احبه ومابي اخسره..ساعدوني

[اسرآر]

السلام عليكم
اخواتي اتمنى تساعدوني لاني تعبت والله من نفسي
انا وزوجي ( ملكه ) وضعنا مره فوق ومره تحت تهاوشنا قبل فتره وصار مايكلمني وماخذ موقف مني
ورجعت قربته مني بهدوء المشكله يابنات لما قرب مني وصار يرتاح للسواليف معي
رجعت لاسلوبي الي يضايقه صرت انشب له وازن عليه واسأله الف سؤال
وين رحت وين جيت تعشيت ليش مانمت اتصل علي وحشتني و وو و و و
بالبدايه كان عادي لكن نقل لعمل جديد في مدينه جديده ولما استمريت على اسلوبي
بدا يتذمر وصل لمرحله قالي خلاص ننفصل ازين شي من كثر ماضغطت عليه
وعصب علي وصار اسبوع اكلمه مايكلمني مارد على الا بالعيد بس مو مثل اول
يابنات اكلمه يالله يرد وردوده مختصره
الله يعين ماشي الحال حتى كيفك مايسالني
وحشني اهتمامه
مدري السبب فيني ولا بجموده
احيان اطلبه اقوله بسمع صوتك يتعذر مشغول ابي انام اي شي
وانا ماسويت كذا الا من حبي له
انا مقهوره انه قرب مني كثير بعد الهوشات والمشاكل
وصار يتكلم ويضحك معي وصار يقول احبك ومشتاق لك لكن لما رجعت لاسلوبي
رجع بعد عني الف خطوه لوراء
ساعدوني ابي ارجع حبيبي مثل ماكان معي
تركته 3 ايام ماكلمته ولا اتصلت عليه ولا سال عني
ولما رجعت اكلمه يكلمني ببرود تطمنت عليه على عمله الجديد
وجاوبني بمختصر قلت له بتطمن عليك بتصل عليك
قال تطمني كل شي بخير وانا مشغول
قهرني
مايشتاق لي مايهتم مايسال
انا كل الي يوم الي اسال واهتم اواتطمن واشعار ومسجات حب
شخصيته شمالي شرقي
ساعدوني مابي اخسره لان سكوته وبعده عني وهو في غربه
يخوووفني ومجال عمله كله بنات فخايفه من كل شي
اتمنى مساعدتكم

 

[بنت قلبي]

شوفي اللي يضايقه وابتعدي عنه

 

[رندا كووول]

طيب يااسرار انتي مااعطيتيه فرصه يشتاقلك طفشتيه اتصالات ومسجات ...كيف يشتاق وانتي لازقتله ..
ارجعي لطبيعتك قبل الملكه وعيشي حياتك ..هو اذا افتقدك راح يدور عليك ويسأل عنك ..وخليك هاديه وانتي تكلميه وابتعدي عن المشاكل وكثرة الاسئله ليه ماتتصل. وليه ماترد .وفين كنت.<<<<<<<.انتي ماخليتي شيئ لبعد الزواج طفشتيه وحاصرتيه وانتي لسه بالملكه اتعقد الرجال من الزواج بتصرفك .
............
الفتره هذه طوري من نفسك واكتشفي شخصيته من خلال الانماط وادرسيها ..وادخلي مواضيع فن معاملة الزوج ..واهل الزوج .عشان تبدأي حياتك صح من اولها ..
ربي يوفقك و يتمم لك ع خير

 

[الاميرة سنفورة]

الله يعينك البنات ماقصرو

 

[أم سيرين وسعود]

والله ياحلوة اجابة سؤالك في نفس موضوعك
تقولي بعد المشاكل قدرتي تقربيه من جديد بهدوء
طيب قربيه مرة ثانية بنفس الطريقة الاولى
نصيحتي بطلي اسئلة بطلي تحقيق وخليك راااااايقة طول الوقت ولا تتوتري بسرعة ولا تخليه يستفزك بسرعة ولاتعاتبيه كثير ولا تتشرهي ليه مادقيت ليه ماسألت وبردي قلبك عالآآآآخر والله رح تصير حياتكم حلوة .. وزي ماقالت رندا كول اتركي له فرصة يشتاق لك

دمتي بود

 

[مدهلتي]

سبحان الله وبحمده

 

[اسرآر]

بنت قلبي
مشكوره عيوني

رندا كول
ام سيرين

ادري والله بس مشكلتي لما اشتاق له ماقدر امسك روحي وانشب له
اليوم الصبح رغم اني موظفه وبعملي
اتصلت عليه مارد كلمته واتس صبحت عليه قالي معي بالمكتب ناس
بعد نص ساعه سالته كيف العمل عسى مافي ضغط
تخيلو وش رد ؟؟

قالي انتي ماعندك شغل ؟

قلت له الا بس بتطمن عليك
قالي بس ماصارت كل ساعه تتطمني علي انا مشغول وانتي تبين تسولفين
اشغلي وقتك بشي يفيدك

قهرررررررررررررررررررني
يعني هذا جزاتي ؟؟؟
تاركه كل شي وابي اكلمه مشتاقه له اتطمن عليه احسه جرحني

قلت له خلاص ماعطلك بس ارتاح لما اسولف معك واتطمن عليك وماتوقعت اني اضاييقك لهالدرجه
وقلت له انتبه على نفسك

شرايكم ؟؟؟؟؟
رده مو قاسي علي

 

[دلع نادر!!]

لا مو قاسي...:37:
مالومه انا حسيت بالنرفزه وانا اقرا الموضوع بسس...:25:

خفي عليه ,,,اثققلي يابنتي..,:33:
والا بجد بتجني ع نفسك
شماالي شرقي يحب الثقيلللله المشغوله عنه..
بطلي مسجات وحننه,,,
واشغلي نفسك هو يلاحقك ويهتم فيكي...
مو انتي لاحقه لاتزوجتي ع التحقيق:35:
المهم انتي اااثقلي وتدرجي بالثقل عشان مايقول شفيها فجاه انقطعت اليوم رساله وبكره رساله وبعدين كل يومين رساله ويوم ورا يوم ولما توصلي مره بالاسبوع والمكالمات عليه لاتدقي ابدا
:22:
وهو تلاحظي يبدا يلاحقك ويدور عليك وتتلذذي بالنصرر:26::26:


الحل بيدك وسهل بس امسكي نفسك ياجنوبيه هههههههه
باي

وعن تجربه هالحكي....:1:

 

[Esc]

^

دلع نادر صادقه انا بعد تنرفزت وانا اقرى والله خخخخخخخ
االغلط منك والله مو منه , وتأكددددي مع الشمالي بالذااااااات طول ما انتي تزنين وطول ماتلحقين وراه طول ماهو بيفكر يدور غيرك عند اول فرصة تحصل له
ليش؟ لأنه بيحس انك مو "قد المقام"

وطول ما انتي شامخة , مشغوله بنفسك , تحبين نفسك , ماتترجينه وتلاحقين وراه وتبينه يشبعك كلام حلو , طول ماتطلبينه فلوس وابي هذا وابي هذا , طول ما انتي معيشة نفسك ملكة بيعيشك هو ملكة وبيشوفك ملكة

الشمالي لا تتصلين عليه الا للضرورة وتكون مكالمة مختصرة تطلبين الشي وتسكرين
وحتى بالمحادثات والمكالمات العادية دااائماً خليه هو المبادر فيها , هو اللي يلحقك ويسأل عنك مو انتي , انتي تكلمينه بس اذا تبين تطلبين شي مو انتي ملكه؟ الملكات كذا خخخخخخ

 

[ღ لحن الحياة ღ]

:30: انشغلي عنه حبيبتي من جد قهرني اسلوبك جداااا

انا لو زوجي سوا كذا بطق منه حتى لو احبه راح امل من اسلوبه ......

 

[نووووفه]

الشاب خاف منك ومن مستقبله معك

ممكن انه يحبك ،،،،بس بملاحقتك له كل الصور السيئه عن الزواج

سجن وسجان ،،،،،اسفه بس ممكن هذي نظرته لك ولمستقبله معك

اذا انتي لك تصور عن الحب والزواج والشوق

خطيبك له تصور بعد ،،،،هل تعرفين هو كيف متصور الزواج،؟؟؟

حاولي تفهمينه حتى بعدين لو زعلتي او عتبتي عليه ،،،تكون عن معرفه وليس تصورات

اثقلي وعزي نفسك وخلييييها فوووووق

وربي يكتب لك التوفيق

 

[قسط]

الشمالي لاتبحثي عنده عن رومنسيه وحب وسوالف عشاق واتطمن عليك وحركات لافي مرحلة الخطوبه ولا بعد الزواج انسان جدي هالسوالف يعتبرها حركات مراهقين هو عندما ينجز ويجتهد في عمله وينغمس فيه اكثر هذا عنده هو تعبيره عن الحب لك لانه ينجز ويتعب من اجل ان يؤسس حياة كويسه لكم لكن الرومنسيات والكلام المعسول مو عنده يعني لو ماتقتنعي من الان بزوج المستقبل بتتعبي في حياتك القادمه لانه جاف شوي عاطفيا هو يضغط على نفسه ويجاريك على باله بتكتفي مايدري انك كل ماجاراك بتزيدي اكثر حتى خلاص نفذ صبره خليه براحته ومتى ماهو محتاج يعبرلك ويشتاق لك يبحث عنك

 

[اسرآر]

مشكورين حبايبي كلكم الي رديتو

بس حرام عليكم ليش كلكم حطيتوني انا الخطا ههههههه
طيب وهو مقصر معي بعواطفه كثير مايسمعني كلام حلو مايتصل علي مايشتاق

انا تركته يومين واليوم الثالث سالته اتطمن على عمله وعلمني انه متضايق وطفشان من العمل الجديد
ونفسيته جدا تعبانه حاولت اصبره واقويه واخفف عنه ماقصرت معاه والله

ياشماليات ؟ مو المفروض يقدر لي هالشي اني وقفت جنبه ؟؟

بعد كم يوم رحت اقوله وحشني صوتك يقول متضايق مالي نفس اكلم احد
نسى كل كلامي وكل نصايحه له حاولت اصبره ارسل له ادعيه عشان يصبر على الغربه

لكن انا اعطي واعطي وهو اقل شي مايقدم
حتى كلمه حلوه ماقال

مستخسر فيني اتصال يسمعني صوته ؟؟

علممموني كيف اخليه يشتاق لي وهو مسافر
كيف اخليه يتصل علي ويكلمني

تعبني معاه والله

 

[اسرآر]

بنات بليززز ساعدوني
هو كان يفضفض لي بهمومه وفرحت كثير
وحاولت اساعده واوقف معه بالادعيه واحاول اصبره
امس كان عنده موضوع مهم بعمله
سالته طمني على الواتس قال للاسف مانحلت المشكله
واختفى بعدها تركته لاخر الليل
وجيت اكلمه مو طايقني
انا وش ذنبي
سالته ع موضوعه علمني السالفه وهو معصب
قلت له روق طيب واهداء
قال تعبان راسي بينفجر و و و و
قلت له ارتاح خلاص اخليك
واليوم ارسلت مسج صباحي
وكلمته قبل شوي طمني صار جديد
قال ماني فاضي اسووق
انا ماكلمته الصبح قلت ابيه يهدا
يابنات انا وش سويت؟؟؟؟
قبل كم يوم هو بنفسه يجي ويفضفض
وانا سالته ابي اوقف معه بمشكلته
يرد علي كذا
انا بساعده ليش يعصب علي والايام الي راحت كنت اسمع له واخفف عليه
يعني على مزاجه ولا ايش

عطوني حل بليزززز

 

[أم سيرين وسعود]

طيب سؤال واحد،،
ليش مصرة تركضي وراه ؟!!
طيب وان قلت لك ان اللي عاقدة القران فقط المفروض ماتتصل على زوجها ابداً ابداً الا في شغلة ضروووووورية ولازم الاتصال
ليش ماتخليه هو اللي يتصل
لا تقولي ما اقدر
اذا ماتقدري ليش تستشيرينا
الجمييييييييييييييييييع كان ردهم عليك اثقلي وخفي عالرجال وبلاها الاتصالات والرسايل ًخليه يشتاق لك
ومع كذا ترجعي تشتكي منه
طيب يااابنتي هذا الحل
خلاص اعطيه فرصة يتنفس
ومولازم كل يوم تسمعي صوته مافيها شي لو صبرتي اسبوع عشر ايام واذا اشتاق بيتصل صدقيني
اشغلي نفسك بأي شي
كيف كنتي عايشة قبله؟!!! خلاص اعتبري نفسك لساتك ما ملكتي


والله نكتب لك كذا لأننا عايزين لك الخير
ولا نتمنى انك تفقدي زوجك بسبب مطارداتك له
تخيلي لو فيه شخص لاااازق فيك كيف بتحسي تجاهه؟!!
اللہ يوفقك يارب

 

[دات الخال]

انا لو كنت وحدة صحبتك كنت كسرت جوالك اسلوبك غلط انت تعتقدين بمكالمته كل وقت انك تغدقين عليه بالحب والحنان وهو من كثرتها يعتبرها ازعاجا انا في رايي ان لا تحادثيه الا ان اتصل بك اين الثقل خلي زوجك يبحث عنك غيري هوسك الزائد عن اللزوم بالمحادثات الهاتقية في كل وقت وخليه يشتاق لك