احس اهل زوجي ما يحبوني لاني طيبه

[ريشه ورديه]

أحس أهل زوجي ما يحبوني لأن ما عندي لسان سليط جريء يرد

اللي يضايقني ويتهأ لي انهم يحبون زوجة ولدهم الكبير اللي هو من ام ثانيه

أكثر مني

لأن لسانها طويل وشخصيتها قويه وترد الكلمه بعشر حتى خايفه من شي

الحين زوجي يحبني بس خايفه بكره مع العشره يصير مثل اهله يرمون

علي كلام وانا اتحسس منه انا حساسه مره ودمعتي قريبه اخاف مايقدرني

ولا يدللني مع اني انا وزوجي الحمد لله متفاهمين

دايم يقهروني بالكلام بس اسكت ما ارد عليهم ودايما لبقه بزياده عن اللزوم

هم عايله مره مزحهم ثقيل واصواتهم عاليه بس انا ما اعرف امزح زينهم مزحي على قدي

وماني صريحه عشان ما اجرح احد

حتى سواليفي بسرعه تخلص ولا اعرف اسولف زيهم حاولت اجاريهم ما قدرت

لأني ما احب اتكلم عن اي وحده حتى لو انها مثلا زعلانه من زوجها وهي فعلا زعلانه

وفي بيت اهلها ما اقدر اشاركهم في الحديث مدري ليش لاني احزن عليها لو كنت مكانها

ما احب احد يتكلم فيني

احس طبايعهم بصوب وانا بصووب ثاني وهالايام فيني طفش مو طبيعي لان اهلي بأخر الدنيا

ماعندي احد الا هم ولاني قادره اتأقلم معاهم

طفشت من الحياة وبديت انطوي عنهم مره لان ما ابي اسمع كلمه تزعلني

لي سنتين ولاعندي اطفال وكل ايام الاسبوع لحالي انا وزوجي بـس ودي اغير جو

اقابل ناس بس حتى مرات اطلع مع ام زوجي تحرجني قدام الحريم وتهز ثقتي

بنفسي وانا ما اعرف ارد على بالها اني ما ازعل او احس

مدري ليش احسهم ما يحبوني مع انها مرات تمدحني تقول طيبه وبيتها نظيف وملابس زوجها دايم مكويه ومرتبه

شوفو لي حل كيف اتغير عشان اقدر اتعايش معاهم والله تعبت وكيف اقوي شخصيتي

واترك الحساسيه واجاريهم بالكلام كييف

 

[دانة الشام]

أختي معك معك بتتغيري ويتخف درجة حساسيتك....بعدين خليكي ع طبيعتك يعني إنتي بلاصل حكيك قليل ...مو كل الناس متل بعض...اذا شفتيهم عم يحكوا عن وحدي تاركة بيتها متل ماعم تقولي مو بضرورة تشاركينهم بس بنفس الوقت ماتبينيلهم إنك مستغربة من حكيهم أو أنو هادا شي مابيعجبك حتى ولو بتعابير وجهك لأنو هادا شي بيستفز بيت الاحمى كتيييييييير ,,,يصطفلوا بحالهم الله يهديهم...حاولي تعزميهم لعندك وتوجبيهم وتعمليلهم أكلات حلوة ع شرفهم بين وقت وآخر...وبل عكس لاتكتري روحات لعندهم أحسلك ولما بتروحي خليكي مرحة ووجهك كلو رضا وبشوش وهادا أهم شي لاستمالة قلوب الناس..أما الحكي والثرثرة ترى مامن وراها غير وجع الراس...إنتي ركزي بزوجك واهتمي فيه ودلليه ووقتها مابيلاقو كلمة يحكوها عليكي...واذا سمعتي منهم كلمة مابتعجبك طنشي اعملي إدن من طين وإدن من عجين...لأنو بنهاية رضا الناس غاية لاتدرك...اشغلي نفسك بهوايات مفيدة وبل عكس استغلي وقتك لسى ماعندك أطفال(الله يرزقك بذرية الصالحة عاجلا غير آجل يارب)يعني اعملي شي يشغلك وقت فراغك ويكون مفيد وممتع بنفس الوقت

 

[راحة البال مهمه]

ادرسي حاسب افضل شيء لك واختلطي باالمجتمع وكوني صداقات خارجيه يووووو

 

[محبة مكة]

الا يحبوك ولكن حساسيتك الزائدة تتخيلين انهم لا يحبوك

 

[لميس الحنونة]

يحبونك لأنهم يمزحون معك بس ع قولتك ثقيل مزحهم تحملي والثانيه يتحاشونها ما يخافون منها وش حادهم على الخوف ...ابدا لايدخلك الوساوس وتخرب علاقاتكم وافضل شي قللي الاحتكاك بتنمية مواااهبك او التحقي بدار تحفيظ افضل من القيل والقال

 

[qmarel_leel]

الله يسخرهم لك يارب

 

[وحيده في دنياي]

الله يغير حالهم ويفرج همك يااااارب

 

[ام رنومه]

الله يفرج همك يارب

سبحان الله وبحمده سبحان الله العظيم

 

[بـدويـه مـودرن]

احس وضعك معاهم حلو معترفين لك انك نضيفه وبيتك مرتب ومهتمه بزوجك والاهم انك طيبه معاهم
وطبيعي تكون رسميه العلاقه مع زوجة اخوهم اللي من ابوهم بحكم انه انتي اقرب لهم منها

 

[اتعبني هواك]

سبحان الله كأنك تتكلمين عن أهل زوجي لسانهم آخر البيت
والكلام لهم بس وإذا تكلمت أوفتحت موضوع كلوني بالهذره اللي مالها
داعي ودايم اسمع ذبات مالها اي داعي..وكنت أسكت لأني ماأبي أحد يفشلني سنتين على هالحال بس لاعت كبدي وكل ماله وينغصون علي حياتي وصارت النفسيه زفت فالبدايه إذا رموا كلام علي أسوي نفسي ماأسمع وأطنش واخذجوالي وألهى فيه ..وأحيانا أذا الكلام قوي اقول من ذوقك والله وتسكت بعدها جاتني جرأه مووووووطبيعيه من الظلم اللي اشوفه صرت أرد الكلمه بعشربلامجامله بلاخرابيط تعبت من كلامهم اللي زي السم وقللت زياراتي لهم لأني كنت ساكنه سنتين عندهم وطلعت ..حبيبتي سكوتك هذا راح يخليهم يسيطرون علييييك وعلى حياتك وزوجك..عادي لاتسولفين اذاتكلموا بموضوع ادخلي معهم بالسالفه
واذافشلوك ردي عليهم بس وانتي مبتسمه لأنك اذاحسستيهم انك متضايقه راح يزيدون برفعة الضغط أهم شي اكسبي زوووووووجك ولاتقولين هاذي قالت وهاذي سوت هذولي اهله وماراح يوقف ضدهم بالعكس بيسمعك كلام يغثك اكثر فخلي مشاكل اهله برى حياتك انتي وياه احتويه على قد ماتقدرين ولاتخلين تفاهاتهم تأثر على نفسيتك اختلطي بجيرانك وعلى قولة احد الاخوات ادخلي دورة حاسب تجميل انجليزي اي شي تسلي فيها
والله يكون بعونك حبيبتي ويرزقك بالذريه الصالحه

 

[محبه الدين]

شوفي اختي لازم تصيرين قويه شوي حتى الرجال مايحب يشوف زوجته ضعيفه او ماتاخذ حقها اذا حاولوا يغلطون عليك لا ترضين ابد وحاولي تقلليل الروحه عندهم وشغلي وقتك بشي يسعدك ويفيدك

 

[ريشه ورديه]

شكرا لمروركم

ودي اتغير والله واصيـر قوويه بس ما اقدر تربيت على الأدب الزايد

وبالنسبه للمعاهد انا ادرس انتساب حاليا ادعوووولي بس اتخرج اتوظف يارب

 

[اصغرزوجة]

شوفي انا ما اتاقلت مع اهل زوجي الا بصعوبة وكنت احس ان اهل زوجي يحبوا سلفتي مرة ولدهم الكبير وانا ما يحبوني بس انا غيرة نفسي وصرة كل ما اتكلموا اتكلم معاهم الين صرة مثلهم وصاروا يحبوني اكثر منها​

 

[كلي حنو]

والله يا اختي لا تسكتي ع احد يغلط عليك ..

او يقولك كلامك يقلل من مقدارك ..

صدقيني الطيبه الزايده ماتنفع مع البشر ..

وربي ان البشر والناس مايبالها الا طواله لسان ..

انا كذا والله مع اهل زوجي مو حيل اسولف معهم ..

بس انا اكثر من مره اقول لهم ان اذا احد غلط علي ما اسكت له

لو كان اللي كان واصلا زوجي يعرفني ان لساني طويل ..

ولا ارضى احد يغلط علي .. قدامها ارد عليهاا واحرجهاا ..

بس علاقتي معهم اصلا انا مو حييل ويقولوو لي سولفي

تعودي عليناا بس انا مو حيل وياهم نادر ما اسولف مع الكبار اكثر

شيء مع البنات .. اللي من ضدي .. احس ماعندي سوالف

مع الكباار واوقاات تضيع السوالف مني ..

فألزم السكووت احسن لي او اروح الغرفه الثانيه ويا البنات

اوقات ينادوني اقول لهم ترى بجلس ساكته كان خليتوني مكاني هههه..

او هم يقولوو لي اذا بظلي ساكته اجلسي مكانك اقول لهم انتو اللي قلتو لي اجي

كان خليتوني بالمكان اللي انا فييه يفكرو اني اسكت انا او بستحي مابكلم ..

صدقيني والله الطيبه ذي الاياام ماتنفع ابد والطيب في هالزمن ماله حظ بالدنياا

والله الناس الطيبه في هالزمن ناس واجد يستغلووه ..

انتبهي تصيري طيبه بزايده ..

والله يوفقك يالغلاا ويسعدك ..​

 

[فلونه فلنتينو]

غلاتي
خلي علاقتك معاهم سطحيه لان الحموله قليل ما تلقين ناس تتفهم وضعك او يطابقونك ويحبونك الا من هدي الله
اهم شئ تكسبين زوجك وثم والدينه والباقي خليك معاهم زينه وبرسميات لان البعض يتمادي ولا يحترم احد
حاولي تكسبينهم بمواقف حلوة منك او هدايا ولا تكثرين ولا تنسين المواجيب بوقتها
ولا تقابلينهم علي طول يملونك -- ولما تقعدين معاهم خليك بشوشه ولا تتدخلين بخصوصياتهم تتعبين بعدي عن الشر وغني له بعد
ولا تظهر منك الزله وتندمين وحاولي تكسبينهم ---- وتقبلي مروري --وفقك الله

 

[الــغــيره]

الله يعيينج اختي

بس مااتوقع انهم مايحبوونج

بس مثل ماقلتي مزحهم ثقيييل

وفي ناس وايد جذي

ماعليج منهم

اهم شي اهتمي بزوجج

وحاولي تشغلين نفسج بشي ثاني

 

[عذبة الروح 2]

اهل الزوج ما تقدرين ترضينهم
المتربيه وعارفه حدودها تنهان ولا يكون لها قدر عند اهل زوجها
ولي تعاملهم بنفاق وكلام شرقي غربي.. وتحش في هذا وتكذب على لسان هذا يحبونها موت حتى التقدير يقدرونها حتى ام الزوج تشوفين منها معامله تخليك ودك تأدبينها (ستغفرالله) بس شتسوين ..
قولي بس اللهم لا اسألك رد القضاء واسألك الطف بي..

 

[ريشه ورديه]

يسلمو خواتي

اللهم لا أسألك رد القضاء ولكن اسألك اللطف فيه

مشكلتي الحساسيه تصدقون من تزوجت حسيت اني اطيب وحده في العالم والله ما احب اشوف وحده

احد يشمت فيها احزن عليها مرررره < وعند الناس شي عادي ولا احب اشوف وحده منحرجه من شي احاول

ابين لها ما ادري ولا اسالها< طلعو الناس بالعكس

الله ييعين ويرزقني طوالة اللسان والقووووه والشجاعه

 

[سحاب الملح]

والله يااختي انا اشوف ان شخصيتك ماشاءالله حلووووووووه مره
خليك على ماانتي عليه...لاتغيرين نفسك عشان احد
هذي انتي وهذا طبعك....بعدين مطلوب من الأنثى ان صوتها يكون هادي
ووشلك بالقيل والقال.....لو جاريتيهم وتكلمتي عن فلانه وعلانه بتاخذين ذنب!
وش راح تستفيدين ساعتها!!

احسك نااااااااعمه مره وطيوبه وحلوه بعد

عززي ثقتك بنفسك واتزي بشخصيتك....شوفي نفسك على انك احسن منهم في كل شي

بعدين وش دراك انهم يحبون سلفتك اكثر........ممكن يكونوا تعودوا عليها بس مو مسألة حب

اناكنت اشوف ان سلفتي احسن مني لأنها تجلس مع عيالهم وماتستحي مثلي وتطلب منهم اغراض

بس مع الزمن اكتشفت انهم ساكتي على بلاويها واني انا الأغلى عندهم!

وانا عكس سلفتي كلامها كثير وفضوليه الله يذكرها بالخير....انا محب القيل والقال واحيانا يكون عندي معلومات في موضوع يتكلموا فيه بس ماأتكلم!

اهم شي اسوي اللي يريحني مو يريحهم

والله يوفقك

 

[ام حماده السكر]

مثل اهل زوجي بالزبط اكانك تتكلمين عنهم اصواتهم عاليه ومزحهم ثقيل وماسخ كمان ولاني طيبه معاهم احسهم مايحبوني وحرمة ولدهم الكبير يحبونها مع انه صارت بينهم مشاكل في اول زواجها مع عمتي تخيلي تهاوشو بالكلام وصرخت فوقها وبدى يوصل بالطلاق بس الحين يحبونها سبحان الله انا في الشرقيه وهم في جده بس لمن اروح لجده ازور اهلي اضطر اني اروح عندهم عشان ماتزعل عمتي وتشوف عيالي اول استقبال حلو وبعدين تنقلب 180 درجه تدقني بالكلام وتجرحني تحب تشوفني زعلانه بس انا محترمتها لانها كبيره في السن وزوجة ولدهم مااحترمتهالمن خاصمتها وصرخت في وجها ومع ذلك تحبها حتى انها كلمت شغالتي عشان تجيب شغاله لها من دون هي ماتقولها ولمن جبت انا شغاله مبين مقهوره مره لدرجة لمن انادي على شغالتي في بيتهم عمتي تدخل وتصرخ بصوت عالي في وجهي تقول كل شي عليها الله يعينها ومن هذا الكلام انا عندي ولد وبنت ولمن ننعزم عنهم وقت العشا انا معايه الولد اطعمه وشغالتي معاها البنت يعني عشان تساعدني ليش انا جايبتها مو عشان تساعدني وبرضو تتدخل تقول ليش ماتخلينهم عندك حرام خلي الحرمه تعرف تاكل قصدها الشغاله قلتلها والله ياعمه حتى انا باتعشى واثنين معايه ماينفع يعني هي ترتاح وانا لا انقلبت الادوار في كل حاجه تتدخل وتتضايق لمن ولدهايطلعني ويمشيني وحرمة ولدها الكبير والله شبه يومي يطلعون وماتتدخل ابدا لا وبعد مبسوطه الله يعينك والحال من بعضه وبالتوفيق