اخر تطوراتي...........................

[ام احلى بنت]

ساء الخير كيفكم بلقيسيات
انشالله بخير
ابقولكم آخر التطورات في موضوعي الي كتبته لكم
http://www.niswh.com/vb/showthread.php?t=111709
الحين لي 17 يوم عند اهلي اول 10 ايام لادقيته ولاهو دق علي
وعلى اساس في اليوم ال12يعني يوم الخميس اهلي بيطلعون للملاهي قلت لزوم استأذن منه واقول اني بطلع لانه في الشرع المره ماتطلع الا اذا اخذت الأذن
من زوجها ورحت يوم الثلاثاء بالليل وارسلت له ان ودي اطلع للملاهي
رد علي بمسج وقال
اعتقد الي بيننا انتها ومالي شغل فيك اللي بيننا بنتي يوصل مصروفها وبس
انا انصدمت من الرساله((اثاري اخوه في نفس اليوم مسوي حادث بس جات سليمه عشان كذا ارسلي هالرساله))
طبعا انا جلست ابكي وفكرت وفكرت وعرفت ان زوجي مايجي بالقوه ولو ان شخصيته شمالي شرقي
لاكن يوم عاملته بالقوه واخذت اغراضي ورحت عند اهلي عاند اكثر وركب راسه وسوا فيها انه مايبغا احد يكسر كلمته
يعني فهمت ان الرجال معند وميبس راسه فقلت يابنت جربت القوه مانفع جربي الين يمكن تنفع مع شخصيته لانه مره عنيد
فاارسلت له رساله وكتبت فيها
مااتوقع ياروحي ان العشره تهون عليك ولاانا اهون عليك
ولابنتك تقدر تتركها بهالسهوله والي صار بيننا نعتبره فتره راحه وكل واحد يراجع نفسه
وانا احبك واتنفس هواك<<<ولو اني تحسفت على اخر كلمتين كتبتهم بس شسوي قلبي رهيف

المهم مارد على رسالتي وعرفة ان قلبه شوي لان
لاكن انا نفسيتي صارت زفت وثاني يوم ارسلت له رساله
وكتبت فيها:
هو عاد لي مكان في قلبك؟
هو عادك تحبني؟
هو انت باتترك بنتك وتخليها تعيش يتيمه كاانهابدون اب؟
ادري يابنات بتقولون وش هالاسئله السخيفه
الي بموقفي رح تنحط رح تجيها هالتساؤلات كنت ابغاه يجاوب عشان ارتاح
المهم رساله مني ورساله منه واخر رساله قلت له الي تبغاه رح يصير<<يعني خلال هالرسايل خليت احر ماعنده ابرد ماعندي وسايرته وعطيته على دقته
المهم يوم قلت الي تبغاه رح يصير سألته سؤال وقلت له هل عادك تبغاني ولاودك بفرقاي ارجوك خلك واضح
رد علي برساله وقال ((خليني واضح لهدرجه مستعجله عشان تشوفيلك فارس احلام ثاني وكلام ثاني يسم البدن))
انا يوم قريت الرساله مت من الضحك عرفت انه مايقدر يستغني عني ولايبغى احد غيره ياخذني
وارسلت له رساله باانه هو فارس احلامي ورح يضل فارس احلامي طول العمر وقلت له وش فيك انقلبت علي مره وحده
المهم انه بعد يومين زعلت انا منه كثير ورجعت ارسلت له<<بتقولون وش ذي ماتتوب من الرسايل الامن القهر ولاني شفته بدا يلين
قلت له والله وطلعت رخيصه عندك يافلان
اذا وجودي في حياتك مضايقنك قولي وانا بنسحب
وارسلي المسج الي قالي فيه وش الي زعله مني
اصلن انتي تبي الانسحاب من زمان ولي وصلك لهذا لسانك
انتي الي تقولي تبغي رومنسي.صاحب طلعات.ويحب الاسواق.وتقولي اني بخيل واناني وش بقى ماقلتيه؟
موتي قلبي ناحيتك بعنادك وزعلك الي مايخلص حتى بالفراش قاعد اطاردك هذا وبس عندك بنت واحده اجل لوعندك اكثر

ارسلت له مسج وكتبت فيه:
ان هالكلام يطلع مني وقت المزح ولاهو من قلبي واانا بغى احد غيرك ولاعمري قلت انك بخيل وانت ماتقصر معي واذا
هذا الكلام يزعلك معاد باتسمعه مني
المهم بعد يومين دق على امي وجلس يشكي لها مني وامي تقوله ترا يصير
وبعدها جا وكلم ابوي ورجعنا لبعضنا
وجاب لي هدية جوال كان نفسي فيه
ولي ااسبوع من يوم رجعت له بس في شي
موعاجبني انه كل يوم الظر يروح العزبه ويشيش يجلس ساعه
وامس واليوم راح الظهر ونفس الشي بالليل يعني مرتين باليوم
انا زعلت منه مومعقوله يومه يابدوام يابالعزبه واللله كرهته كنه مراهق
انا غيرت تعاملي معه وصرت اهتم فيه واسوي لها مساج والضحكه دايم بوجهي ولاعاندته
وقلت له خلاص ماعليه روح لك الساعه الظهر ماتوقعت انه يمسخها ويروح بعد بالليل
وكل يوم يطلع لي عذر عشان يروح
يانااااااااااس ملييييييييييييت والله ماينقصني شي جمال وبنت ناس وفيني انوثه ودلع ولااعرف وش الي مخليه مايحب الجلسه معي

 

[أحلى عسل]

الظاهر زوجك في الفتره اللي كنتي فيهاعند أهلك كان يروح لأصحابه ويشيش وعجبه الحال ولماجيتي انتي تغير الوضع الله يعينك وتقدري تخليه يبطل الروحه حاولي تحببيه في القعده معاك وابعدي عن النكد والله يسعدك يارب

 

[*شيخة الزينات*]

الله يعينك ياختي
انتي شوفي يمكن فيه شي مضاايقه حاولي تسأليه ...لان الانسانماينفرد الا اذا حس بشي مضايقه

والله يرده لك ويسعدكم ..​

 

[أم أديم]

نصيحة لك يالغالية طالما رجعلك لا تفرطي فيه وداريه وخليه يخرج ويجي ويروح يجلس مع اصحابه اعطي شوي حرية واعطي انت لنفسك شوي خصوصية وحاولي تشغلي نفسك باي شئ وهو خارج البيت والرجال يحب الحرمة المستقلة الى لها كيانها وعالمها مو الي تجري ورئه وتلا حقة وتجسس عليه والله يكرهه ويمل منها
حاولي تكوني انسانه غامضة وبشوشة وفرفوشة معاه على طول ولا تحاسبية على طلعاته وحتشوفي انو من نفسو حيتغير ويبدا يستغرب ايش فيها الحرمة معاد تسئل وتدور وفيها غموض معادها زي اول وصدقيني حتجدبيه أكثر ويحاول ان يكتشف اايش سر الجاذبية والغموض الا فيك بس المهم دلعي نفسك وانوتثك وسوي خصوصية لنفسك وان شاء الله تشوفي الا يرضيك الله يسخرة لك ويسخرلنا ازواجنا امين وصدقيني حاولي تقرأي اي شئ
تكتبه الاستاذة ناعمة لانو حيفيدك في حياتك بعد الله طبعا

 

[ظلم وقهر]

لاتشغلين نفسك معه خليه يطلع

عزيزتي انا حسيت من كلامك انك وضحتي له انك مييييته عليه مررررره

بعض الرجال مايحب الحرمه مثل اللزقه دايم تقط نفسها عليه وتقيده بجنبها وزوجك بالذات شكله من هالنوع

بعدين يلعنك ويسبك وانتي تسكتين !!! لازم يعرف ان هذا الشي يجرحك !!

حاولي تخدمينه وتقدمين له كل اللي يحتاجه مع شوية تغلي وشوية تطنيش .. بس طبعا راقبيه من بعيد لبعيد بدون مايحس ..

لا توضحين له انك تلاحقينه طول الوقت لان هذا الشي يخليه يتجرأ عليك ..

اشغلي نفسك بأشياء ثانيه ..

وبعدين انتبهي لاتبالغين كثير في مسجات الجوال .. طبعا لازم ترسلين له كلام غرام وحب بين فتره وفتره بس مو بالمبالغه هذي .. خفي عليه شوي .. خلي لرسالتك قيمه عنده اذا شافها يفرح فيها ..

الله يسخره لك يارب

ادعيلي

 

[ام احلى بنت]

مشكورين عالردود
وانا مولزقه ولاكنت ناويه
ارسله مسجات بس سبحان الله جات صدفه من ربي
كنت ادعي في كل سجده
واصلي قيام الليل واستغفر واقرا سورة ا لبقره ورجعني وهو معترف انه غلطان وانه تصرف التصرف لاني شوي اهملته
وامس رح يسهر مع الشباب مع انه راح الظهر وتضايقت كثير ومن كثر مانا متضايقه قلت جعل العشا يمغصه في بطنه وبعدها قمت وصليت قيام الليل ودعيت ان ربي يصلحه ورجع يعتذر لي ويتأسف ويقول انه مقصر في حقي وانه مارح يعيدها
سبحان الله والسبب هالركعتين الي صليتهم ودعيت ربي فيه

 

[حور الكويت]

الحين يومنك زعلانه في بيت اهلك تحنين عليه لين رجعك. ويوم رجعتي تضايقتي من طلعاته.اسكتي عنه واتركيه يروح ويجي براحته وعلى كيفه. عطيه الثقه لانك ان تكلمتي بتجيبين المشاكل لبيتك مره ثانيه.وزوجك عنيد وانتي عارفه. العنيد مايجي الا بالمسايس. يعني اسلوب سياسي مرن.ان زعلتي يكون بدلع وان رضيتي بدلع.
بالتوفيق حبيبتي

 

[ام احلى بنت]

الحين شفيكم هبيتوا علي بعدين مولهدرجه حنيت الين رجعني
انا في آخر رسالتين صار اسلوبي صارم معه بس ماكتبت
لكم الر سالتين هم الي
خلوه يحس لاني آخر فتره عند اهلي فكرت في الانفصال وقلتله تراك منت مجبور علي
وطنشته الين جا وكلم ابوي
صح البداية كانت صعبه علي وفكرت كثير في بنتي
مو معناته اني رجعت له اني اتنازل واخليه يطلع ويروح بدون مايحسب لوجودي في البيت اي حساب الحمد الله عاتبته وزعلت ووعدني مايكرر هالحركات
شوي بتقولون لي بوسي رجلينه عشانه رجعك

 

[سوسوكبيرا]

الله يسهل اموركم ويهدي سركم
ويصلحه لك ويسخره اللهم امين

بس احلا شي عجبني ما شاء الله لاق وة الا بالله
انه غيران عليك من الفارس الجديد حق احلامك
ههههههههههههههه
والله الرجال كنهم اطفال
بس احسن من اللي عندي اللي يقول يا حظ اللي بيتزوجك بعدي يعني يقال اني بيمدحني؟
ههههههههههههه