احب الله ربي
New member
- إنضم
- 24 مارس 2011
- المشاركات
- 75
السلام عليكم اخواتي العزيزات اتمنى انكم تشاركوني بمشكلتي و تساعدوني القى لها حل آخر مشاكلي مع الشمالي صارت اليوم قهرني حسبي الله عليه و طير النوم من عيوني اقول لكم السالفه و عطوني رايكم شغالتي حسبي الله عليها لها فتره و هي شغلها زي وجهها و اليوم قلت لها تنظف سله الخضار و تطلع البطاطس الخربانه و شكلها الحيوانه ما طلعتها و انا انشغلت بعيالي اعشيهم و انومهم مره نسيت الموضوع وجا زوجي بالليل و قال لي فيه ريحه في المطبخ قومي شوفيها طبعا طرت علي البطاطس و قمت اشوفها ونظفتها و شلت الخربان و استلمني تهزيء ما فيه كلمه شينه ما قالها واني وصخه و مهمله و ما ادري عن شي و انه تعب معي الكذاب حسبي الله عليه و الله اني انظف من وجهه بس عشان حبه بطاطس خربانه قوم الدنيا طيب اوكي انا بعد ما احب الوصاخه و انقهرت اكثر منه من الشغاله بس هو قال كلام فظيع ما ينقال و قال لي يا تتعدلين او انقلعي لبيت اهلك و هذي الكلمه دايم يسمعني اياها اذا زعل و الله يا بنات اني تعبت معه اذا صارت اي غلطه تافهه و غير مقصوده يقلب البيت علي و يتهمني بكل التهم الشينه و يحط ان هذي الغلطه دايم تصير و ينسى كل اللي اسويه و يمسك على اللي صار تكفون شورو علي وش اسوي احس اني مجروحه من كلامه و احس ما فيه امل يتعدل يعني انا حاولت اسوي كل الاشياء اللي تخليه يتغير معي و تجي له فترات يتحسن لكن بس يصير شي غلط في البيت خلاص يجيب الاولي و التالي على قولتهم و ما فيه بيت ما تصير فيه اخطاء او تقصير يعني حتى اذا اخطو عيالي يعاقبني انا تكفون قولو لي وش رايكم اروح بيت اهلي ظنكم يتعدل و يحس بقيمتي خصوصا انه دايم يقول مالكي اي دور في البيت و لا اي فايده و هذي الكلمه ترفع ضغطي من جد ودي اروح و اخليه يشوف اذا لي دور ولا لا انتظر ردودكم عشان اقرر و ش اسوي قبل ما يطلع النهار
