اخطاء..للمناقشة

[حبيبتي نعوم]

اخواتي
من منا ماعاشت مع زوجها يوم حلو يوم مر تمنت فيه لو ان ايامها ترجع لجل ترفض الزواج
انا لي اربع سنوات متزوجة
عرفت من زوجي مااحب ومااكره ..وهذا حال الزواج
لكن..
قالت لي اختي مره
خذي تجارب الي قبلك..وكملي من عندها
لاتكررين الخطا وتكونين غبية :tears:
ماسمعت هالعبارة صح
وبديت اكرر نفس الاخطاء
ولمنفعة غيري ومنفعتي
اتمنى من الجميع المشاركة
اكتبي اخطاء سويتيها ..لحد يقول ماسويت خطا :fish:
بابدا معاكم
اكبر خطا سويته
اني اهملت مشاعر زوجي في بداية زواجنا ولمدة سنة
لدرجة اني كنت مااشاركه فراشه
وبعدها انعكست الاية..وصار هو الي يهمش احساسي لما اتجهت له
اليوم انا اتجرع واتحمل..لان الهدايا بالردايد
ثاني خطا
في نفس هذيك الفترة وفترة نفاسي
تركت له الحبل على الغارب
يطلع ويروح ويجي
واعتاد الروحة وجلسات البحرين وماادراك ماروحات البحرين
لما اعترضت قال وش الي جد بحياتنا وغيرك
هذي بعض اخطائي..شاركوني بحل او بخطا
اتمنى نستفيد من بعض
ولكم مني كل الود

 

[وهم79]

مشكلتي الي احسها اكبر مشكله في حياتي
اني حبيته زياده عن اللزوم اشوف كل الدنيا بعيونه لان كل صفات الي ابغاها في الرجال كانت فيه
لكن هوجدا اناني وشاف نفسه علي ما عمري رفظت له طلب لويطلب عيوني اعطيه له لكن هو ما يقدر تظحيتي ومشاعري
وغلطتي الثانيه
ان من يوم زواجي تركته يتحكم فيني كيف ما يبي ما كنت اعترض ابدا على بالي أمراء مطيعه ههههههههههههه

 

[حواء الكون]

أنا غلطي كان اني اهملت مشاعره من البدايه وبالتالي هو اللي أهملها
والغلط الثاني اني كنت من الشخصيات السوداويه اللي تشوف كل شئ بالاسود لكن نحاول نتغير انشاء الله للاحسن ونصلح ماتدمر :icon31:

 

[qamer14]

ما يعترف بشى اسمه مصروف شخصي لزوجه يقول شو بعدك طالبة مدرسه لما ياخذني السوق ملامحه وجهه تتغير ويقول خلصتي بسرعه يله مع انه لما يكون بروحه يقعد 5 ساعات يسوي shopping حق نفسه و عياله على فكره هو الي يشتري ويختار الثياب حق بناته و ولده كمان ما يثق بذوقي كل هذا لاني تركته يتحكم فيني كيف ما يبي

 

[وجدان ام سارة]

الاخطاء ؟ ياااااااااااااااااكثرها ههههههههه
اولا شلت عنة كل مسئولية البيت
ما اطلب منة يودى عيالة للمستشفى ولا يشرف على علاجهم اقول لاااااااا انا قدها وقدود على بالى سنعة
ماكنت اخبرة لمى امرض لمى يجى للبيت اقوم وسوى نفسى مافينى شى مع انى تعبانة ومريضة
كنت اسوى اشياء المفروض انها تكون شغل الرجل مثل الوقوف على اعمال الصيانة وهذا تكون مع رجال المفروض هو يقوم بها بس انا كنت البس عباتى ووقف مثل الرجال
النتااااااااااااائج؟؟؟؟؟؟؟؟؟؟؟
بعد ماتزوج صار يشيل مسئولية بيتة الثانى من شراء وصيانة وحتى سواق عند المدام وتنسيق مواعيد المستشفيات وغيرة ولمى اقولة سويلنا كذا يقول وش الجديد طول عمرك ونتى تسوين الحين انا الى اسوى ؟
طبعا مو متعود لانى انا خربتة بدلالى وهى لا من اول يوم رمت على كاهلة كل شى
اهى صح ونا غلط

 

[في قلب خالد]

انا غلطتي اني ماتمسكت بحقوقي مثلا الدراسه ماكملت الثانويه مع اني شرطت عليه لما خطبني كل سنه يقول السنه الجايه وانا لي سنه ونص متزوجه
واشياء كثيره ماطالبت فيها مثل مصروف خاص هذا مايعرفه يقولي تبين شي انا اجيبه او انا اوديكي واكون معاكي واشتريه
وولده مايشتريله اشياءه مثل مشايه مفرش سرير والعاب وملابس والتطعيمات تخيلو الحين عمره عشر شهور وهو ماتطعم ولا تطعيمه بس حقت بعد الولاده والله لواني كنت قريبه من اهلي والله ماقصروا معي ولا مع ولدي بس مااقول غير الله يهديه:tears:

واصعب شي يابنات لما اقعد في البيت بالشهور:tears: اقوله طلعني يقولي بكره عندي دوام والطامه الكبره انه احيانا يطلع يعني ولاكنه عنده دوام والله يابنات لي شهر ماطلعت بس امس ياحليله وعدني نروح ايكيا وماادري الا انا في السوبرماركت قعدنا نص ساعه ورجعنا وهو لو يقعد خمس ساعات في البيت يمووووت مايقدر يتحمل:tears:

 

[الصبوره]

أنا نفس وجدان تحملت المسؤوليه دون أن يطلب مني ذلك وذلك لأنه كان يتأفف لما أطلب منه يسويلي شئ لذا ابتعادا عن تأففه قلت أتحمل أنا لعل وعسى يقدر تعبي ويحترم تصرفاتي (كنت غبيه ) والنتيجه كلفت نفسي فوق طاقتي ولم أحصل على التقدير الذي أردته بل زيادة في المسؤوليات.

الخطأ الثاني إنه لو زعلني أو أنا زعلته أنا اللي أعتذر لأحل المشكله وما أصدع راسي والنتيجه إنه تعود.

كنت أخاف من كلماته القاسيه لذا عملت المستحيل فقط حتى ما أسمع أو أرى تلك النظرات الحاده والنتيجه زيادة جرعة الكلمات والنظرات واهتزاز شخصيتي بدرجه كبيره.

 

[نبض دافئ]

فيه كلمات مافهمتها وتكررت مثل
خطااااااا اهملت مشاعره يعنى كيف ممكن توضحون علشان نستفيد

 

[شجن القلوب]

على سيرة الأخطاء
انا مابعرف اللي بعمله صح ولا خطأ...ياريت المجربات يخبروني
انا عن نفسي بحب أروح للتسوق لحالي جربت أكتر من مره اطلع مع زوجي بس للأسف الشديد كنا نتخانق كل طلعه بده أخلص على السريع او بيصير يضل يقلي انت بتمشي بطيء او يصير يحكيلي ليش لابسة هيك وليش حاطة هيك ولا تشتري هاد وهاد حلو وهاد مو حلو وبالاخر بتنكد وبروح .. وكمان بنشتري امور كتير مو محتاجين الها طبعا انا مغتربة وماعندي اهل ولا صديقات بهاد البلد اللي انا عايشة فيه
بس انا عادي بحب اتسوق لحالي فالبنسبة لتسوق ملابسي لغيت فكرة اني اتسوق معه على الاخر ..حتى لو كنت ناوية اطلع اتسوق وقرر يجي معي بنسى اني بدي اشتري شي عشان ما باخد راحتي وبس بطلع واذا عجبني شي برجع اخده بعدين ونفس الشي بالنسبة لاغراض المنزل بس اروح انا وهو نص اغراض البيت ما بجيبها وهو يقول يالله بسرعه
لاتوقفي كتير عند المنتجات ما بيفهم انه لازم اشوف الاسعار وتاريخ الصلاحية وبلد المنشأ واقارن ...لا بقلي خدي كل شي على السريع بالاول كنت اتخانق انا وهو انه مش هيك الناس بتطلع تتسوق ...بس حاليا بحاول اروح لوحدي اجيب الاغراض وبستمتع بالتسوق لوحدي واذا حب يروح معي بشتري اللي بدي ياه وتاني يوم بروح بكمل الاغراض اللي نقصتني فهل طريقتي صح ؟؟؟

 

[ريمان2008]

شجن القلوب حلوة طريقتك بس ترى يتعود إنكم ماتتناقشو أو تبدو آرأكم على المشتروات
حاولي قبل ماتنزلي على السوق إنك تحددي له إش تبغي تشتري وأقنعيه بأنك تحبي رايه
لكن بدون تسلط وفرض رأيه عليكي
بالنسبه ليه انا دايما كنت أقوله أنت ما تهتم أنت ما تقول أنت مش رومانس ليه ماتكتبلي
يعني بطريقة زن لكن الأن أنا أعمل معظم الوصفات في منتدى بلقيس(من جد منتدى روعة)
صاير زوجي مره رومانس صحيح الحب عاطفه وإحساس الواحد يحسه لاتستجديه من أحد
إنما تلوني وتميزي بشخصيتك لنفسك قبل زوجك وسيحبك زوجك اكثر

 

[أمل أمه]

انا مثل شجن احب اتسوق بروحي بدون خوات ولازوج

لاني مجمعه قائمة طلبات ومافي وقت اتهاوش مع زوجي بنص الوقت اوانا ماخلصت اغراضي

وبعد ماعندي وقت اسمع تعليقات خواتي على الموجودين بالسوق

احنا صح واالاغلط

 

[عزيزة نفس]

موضوعكي مهم جدا جدا جدا اكبر خطا سويته اني وافقت على زواج زوجي الحين اعاني الامرين

 

[حبيبتي نعوم]

يالله وش قد اسعدني تواصلكم معي
تسلم اياديك وجعل ربي ينفعنا باخطاءنا لان الواحد ماولد عالم
المهم نجي للردود على بعض الاخوات
بداية..
خلونا نتفق على اننا نفرق مابين كرهنا للشخص..وكرهنا لخصله في الشخص
لانك ماتقولين اكره زوجي لانه اناني..تقولين اكره الانانية في زوجي
صح كذا
لانه للعلم وللاحاطة للجميع
المراة اذا كرهت الرجل وقررت تنفصل عنه..
مستحيـــــــــــــــــــــــــــــــل
تتعب نفسها بانها تناقش اخطاءه او حتى تنظر لها
تنسحب بصمت..او حتى بصوت
لكن خصال الزوج او عيوبه ماراح تهمها في ذاك الوقت
مثل ماقالت اختي حواء الكون
نحاول نتغير ونصلح الي تدمر
اختي وهم ..زوجك اعتاد على انه يكون طفلك المدلل
بيني وبينك انا مع زوجي كذا
ولما صار يطنشني عرفت اتسنع
صح قاومت وبكيت وبغيت انتحر:sadwalk:
بس بالاخير عرفت ان الواحد لازم يرخي ويشد..
علمي زوجك هالشي وتاكدي كله يهووووووووووون
دامه مازال معك بالبيت ومااستحلى الدجة والطلعه مع اخوياه:surrender:
اختي حواء واختي نبض دافي
المشاعر لما تهمل يصير رد فعل شنيع عند الرجل
انا اقولك زوجي كان يستقبلني عند الباب لما اجي من الدوام
على باله احنا بامريكا..والوحده فينا تدخل من الجو التعبان الحار ودها بس بدش بااااااااارد
فكنت اطنشه..بل ووصلت الى مرحلة اقوله وخر عني
الله يسامحني
بس الحين صار مطنشني عالاخر
طيب وشلون نحل هالمشكلة؟؟؟؟؟؟
نبي رد؟؟لاني صرت اشتاق لاستقباله لي
وجدان ..ياشينا يالحريم لاسوينا سنعات:shiny:
انسحبي من المسؤلية شيئا فشي وانا معك:blow:
قمر.وفي قلب خالد.المصروف هذا لازم تعودينه عليه..والله انهم يصرفون ع الناس برا اضعاف مايعطونا
بس لازم تجينه باسلوب..غير كذا انت اعرف بزوجك
لان الظروف المادية هالايام للجميع صايره صعبه
الاخوات الي يحبون السوق..ليت رجاجيلنا يخلونا نروح لحالنا
هذا مو غلط
عزيزة نفس..عسى في الامر خيره
وحاولي تنسين انه متزوج وحده ثانية لاصار معك
الله يصلح احوالنا يارب

 

[نعومة داوني]

انا من اكبر أخطائي إني كنت أحكيله في بداية زواجناإني كنت مستضعفه عند أهلي وما أحد يقدرني لكن للاسف صار يكره أهلي ويحسهم إستغلاليين وصار مو يحبني لا بس يشفق علي ويحس مالي ظهر
والطامه الثانيه ماكنت أطلب شي أبد بحجة إنه يبي يعمر بيت وصار لي7 سنين ماشفت شي وكنت كل ما بغيت شي بعت من ذهبي وشريت كنت والله حتى ملابس عدله ماعندي مع إن راتبه عالي
والان لما صرت اطلب صار يتأفف ويقول إنت مسرفه لكن أطنش وهه بدا يتعدل وياريت ماأحد يطيح بأخطائي ترى صعب
يقوم

 

[حبيبتي نعوم]

ربي يسعدك يااختي نعومة داوني
انا كنت دايم حريصه مايشوف على اهلي زله
وهذي نقطه مهمة لانه بيعايرني فيها طول عمري
واما الفلوس فكلنا سوا
وياريت نعدل اخطاءنا والي لسه ماتزوجت تنتبه منها
ودمتي بوووووود

 

[تواصل]

اكبر غلطة بحياتي اني تزوجت انسان مريض نفسيا وتصرفاته مثل تصرفات الاطفال وشايف نفسه على الناس:sly:

 

[حبيبتي نعوم]

حبيبتي تواصل
كم لك متزوجة؟؟
عندك اطفال؟؟
صدقيني اشياء كثيرة تتغير بعد السنة الثانية

 

[ورود وبهجة]

أكبر خطأ أنا سويته إني دخلت الحياة الزوجية بمفهوم تكوين أسرة وأجيب عيال كان زوجي آخر اهتماماتي أتصرف ولا كأنه موجود وكان يعصب علي واستغرب ليش يعصب أهو عايش حياته وأنا لازم أعيش حياتي بطريقتي
كنت أعامله زين امام الناس وقت مرضه غير كذيه في بالي ماله شغل فيني لين جاء اليوم اللي اكتشفت خيانته لي
وكانت بمثابة أصحى يانايم الناس تدلل أزواجها وتحرص عليهم وأنا تركته سلعة سهلة حق أي واحده

 

[وين الوفاء]

أكبر خطأ سويته اني ما أصر على رأيى ودايما أحاول أضغط على نفسي في أمور أنا مش مقتنعة فيها.

الخطأ الثاني اذا فيه مشكلة زوجي لا يحب التناقش فيها واذا حاولت أتناقش معاه لا نصل لحل مرضي لذلك معظم مشاكلنا مفتوحة لا يبت فيها قرار وهذا التكدس سبب لي أزمة لانه لم يعد عندي أي مساحة لاي شئ حتى لو كان بسيط.

لذلك أنصح أخواتي بضرورة النقاش الهادئ مع الزوج وحل الخلافات أولا باول حتى لا تتراكم وتثوري من أتفه الاشياء.

 

[& هتان &]

السلام عليكم

اكبر خطا سويته اني قاعده اصرف على نفسي وعلى البيت نبس مو ذنبي هو ما يعطيني شي ولا يصرف الله يهديه ان شاء الله

واللي قالت لزوجها انها كانت مستضعفه عند اهلها لزوجها فما بالج انا اخوي طقني كذا مره قدام زوجي؟؟ الله يهديه وحسبي الله على مرة اخوي ونعم الوكيل