اختي زوجها بجيزان وتخيلو ايش يسوي......

[الدب الصغير]

حبيباتي بنات بلقيس
مساكم الله بكل خير....عندي مشكله وابي منكن حلول منطقيه وكلي ثقه اني راح الاقي الحل معكن
اختي زوجها بجيزان وبعيد عنها:tears::tears:
ما تصدق يجي اجازات بس للاسف يقضي هالاجازه مع اصحابه تخيلو القهر يجي يومين يقعد معاها وباقي الاجازه يادوب يجي ينام واول ما يصحى يطلع ولا يجي الا الفجر وهكذا الين تنتهي اجازته
حتى مشاوير خاصه ببناتها ما يسويها عندها 3 بنات الله يحفظهم كلهم صغار ويبيلهم رعايه ما كأنه ابوهم والله يابنات تحزن بجد فاقدته المشكله انها تكلف نفسها فالاستعداد لجيته كأنها عروووووس وللاسف ما يعبرها
وهي طفشت من اللامبالاه اللي عنده
ايش الحل برايكم؟؟؟؟؟:c028:

 

[ام فجوره.]

ليه ماتروح معه جيزان؟؟؟ افضلها ولبناتها الله يخليهم لها

 

[احسبهم يحبوني]

وش يقعدها لحالها هي وبناتها تروح معه والي يصيريصير والله
وبعدين خليها تكلمه ليش ما يقعد مع زوجته وبناته
مع قوله مو مشتاقلهم
الله يعين

 

[سحآبة صيف]

قولي لاختك تروح معه شكله تعود على بعدها ترى البعيد عن العين بعيد عن القلب

 

[احلىحلاوه]

الله يفرج همها

 

[طيبتي أكبر همي]

الله يفرجها عليها إن شاااااء الله​

 

[ندى الريحان]

تروووح معاااه
الله يفرج همها ويرده لها رد جميلا

 

[رولالان]

هي لو ساكنه ببيت اهلها وتروح معاه اذا جاء شقه خاصه بهم

لما يجي الممره الجايه لاتروح معاه الا يوعدها انه يجلس معاها مثلا من العصر الى العشاء او وقت يحدده للعايله

وولو عيا تقول اجل خلاص بجلس هنا ,,,,وش الجديد انا تعودت ع بعدك ,, والبنات بعد تعودوا ,,,,,صدقيني يندم

 

[(دادا مرادي)]

الله يفرج همها

 

[بشريكو]

ولييييييييييييه اختك ماتصارحه؟؟؟؟؟؟

 

[الدب الصغير]

تسلمو حبيباتي عالتفاعل بس صارحته وقالتله يقول انا من حقي اقابل اصحابي هو طبعه عصبي جدا
حاولت تروح معاه بس هو في المعسكر ومالنا احد هناك تقعد عنده اهلي مارضو تروح هناك اقلها هنا بابتي معاهم لو احتاجت شي
والله يابنات انها صارت تنحرج من اهلي...

 

[Markit_7oob]

انصحيها تقوي علاقه بناتها مع ابوهم

صدقيني اذا اهما اشتاقوله راح يملون عليه دنيته

مثلا دايما تكلهم عنه يوم يرجع تاخذ هدايا و تقول انها من ابوهم عشان يتعلقون فيه

تتصل تقول بناتك يبون يكلمونك او طول اليوم و اهما يسألون عنك و انا اقولهم راح يوصل قريب

 

[دلوعه ولودي]

الله يسخر له زوجها يارب هذ رجال مدري شيعجبهم.......الله يصبرك يارب

 

[دنيا حزينه]

انا اقول تروحي معه لجيزان احسن حل

 

[قربك مناتي]

الله يفرج همها هذا تعود على بعدهم وماعاد يبغى يتحمل المسؤليه

 

[بسمه مجروحه]

الله يعينها..في رجااااااااال من ذا النوع..للامباله

 

[نفيلة]

خبريها تسوي عكس التجهيزات الي تسويها كل مرة
اذا معتادة انها تكون عروس كل ما جاء هل المرة لما يجي هي تنشغل عنه و تخلي لها روحات و جيات و ما تتجهز كانها عروس تكون نظيفة و حلوة بس بدون مبالغة
و اذا متعودة تسوي له اكل و حلى و الخ الخ ما تسوي و تتحجج تعبانة مالي خلق جيب من برا
تعكس المواضيع
و بس يوصل و يرتاح ثاني يوم تقول له البنات محتاجين الخ الخ انا مشغولة هل الاسبوع اهتم انت بطلباتهم

 

[نعومه كول]

الله يعينها مالها الا تتفاهم معاه بالطيب
قولي لي هو كذا من اول ولا يوم ابتعد عنهم تغير؟

 

[القمر الخجول]

بنات خلق الله في كل مكاان ماتدري يمكن عنده وحدة هناك رياااييل هالزمن مابهم أمااان الرجال قاعد في حضن زوجته وهو مئة وحدة تدق عليه مابالك بعيييد وهالأصحاب بعد إلا مايخلو الواحد في حاله الله يعينها صراحة وزي ماقالت الأخت نفيلة في الأستقبال الجاااي لا تعب حالها وكون إستقباله عااادي ندري مشتاقة بس خليه يوتعي على أهماله شوي

 

[لمى الحب]

خبريها تسوي عكس التجهيزات الي تسويها كل مرة
اذا معتادة انها تكون عروس كل ما جاء هل المرة لما يجي هي تنشغل عنه و تخلي لها روحات و جيات و ما تتجهز كانها عروس تكون نظيفة و حلوة بس بدون مبالغة
و اذا متعودة تسوي له اكل و حلى و الخ الخ ما تسوي و تتحجج تعبانة مالي خلق جيب من برا
تعكس المواضيع
و بس يوصل و يرتاح ثاني يوم تقول له البنات محتاجين الخ الخ انا مشغولة هل الاسبوع اهتم انت بطلباتهم

مية ميه تحسسة انهم بحاجته هو متعود انه مو محتاجينه شال حالة من كل شي لازم اختك تتصرف بسرعة قبل مايفكر بوحده تحتاجه بكل شي الرجل بها الايام مايحب اللي ماتحتاجه وماتطلبه واللة الصبورة مالها اي فضل عليهم عادي بكيفها لازم تتحرك اللة يهدية