احلام اليقظة

[كاميليا روز]

السلام عليكم
البركة فيكن يااخوات
مشكلتي اني قبل كم سنة وبعد التخرج قعدت في البيت مدة طويلة وكنت احلم احلام اليقظة وتطور الامر وسارت كوابيس يعني صرت اتخيل نفسي اضارب مع اخواني ولامع اصحابي بس هذا كله يهون قدام احلامي بزوجي
يعني اتخيل اني اتخاصمت انا وياه لاو اصدق الحلم بعد
المشكلة يا اخواتي اني اتلذذ باني اكون الضحية والمقهورة والمظلومة علشان كذه سميتها كوابيس
ساعدني يالاخوات

 

[الحلى كله]

لازم تعالجين نفسك عشان ماتتطور الحاله والله يرزقك بابن الحلال اللي يعوضك خير

 

[ليل الشتا]

الظاهر أنك وايد تقري قصص المظلومين والزوجات المظلومات وتطبقيها على نفسك أحسه طبيعي هالشي يمكن لانك مغلوبه على أمرك وتستقوي بينك وبين نفسك
نفس الشي اني كنت أتخيل نفسي أضرب أخواني وربايعي لانهم أضربوني وفي الخيال أنتصر عليهم ياسلام لكنه هالخيالات ما تأثر
ودمتي بعافيه

 

[زهرة البوادي2006]

اختي حاولي تشغلي نفسك بامور ثانيه لان احلام اليقظة لها اثار سلبيه

 

[كاميليا روز]

شكرا خواتي على الردود
رغودي انا متزوجة وزوجي يحاول يرضيني لكن انا بعد احلام اليقظة احس انه ظالمني هو ما يدري وش فيني
انا عندي اشغال كثيرة لكن اسيبها وارجع لاحلامي
انا بدات اعالج نفسي بتوفيق من الله في البداية خففت الاحلام وبعدين صارت احلامي حلوة بس المشكلة كل ما يزعلني زوجي الاقيني احلم وانا معاه
يعني هذا الشيء مرتبط بزوجي وهو انسان طيب مرة ويحاول يرضيني الظاهر في الاخير بيطفش

 

[غاليه]

اشغلي نفسك كثير عشان ماتلقين وقت لاحلام اليقظه

واحلام اليقظه شي طبيعي لكن اذا زادت عن حدها يمكن تكون حاله مرضيه

 

[كليوبترا وبس]

انا نفس حالة تماما !!
ياترى وش برجك " السرطان" ولا "الاسد" ؟؟
نفسي اتخلص من هالحالة اللي تخليني اترك واجباتي واتخيل حاجات حزينة !!!
وخاصة قبل النوم ممايسبب لي صداع شديد وبكاء شبة يومي!! ما تتصورين
واحيانا صرت اخاف اخلط الواقع بالخيال وهذي الحالة عندي من عمري 12سنة!!
والن عمري 26 وزادت !!

 

[وجدتها]

انا بعد ووووايد اتخيل اشياء قبل لا ارقد واتقمص شخصيات غير شخصيتي والف قصص في مخيلتي واحط السناريووو والحوار ...والفرح والحزن والقصه الي في بالي تم معاي ايام واسابيع....ما ادري هل هالشي طبيعي ؟؟؟؟؟؟
بس الي يخليني اتوقف هو الاستغفار والذكر والصلاةعلى النبي



وجدتها.....وجدتها.....وجدت سعادتي بالصلاة على النبي محمد

 

[ام شهد]

انا كنت واااايد احلم باحلام اليقظة بس هاي الاحلام انتي اللي تتحكمين فيها وانا كنت دايما اتخيل الحياة الحلوة السعيدة مع ريلي وعيالي والحين في هالفترة احلم بالبيت اليديد وكيف بتكون حياتنا مع بعض وتربية عيالنا والعابهم وغرفهم ...حاولي اختي تتوقعين الاحسن مب الاسوا..
ولما اكون مقهورة من حد احلم اني انتقمت منهم وكل هذا بكيفي

 

[ارياف]

اتوقع هذي حالة مرضية
عالجي نفسك قبل لاتستعصي الحالة
ياليت الاخصائيات يردون عليك افضل



وللاخت كليوباترة وبس الايمان بلابراج وتصديق مافيها قد يودي الى الشرك والعياذ بالله
كذب المنجمون ولو صدقوا

 

[وجدتها]

اخبركم طلع ......عندنا حاله نفسيه يعني .....الله يخليكم جاوبونا يا دكتتتتتتتتووووووورات

وبعدين كيف نحن مرضى نفسييين...كيف عرفتوا وانتوا مب دكاتره نفس؟؟؟؟؟

بس ليش احس اني طبيييعيييه

وجدتها.....وجدتها.....وجدت سعادتي بالصلاة على النبي محمد

 

[كليوبترا وبس]

يووووووووووووووووووؤ
صدق واللة الموضوع مهم
ياليت احد عندة خبرة يجاوب !!!!!! يمكن يكون عندنا مواهب تأليف افلام !!!! خخخخخخخخ

 

[كاميليا روز]

شكرا لكن اخواتي على التفاعل وكم اسعدني وجود من هي مثلي ويسعدني اكثر شفاءها بقدر شفائي لاني اعيش حياة غير حياتي وزي ما قالوا بعض الاخوات انا فعلا اصدق انها حالة نفسية لكن هل ممكن اعالجها بنفسي ارجو اللي صار لها زي كده تجي وتولينا عالدواء
واخيرا انا لا اؤمن بالابراج من باب كذب المنجمون ولو صدقوا
والله يهدينا الى الخير