اخت زوجي مجننتني

[غلا الاحبه]

بسم الله الرحمن الرحيم

كل عام وانتم بخير ياحبايب قلبي

بدخل عالسالفه على طول

الله يسلمكم انا ساكنه مع اهل زوجي ولكن عندي جناح خاص0

اخت زوجي بنت جامعيه لسه ماتزوجت شخصيتها شماليه

انا اكبر منها بب3 سنوات وتحب زوجي حب غير عادي

انا لي 4 سنوات متزوجه بداية زواجي كذا مره اروح عند اهلي بسببها

يعني اول مايجي زوجي من الدوام تستقبله عند الباب وانا وراها

تسابقيني على السياره لما نطلع مشوار وتطلع جنبه قدام

واذا عصبت على زوجي منها زوجي يزعل ويقولي الا اختي

اختي الطالعه وانتي النازله

تخيلو هاليومين صار يأخذها السوق لوحدهم انا الحمدالله شريت ملابس العيد من بدري لكن هي قاصده انها تأخرها

ولهم كم يوم يطلعن السوق وانا في البيت ويصلون التراويح ويتسحرون

تخيلو وانا انتظرهم وبعدين زوجي يجي ينام اقوله وين طلعتو؟

يقول السوق وبس يخبي عليا وين راحو

لكن اخته اول مايدخل زوجي تجي تقولي انهم تسحرو في المطعم

وانهم راحوا يتمشون وووووو

واليوم الثاني اقول لزوجي ماشاء الله تسحرتوا امس في المطعم؟

يقول ايه 0 اقوله ليش ماتقولي 0 يقولي نسيت اقولك

دااااااااااااااااائما يخبي عليا ويقولي نسسسسسسسيت

لكن اخته تفضحه

وانا تعبت منها صراحه لانها لها كم يوم ترسله رسائل بالليل

ولما ينام زوجي احاول افتحها ماتفتح الظاهر انه مقفلها

لان الرسائل الثانيه تفتح بس اللي من اخته ماتفتح وهو بعد يرد على رسائلها

وانا لما ارسله رسائل عمره مارد علي

وانا والله مو مقصره معاه ولا مع اهله احبهم ويحبوني بس اخته هذه

ذابحتني

احسها تشاركني في زوجي

هذا غير الضحك والغمز واللمز والحش اللي بينه وبينها قدامي

احيانا تضحك على شكلي او علي لما اغلط بالكلام وتمسكها علي

وانا شخصيتي جنوبيه يعني مااحب المشاكل ومريحه راسي على الاخر

اقول هذه كم سنه وتتزوج ويفضالي الجو خليني اصببببببر وبس

احس زوجي يحبها اكثر مني مدري ليش

واحيانا يقعدون يحشون فيني ولما ارد عليهم زوجي يزعل ويقولي روحي عند اهلك0

قولولي وش اسوي مع اخته هاذي انا في انتظاركم

المكتئبه
غلا الاحبه

 

[غلا الاحبه]

احب اوضح لكم شخصيتها
انسانه عنيده دلوعة اهلها-ماينرفض لها طلب-على طول ماسكه البيبي تراسل-على طول قدام النت-من النوع اللي يمشي كلامه على الكبير والصغير-على طول رافعه حاجبها الايمن-ماتحب تشتغل في البيت-عندها كثير صديقات - كلمتها على طول تمشي عند زوجي0

حاولت اخليها صديقتي لاكنها ضرتني صداقتها لانها قامت تفتن عليا باأشياء تافهه
عند زوجي وتكبرها في دماغه

علاقتي بيها عاديه بس صرت اكرههها اسفه طولت عليكم0

 

[فديت انفاسه]

والله مدري وش اقولك الله يعينك
متاكده انه اخته لان صراحه مو لذي درجه ولوم ع زوجك صراحه

 

[دلوعه ابوهاا]

يويلي منها حشى مب اخته حبيبته

اقول اختي طنشيها بالعكس اقهريها بتطنيشك

وهيه اخته مو حرمه غريبه

وادعي ربك انها تتزوج اليوم قبل بكره​

 

[غلا الاحبه]

والله تسلموا على ردودكم ياحبايبي

تصدقوا في مره قلت لزوجي انا شاكه فيكم وحده من الاثنين الاولى ان بينكم شي0
والثانيه انها هي ماسكه شي عليك وتذلك بيه0

طبعا زوجي ولع الدنيا كان شوي ويطلقني

 

[غلا الاحبه]

ماقول غير حسبي الله ونعم الوكيل فيها

يارب تتزوج قريب وتلاقي اخت زوج تجننها يارب

 

[مهاوي المنتدى]

أعوذ بالله والله يااخت زوي انها نفس ماذكرتي وبنفس عمرها

لكن دايم ادعي انها تتزوج وتفكني شرها

 

[مهاوي المنتدى]

أعوذ بالله والله يااخت زوجي انها نفس ماذكرتي وبنفس عمرها

لكن دايم ادعي انها تتزوج وتفكني شرها

 

[غلا الاحبه]

والله العظيم وانا عروس ثاني يوم زواجنا زوجي اصر انها تتطلع تتعشى معانا

تخيلوا

ولما نطلع انا وزوجي لوحدنا اي مكان تقعد بس تتصل عليه

اقوله وش تبي اختك يقول ماتبي شي

والله دائما ترجعنا من طلعتنا بطلبات من السوبر ماركت او من الصيدليه

نطر احيانا نخر طلعتنا عشان طلباتها برغم انها عندها ابوها و2 اخوانها

متزوجين وعايشين بنفس البيت بس في شقق خاصه لهم بالدور الثاني

وهي كده مع كل اخوانها بس مع زوجي اكثثثثثثر0

 

[حياه العاشقين]

الله لا يلوومك بس ما توصل لها الدرجه انه يفضلك عليها ويطردك يقول انتي روحي عند اهلك (هذا حل عند زوجك ولا خليني على راحتي) اختي الطالعه وانتي النازله) طيب ليش هو متزوج جلست مع اخته احسن له..

)ويحش فيك هذا غير اللمز والغمز الله يصبرك شي يقهر كيف صبرتي كل ها المده مشاء الله عليك ,قولي لها لو تزوجتي ترضين اهل زوجك يسون لك مثل ماتسوين فيني وبعدين فهمي زوجك انه له حدود وانتي لا تتساهلين معه مثل مايقدرها يقدرك اذا هي اخته انتي زوجته بكره هي بتتزوج وتخليه ولا تفكر بأخوها لازم هو يعرف ها الشي ولا يطلع الا وانتي معه حتى لو شريتي شي انشبي له قولي بروح اتمشى اشم هواء الغلط من زوجك مو من اخته ولا تسمحين لها تتكلم عليك ولا يطردك من بيتك واذا سواها قولي خل اختك هي الي تطبخ لك وتسنعك انا بنت ناس مو متزوجه عشان تتمطش على انت واختك شوف لك غيري تمطش عليها واااضح انها غااايره منك حيل ما ينفع معها الا القوه وزوجك اذا بيتم على حاله شوفي احد من اهلك يكلمه اهل زوجك لا تدخليهم لانهم مابيرضون على بنتهم وبتطلعين انتي الغلطانه او حاولي تطلعين من البيت وتروحين شقه لك بلحالك,, اسأل الله العظيم انو يسخر لك زوجك ويبعد عنه اخته ويكفيك شرهااللهم امين.. وجه نظري وحبيت اقولها

 

[غلا الاحبه]

حياة العاشقين واله حاولت اطلع بيت لحالي بس ظروفه ماتسمح0

اما اهلي مو راضين يدخلون يقولون لي انتي تصرفي0

ومشكورررررررره حيييييييييل على ردك

 

[طيطة]

جتني سومة وغثيان وأنا أقرا هالوضع:..وشلووووووووووون لو عشته؟؟؟؟!!
الله يعينك ويفرغ عليك صبراً..ويزوجها عاجلاً غير آجل بزوج يغنيها عن كل اهلها مو بس أخوها..!!..​

 

[نجمة البيت]

مرحبا اختي الله يبعدها يارب عن زوجك ويرزقها الزوج اللي يبعدها عن ديرة اهلها من غير شر



اختي غلا الاحبه انا نفس مشكلتك بس اللي غير انها مطلقه وتجلس هي وزجي بالساعات واذا جت عندي قالت لي اخباري كله واخبار زوجي احياناً هي اللي تعلمني اذا عنده طلعه ولا اذا جاء من مناسبه تقولي هي الاخبار انه راح وشاف فلان وصديقه فلان بيتزوج وكل شئ تعرفه عن زوجي لدرجة انه يرفض اذا طلبت منه امه اما اذا طلبت اخته مستحييييييل يرفض
انا جنوبيه غربيه وزوجي شمالي غربي
اذا غلطت على امها اقوله اختك فلانه اليوم مااحترمت امك اختك فلانه عملت حركه مب حلوه الحريم اللي فاهمه ماتعملها طبعاً اقوله الصدق وبداء زوجي يخف عنها شوي ومره قلت له اذا معجبك وضعك انا بجلس مع اخوي لوحدنا وبقوله كل الاخبار هنا عصب وقال ماارضى قلت له انا بعد مارضى تجلس مع اختك لوحدكم وبكذا خف كثيرررر
ومو دائم اقوله عن حركاته عشان مايعرف انه ابي يقلل من جلسة معها


والى الان انا اعمل واجهاد عشان هالنقطه والمشكله اخته متفرغه وماعندها شئ وانا حاولت اصير رسميه معها قوووووه لدرجة اني خففت الزياره لهم

الحمدلله بداء مفعول الدواء


اسفه طولت عليك بس حبيت انقل لك تجربتي الله يعينك يارب

 

[روز الغامدي]

عادي هذا اختة بتحرمية من اختة الله المستعان الله لايفرقهم عن بعض

 

[نجمة البيت]

ملاحظه انا مااسب اخته قدامه عشان يعرف اني مب غيرانه منه بس احاول اثبتله ان اخته تغلط لانه يقول اختي مستحيل تغلط على احد واقوله الصدق بالحرف الواحد عشان ماتكتب لي عند الله كذبه
ولاتوضحين له انها عدوه او تكرهينها

وقولي لزوجي هي اختك وعلى العين والراس بس انا زوجتك ولي حقوووووووق **

 

[همسات أنثى ..!]

من جد مو معقووووووووووووووولة لهذي الدرجة !!!!!!!!!!!!!!
الله يعينك ياااااارب

 

[bent abooha]

اااااااااااسفه بس هذي تسمى قلة أدب
وزوجك بعد الي مكبر رأسها وعاطنها معااااااااااااااطي

شوفي شو تسووووووووووي اليوم الي مايطلعوا فيه مع بعض قولي لزوجك ووووووووووقدامها حبيبي حرام اختك شكلها متملله من البيت طلعها تغير جو اذا انتوا اخوانها ما طلعتوها من بيطلعها ويونسها

لا تبيني انك تقوليها لغرض بيني كأنك على نيااااااااااااااااااااااتك
وخليه يطلعها وانتي الي الحي واصري عليه

ووووووووووووووووشوفي النتيجه
مصيره يممممممممممممممممممممممممممل
لان هذي الحركات كلها الغرض منها يتعبوكي
خلك اقووووووووووووى وطنشي وعيشي جوووووووك يا ماما

 

[حلآوة مطيرية]

وش هالعلاقه ؟؟؟ ‏
ما يصيررررر لهذه الدررجه انتي بعد لك حقوووق لازم يراعيها ربي يكون بعوونك

 

[شامخه بإبتسامتي]

استغفرالله العظيم واتوب اليه

 

[daloo3aa]

حبيبتي يمكن لان عمرك قريب من عمرها حطتك في راسها ....
هذي علاجها العرس ....
باين عليها من حركاتها انها ميييييييييييييته على الزواج ...
خليك خطابه و شوفي اي احد يبي يعرس اذكريها له <<<<<< هههههه عشان تفتكين منها ....
الله يرزقها بالزوج عاجلا غير آجل ... عشان ترتاحين منها ...
و لو طلعت مع زوجك و قالت لك رحنا لكذا و كذا عشان تغيضك قولي لها عادي حياتي انتي اخته اهم شي انبسطتوا <<< اغيضيها بطيبتك و كرم اخلاقك و لا تتهاوشين انتي و زوجك عشانها ... هي تسوي كذا عشان تغيضك لا اكثر ...
يمكن تقولين صعب الوضع ... و اقولك انا حاولي انك تكونين بارده في موضوع اخته ... و بالنسبه للتطنز و كلامها الي يغث قولي لها بكل ثقه انا واثقه من نفسي و امدحي اي شي فيك تذمه ....
الله يفكك من شرها قريييب
و يسعدك انتي و زوجك ... آمييييين