظ اطفااالنا من كل سوء:6:
مااااببغى اطول عليكم كنت ابغى اسالكم عن النظرة الشرعية كيف صااارت حقت كل وحده ابغى كل وحدة تحكي لنا وش صارفيها
عني انا كنت مرررررررررة منحرجة:5:وقالت انا راح ادخل قبله لان لو دخل هو اول لازم ادخل بعده وفي يدي عصيروكنت خايفة اني اكبه عليه فعشان كذا فضلت هويدخل وانا وجهه المهم دخل معايه اخويه وابو الشبااب كان مره مساتنس وداخل فيه بالسواليف:36: انا حسيت اني انحرجت زيادة فقمت طلعت رجع اخويه يناديني يقول العريس يبغى يشوفك زين واناماخلاني اطلع الايوم لمحته يطالع في رجولي قمت وطلعت وبس ؟؟ابغى كل وحده تحكي لنا خلونا ننبسط

 

[رازيا]

عزيزتي اتوقع موضوعك يصلح في قسم الزوج والزواج مو هنا هنا بس للمشاكل الزوجية اسئل الله ان يفرج همك

 

[بداية قصتي ضحكه]

مرحباااااااااااااااا الله يبسطك قولي ااامين غيرتي جوووووو لناااااااااااااااا انا ياقلبي كنت محرجه طبعاااااا طلبت يدخل معي واحد من اخواني اللي هو الصغير من اخواني واكبر مني طبعاااااا لاني اصغرهم اناااااااااا ودخلت المجلس انا ومامتي الله يسكنها فسيح جناته وعمتي طبعااا وشوي يجي المحروس واخويه وعاد شوفي زغاريد من عمتي وتلبيس دبل وسوالف كان احلى الايام الله يديممها من عشرررررررررره لي ولاخواتي الغالياااااااااااات وبس ياقلبي

 

[ميااده]

بداية قصتي ضحكة
الله يبسطك كمان وكمان ويفرح قلبك حبيبتي

 

[تؤام روحي وقلبي]

والله ما فيها زياده عليك

 

[بحر مجنون]

انا تصنمت ماقدرت اتحرك من مكاني

هو دخل علي ووقفت عشان يشوف طولي خخخخ عاد طولي لا تعليييييييييق

وقعدت قال كيفك قلت الله يسلمك

بعدين ناظرت بابوي يعني خلااااص قال ابوي يالله توكلنا وقام وهو مبسوووووووووط حده

 

[ميااده]

توام قلبي &بحر مجنون الله يوفقكم يااارب

 

[سهرانه أنتظرك]

كان زوجي العزيز جالس مع ابوي بالمجلس وقبل ماادخل تهاوشت مع اخوي على اللبس لانه ضيق مارديت عليه واخوي من القهر قال شوفي انا بجلس جنبك واذا قرصتك قومي لاتطولين قلت له اوكي ودخلت قام زوجي وسلمت عليه وانا مبتسمه(مستانسه هههه)وجلست جنب اخوي سولفنا شوي الا وانقرصت مع فخذي يعني قومي بس انا ماقمت لاني مصره اشوف اسنان زوجي (لان الاسنان حيييل مهمه بالنسبه لي ) طبعا زوجي لمح القرصه وابتسم وبعدها طلعت وانا ادعي لاخوي بالخير لانه قرصني (لولا قرصته ماشفت اسنان ابو الشباب:31:)​

 

[نــور عـيـونـه]

احنا عاداتنا تختلف مافي نظرة شرعية كيف اهله يشوفوني ويوصفوني له

بس عاد هو يعرفني من يوم كنت صغيررره حااافظ شكلي تماااام التماااام وانا نفس الشيء

موضوع حلو ياقمر احلى تقييم لعيونك


نـــور عـيــونــه


​

 

[نــور عـيـونـه]

كيف = يكفي

 

[لمن يجرؤ]

انا لما جا يشوفني لبست عبايه وشيله وكنت منحرجه بس لما طلعت عشان يشوفني قعدت جنب ابوي طبعا الحبيب مارفع راسه من الارض ابدا ابدا لدرجة اني انحرجت وقلت اشفيه هذا ما يشوفني كيف بيتزوجني ؟؟

لازم يشوفني علااقل ويدقق


المهم ابوي قرصني رحت للغرفه وانا مستغربه جدا من الموقف


المهم لما راح الرجال دقت عليه اخته وقالت مبروك قلت لها وشهو اللي مبروك اخوكي اصلا مارفع راسه ولا شافني قالت يبي يكلمك

انا انحرجت سلمت عليه وقالي لا تتحريني ما شفتك انا قاعد اشوفك من تحت لي تحت

يا ولد يا قوي ههههههههههه

 

[حبي لهـ وحدهـ]

خخخخخ ضحكتووووني
أنا ماكان فيه شوفه مو عاااااادات
بس كذا خخخخ لعانه :biggrin:
مع أنه عمره ماشافني و حتى أنا عمري ما
شفته بالرغم أنه ولد عمتي
و كنت أروح لعمتي و أنا صغيرة
و هو كبير >>> أكبر بـ 10 سنين
بس ماصادف أنه شاااافني
و لما شافني بالشبكة :a084::a084::a084:

 

[من يفهمني؟]

هههههههههههههه حلوة مواقفكم..

 

[دلوعة بيبي*]

انا ناداني ابوي وكنت لابسه فستان شريته من زارا طويل لونه بينك وفصلت عليه جكيت اورقنزا<< عروسه البنت ههههههههههه وكنت حاطه كحل ومسكره وقلوس فاتح وبلشر شعري استشورته جيت ادخل ورا اخوي وابوي الله يحفظه ويقومه بالسلامه جلست جا ابوي يعرف هذي فلانه يا فلان وهذا فلان يا فلانه كنت ارجف من الحيا قال تعرفوا ع بعض انا طالع انا صلبت مكاني اخوي كان جاس فالكنبه الي جنبي وانا جالسه قبال زوجي وارجف من الحيا قام سلم وقاعد يسولف ماخذ راحته وانا ساكته ارد واسكت طالع فيني اخوي قالي خلاص اقوله ايه يقولي يالله يعني ورينا عرض كتافك لاكن انا تنحت ماعاد قمت الين جا اخوي مسكني بيدي وطلعني والحمد لله تمت ع خير​

 

[ايمي الدلوعـــه]

مواقفكم حلوه وذكريات احلى

اما انا كنت بموت من الفرح لاني بجد كان هو الانسان اللي فبالي وهو ابن عمي

لبس الفستان البني الحرير وحطيت شال عليه وفتحت شعري مع الخصل ومرطب الشفايف الناعم

بدون اي اضافه عشان يشوفني عالطبيعه

واتفاجات لما دخلتني اخته وامه بالزغاريد وان كل اعمامي بالمجلس مبسوطين وهو قبالي فالها ومبسوط

عالاخير شوي وانا متنحه ابوي قال شوفي فضينالك مكان اللي هو جنب ابو الشباب انا انفجعت قال ايش

عشان يشوفك زين

وكانت جلسه عايليه حلوه اكثر من انها شوفه شرعيه رسميه لاننا ضحكنا واكلنا كيكه وشربنا كوكتيل

وعمي شغالين نكت وانا حرررررررررررررررررررانه في البرد لاني كل مالتفت ابي اشوفه الاقي وجهه صوبي

وابوي سا ولد عمي هاه شرايك؟؟

قال الحبيب حوريه نازله من السما وانا وجهي احمر وبرتقالي وعنابي خخخخخخخخ

ثم لبسنا الدبل وزغاريد وانا قمت من نفسي محد قالي قومي >>>مطولين

بس كانت ايام لاتنسى


تسلمي عالموضوع النايس

 

[حنان 33]

والله ياحبيباتي نظرتي كان لها العجب كان موعد الشوفة ليلة الخميس بس عريس الهنا جاء يوم الاربعاء العصر
وانا كنت نايمة ومااحس لكم الا واختي طامرة علي سوبرمان الاخت ههههههههههههه افز مفزوعة خير وش عندك الا وهي تضحك ومطلعة طقم اسنانها فرحانة فيه هههههه واصرخ وش فيه قالت ابوي يبيك بالمجلس واقوم
البس لبس الصلاة حقي واروح والنذلة اختي تضحك هههههههه وجع واروح لم المجلس طيران وادخل ركض حتى وجهي ماغسلته ههههههههههه والله يابنات ماشفت عريس الغفلة وادخل مفحطة واحب ابوي على راسة واجلس جنبه واشيل دلة القهوة واصب لي فنجال واتقهوى وابوي مبحلق عيونة فيني واسأله خير يبه امر فقالي ليه جاية كذا وليه ماسلمتي على الرجل
واشر عليه بعيونة والله يابنات يوم التفت الا والاخ متشقق من الوناسةفماعدت عرفت وش اسوي صرت اقوم واقعد هههههههه والله والرجةواطلع مفحطة مثل مادخلت والقى خواتي متبطحات من كثر الضحك واشيل الخيزرانة وهاتك ياااااااااااطق وشوي الا وابوي جاي يضحك ويبارك لي وابو الشباب الى اليوم يذكرني بهالموقف ههههههههههه فيلم كوميدي​

 

[نوررررري]

يااااااااااه ياليت ماضينا يعود وترجع لنا صدق الوعووووود

 

[تشكرات]

ياعمري عليّ بس ...والله اني كنت صغيره يوم اتخطبت ومدري وين الله حاطني ...بس كان فيني لقافه شوي ههههه
لبست الحجاب ودخلت واخوي وراي زعلان ما يبغاني ادخل
ومضاربات انا وهو ههههههه لكن ابوي خاصمه وسكت واستسلم

ودخلت >> أتمرقع وأمشي على استحياء >> يعني اني خجوله ......وأسترق النظر للعريس من تحت لتحت هههه
ورزعت العصير على الطاوله وهووووووووب على برّه ....والا اسمع
ضحكهم علي ...
وبعد شوي ناداني أبوي وهو يبتسم ويقول >> العريس ماشافك زين .....
عاد انا جاني الخجل من ابوي مااااااااااره ...ههههههههه

موضوعك حلو حبيبتي ورائع كروعتك ..

 

[ميااده]

الله يسعدكم ويسعد كل من دخلت عشان تكتب واشكركم من كل قلبي على تقييمكم للموضوعي فانتن فعلا رائعااااااااااااات

 

[ام غلاااااااا]

كنت مسويه مكياج هادئ ولابسه فستان ناعم سماوي ورحت للمجلس وقفت عند الباب وكان اخوي الكبير موجود بالمجلس وشوي ولا اروح لخواتي بالغرفة ويجي اخوي يقول لي ان العريس ماشافك زين ؟؟تدرون وش رديت على اخوي من الرجة والإحراج قلت قل له يطلع من المجلس..لكن رجعت مرة ثانية وشافني ,,,وبعد الزواج يقول لي المفروض دخلتي جلستي شوي مدري وش ناوي عليه ..