اخت زوجي وعيالها

[سوالف عااشقه]

السلام عليكم بلقيسيات باختصار حماتي جايتني بعد العيد وعيالها السبعه ويمكن قبل وهذه مسبب لي اكتئاب العيد الكبير جات وعيالهاحاسونا حوس وازعاج وقلق غير اني مرتبطه فيها دام هي عندي والله غثاء وعيالها ماشاء عليهم مايقصرون بتخريب والتحويس كانه بيت ابوهم وامهم عادي خبرت زوجي بضيقي زعل وبعدين تفهم الوضع رحت الشهر اللي فات لاهل زوجي بديرتهم وقلت لام زوجي وكانت متفهمه لانها عارفتهم حتي خواته عارفينهم ومن كثر مايهاوشونهم قلت جيتها لاهلها وتبي تجيب غثاها عندي ماعندها احساس وانا فاض بي الكيل ويمكن اخلي من يوصل لها اني مضايقه بصراحه ابي راحتي دام ماتحس واخوها مستحي ليتها تجي يومين ثلاثه وتروح الا ودها تربض ولاهمها شي اناهالمره سحبت عليها ولاحظت ام زوجي وقالت احسن اصلا هي راعية مصالح اللي عنده مصلحتها تلاقبها تلزق فيه واذا خلصت راحت حتي احنا ياهلها وزوجها دايخ ومسرحها وعيالها ولاهمه فيهم عطوني حل وش اسوي مع الحرمه هاذي فاقدة الاحساس

 

[دمعة الغيمه]

ماادري بصراحه لكن انا من وجهة نظري تتحملي وجودها كل ايام بالسنه وتروح
فااحترامك لجيتهم من احترامك لنفسك وهذي اخت الزوج مهما كانت ومهما كان شغب عيالها
حاولي انك ماتحسسيها بنفورك منها او ضيقك من عيالها
بكره بيكبرون عيالها ويحبونك ويذكرونك بالخير
وكلام امها عنها جدا بايخ وهذا يدل على ان امها الله يصلحها ماتقدر بناتها ولاتحشمهم قدام الناس

 

[دلال الهاجري]

هذي اخته من حقهاتجي وتقعد
وتعرفه قبل لا تعرفينه
اصبري علشان عيون زوجك

 

[نونو؟؟]

انامع الاخت دمعه غيمه وكلامها عين العقل والله بتكبوين في عين زوجك فشله وعيب توصلين لهل كلام انك ماتبينها تخيلي يصير لك هالموقف وصدقيني بتكسبي فيها اجر عاااادي عيشي الوضع وخاك اوكي معها واذا عيالها خلهم يخربون وزوجك بيشوف من نفسه ولاتبينين ضيقتك شكلها مسكينه هربت من اهلها لك فلا تخيبي رجاها وصدقيني بيجيك خير من وراها ولاتقولين بطول عندي والله ان الدنيا فاااانيه ومحد ضامن عمره ياحلوه