احبه ويحبني بس.....

[مس بيوتي]

بسم الله الرحمن الرحيم هذي اول مشاركة لي في هذه المملكة الرائعة
حابه اشارك معاكم في مشكلتي مادري اعتبرها مشكلة ولا لأ بس حابه اسمع آرائكم في مشكلتي
انا امرأة متزوجة من خمس سنوات وعندي بنت وولد الحمدالله وزوجي كل مواصفات الرجل المثالي فيه واهم مافيه انه ملتزم ومايعرف في الخرابيط وانا اول امراة في حياته ... يحبني ويموت فيني يغارعلي جميع طلباتي اوامر مثل مايقولون ........الخ
بس:sad_1:انه قليل الكلام والمدح يعني بالموت اسمع منه كلمة احبك صارحته قالي انا ماجربت من قبل علشان اعرف اقول كلام حلو الحين ماراح اطول عليكم يمكن تكون المشكلة في نظركم بسيطة بس تاعبتني ووووايد لدرجة ان علاقتنا العاطفية والحميمة صارت جامدة وباردة مالها طعم واحس ان الجنس اخر اهتماماته في الحياة عكسي تماما مع العلم اني جميلة جدا والكل يشهد على ذلك وشكرا

 

[dr_sayed_sara]

تقريبا زوجك مثل زوجي بس لما أسأله إنت ليه مش بتقول كلام حب قالي دايما الحب بالفعل و ساعات كثير السكوت أحسن و أفضل بالكلام و كلمة أحبك انا أقولها في جميع تصرفاتي صراحة بعدها سكت

 

[مس بيوتي]

شكرا حبيبتي على الرد وعلى الاهتمام بمشكلتي

 

[ام سعووودي]

السلام عليكم اختي الغالية ..

اختي هذا طبع في زوجك انه ما يمدح ما يتكلم الريال طبيعته جي عكس الحرمة ..
لانه نحن عاطفيين ورومانسيين والرياييل مش شراتنا ..

وانا نفسج اعاني من البرود الجنسي وبشكل فظيع يعني فس سنة وحدة بس مرتين رقد معاي ..
بس يقولي كلام حلو ويمدح بس مش وايد .. بس شو الفايدة .. وجنس مافي اتحسين الحياة باردة ما فيها شي يحببكم في بعض ..

والحمد لله انه ريلج معاملته معاج حلوة .. انا عصبي وما يحترمني دايما يصرخ ..
بس الحمد لله اشوف ايجابياته وانسى سلبياته ..

ولا تنسين ادعي ربج وصلاة الليل واضبي عليها .. والله يفرج همومنا كلنه انشاء الله ..

 

[شانتال]

الله يعينك اللي يقرأ مشكلتك يقول تافهه بس والله انها مشكله كبيرة لما تحسين انك ساكنه مع اخوك مو زوجك
ضروري الزوج يقول لزوجته كلام حلو ويتغزل فيها ضروري يدفئ الجو شوي بكم كلمه وكم لمسه
بس هذا طبع الرجال مايحسون ابدأ بأهمية الكلمه حتى لما نقولها احنا لهم مايحسون بالسعاده زي مانحس فيها حنا
انا زوجي جاف شوي بس عاد الحمدالله ماوصل لحالة زوجك ويمكن لأن الجنس شوي يحسسني اني باقي مرغوبه مع ان رغبته فالجنس خفت شوي عن قبل يمكن من ضغط الدراسه الله اعلم
الله يسخرهم لنا ويسخرنا لهم

 

[مس بيوتي]

مشكووووووورين وايد اميراتي على كلامكم الاكثر من رائع كفاية علي مشاركتكم لي ومواساتكم لي شرحتوا قلبي والله وسعيدة اكثر بوجودي معتكم في هاالمملكة الرائعة والله يفرج همومنا وهموم المسلمين اجمعين

 

[المحترمه]

والله ياختي شوفي مصايب الحريم في هالمنتدى وتهون عليك مصيبتك والحمدلله مدام طيب معك ويحبك هذا اكبر دليل على انه يحبك لاكن المصيبه اللي يقول لزوجته كلام معسول تقولين اسكت وش هالحب وبالاخير قاعد يخونها احمدلله عسى الله يجعل بينكم موده ورحمه ويزيدكم حب وشوق يارب العالمين

 

[فجر2008]

ايييييييييييييييييه........ذكرتيني بالذي مضى
كان زوجي كذا لدرجة اني كنت اتمنى انه مقطع السمكه وذيلها زي مايقولون لكن الحمد لله صار افضل في الكلام الحلو والمدح .وبس​

 

[بحارالاحلام]

حبوبه لا تخافي مع مرور السنين حيتغير و يكتب فيك قصايد بس حاول انك تعرف الاشياء الي يحبه واعرفي نوع شخصية والله يسعدكم

 

[Um.AbdullaH]

حبيبتي يقول لج ما يعرف!! علميه... دايما انتي اللي بادري بهالشي وان شاء الله بيسايرج... انا كنت مثل زوجج قبل زوجي يقول لي كلام حلو وانا لاء، يعطي وما ياخذ، بس مع الوقت صرت ابدع اكثر منه في هالسوالف ههههههههه... ادري حبيبتي ان هالشي يضايق وكان يبين لي انه متضايق، وقلت له مرة انا احبك بس يبيلي وقت... الله يخلي لج زوجج ويسخره لج

 

[شعشبونة83]

اللله يسخره لج ويحببه فيج

 

[ليمونة الحلوة]

حبيبتي لا تخافين هذا شي طبيعي في الريايل بشكل عام..
والريال يختصر كل كلمات الحب والغزل ببوسة أو حضن دافي أو علاقة حميمة ..
خليه يحب العلاقة معاج وابتعدي عن البرووود .. خليج متجدده وحميمة في العلاقة ..
والريال حساس وذكس ولامح..يلاحظ اي تغير بسيط ..لاكنه ما يتكلم ..خليج انتي شاطرة وافتحي
عيونج واذنج على كل شي..وبتلاقين الفرق ان شا الله ..والله يديم المحبة بينكم

 

[قويه بايماني]

يابعد عمري انتي اسحبي الكلام منه
دايم خلي لسانك حلو تغزلي فيه واكيد بيرد عليك ويتعود مع الوقت
في الكمبيوتر ماله اكتبي له كلمات حب وغرام اومقاطع اغاني اكتبيها وذيليها باسمك في شاشة التوقف منشان اذا كان بروحه يتذكرك حطي له رسائل غراميه في جيبه وهو رايح للعمل يشوفها ...
ولاتنسين الدعاء (اللهم ياغفور ياودود ياذا العرش المجيد يافعلا لما تريد صب حبي في قلب زوجي صبا وارني ذلك عاجلا غير آجل يارب العالمين

وكان الله بعونك

 

[أميره نادره]

انتي ياحبيبتي لازم اتعودي على الكلام الحلو والطيب لانا الزوج عالى حسب ما عواتي

 

[أميررره بكلمتي]

مصيبتك تهون أختي عند غيرك .............أحمدي ربك وشكريه

غيرك عنده أكبر من مشكلتك؟؟؟؟؟؟؟؟؟؟؟؟؟؟؟؟

الله يكون بعونك وعون أي وحده هذا الزمن زمن الفتن الله يحفظنا منها......

بصراحه مانقدر نعرف طبيعة هالرجال الي ميقولون كلمات الحب لزوجاتهم .........ويقولون ماحنا متعودين نقولها يكفي الحب بالقلب........ ويتضح لزوجه أن زوجها يعرف يقول أدهى كلمات الحب والغزل لعشيقاته........ويبخل على زوجته كلمة حب تبسط زوجته ......... وأذا قالت شي الزوجه قال حقك با(........)معطيكيه وش تبغين أكثر .........وعلاقاته تزيد مره عن طريق الجوال ومره عن طريق الماسنجر ؟؟؟؟؟؟؟؟؟؟؟؟؟؟؟؟

 

[حاملة المسك]

انا من رايي انك تبتدين وتبادرين بدون ماتحسسينه انك تننظرين منه شي ..اذا سمعك دايم تقولين له كلام حلو

حيبي وحياتي وتاج راسي صدقيني بيتأثر مع الوقت وبيتعود .. واي وقت يقولك حسسيه بسعادتك ورضاك

وان شاء الله مع الوقت يتيغير للاحسن

والله يسعدك ويهنيك معاه