ادخلو واحكمو

[رواد عبدالله]

السلام عليكم
كل عام وانتو بخير يارب ويعناد علينا وعليكم بالصحة والعافية .

اللي صار انو امس اتصلت على زوجي وهوا في الدوام قلتلو اول ماتخرج مر عليا ووديني عند اهلي عشان بسلم عليهم قلي لا ابغاكي تروحي مع امي عزا اول قلتلو طيب رحت العزا مع امو واختو ونحنا راجعين امو قالتلو تعالو اتسحرو عندنا قلها بودي زوجتي عند اهلها وبكرة بنفطر عندكم ان شاءالله سكتت الام
المهم وصلهم البيت الام واختو نزلو قام يقولي انزلي معاهم بنتسحر قلتلو واهلي ! قال بعد بكرة بوديكي عندهم قلتلو طيب ونزلت .

اليوم قلي بنفطر عند اهلي وبعد الفطور بوديكي عند اهلك قلتلو طيب بعدين جاء من الدوام العصر وانا اطبخ قلي ايش تسوي قلتلو اكل قلي لية بنروح عند اهلي قلتلو ايوة بشيلو معايا قلي لالا تبغيهم يضحكو علينا وقفل النار !! قمت انا عصبت وقلتلو ماني رايحة ، حسيت كانو متفشل من اكلي
بعدين وهوا خارج قلي يلا قومي لو ماجيتي اهلي بيسالو ايش اقولهم
قلتلو ماني رايحة مكان خلاص قام هوا راح
دحين جات اختو سالتني لية ماجيتي ورمضان مايحلي الا بي الجمعة قلتلها فلان (زوجي) كان مستعجل وانا لسا مااتروشت ولبست قالت الله يهديكي قلتلها يهدي الجمع يارب قامت تقول المفروض تتجهزي من بدري قلتلتها كنت في المطبخ قالت المفروض تعرفي طبع زوجك وتجهزي من بدري
طنشتها وخرجت من الواتس قهرتني

 

[ماجدة العلي]

حبيبتي اكيد انتي الغلطانة يعني زوجك قلك بدنا نروح لعند اهلي جهزي حالك وروحي بدون ما تعملي اكل حبيبتي
ولا تدايقي من تصرف زوجك لان اكثر الرجال الصايمين بضل دايق خلقهم
طولي بالك
وبيني عذرك لأهل زوجك

 

[Getara]

كان ما اخذتي ولا اعطيتي معاة عمومآ المشكلة بسيطة ولا تستاهل انك تكبريها او تزعلي نفسك وزوجك طنشي وخليك واثقة من نفسك اطبخي لنفسك اذا عاجبو راح ياكل مو عاجبو الجوع راح يخلية ياكل غصب عنو ولا تفكري كثير في مشكلة انتهت من وقتها اصلآ لا تعد مشكلة اعتبريها سوء تفاهم وانتهى ربي يصلح حالكم

 

[المدربة حكيمة]

رمضان كريم كل عام وانت الى الله اقرب
حبيبتي
احمدي الله على نعمة اهل الزوج اللي ماشاء الله سائلين فيك
فهاذا ان دل على شيئ انما يدل على طيبة معدنهم
ليش تقهرتي من اخت زوجك
خذي الامور ببساطة
وانظري دائما الى الجانب الايجابي في الامور
موفقة

 

[الحزينه525]

لا اله الا الله