اتمنى تدخلون وتردون

[احاسيس الغرام]

لكل شخص بلحياه قصه وانا كتبتلكم قصتى مع عمى للفائده
كيفكم بلقيسات ان شاء الله تمام اليوم حبيت اكتب لكم قصتى مع ابو زوجى عمى واتمنى الى عندهم نفس المشكله يستفيدون
انا عمى اخو ابوى رفض ولده يتزوجنى وبعدين لما اصر الولد خطب انا كنت رافضه الزواج لانه مو مهم بنسبه لى وماشوف فيه شى يدعونى لتجربه
لحد ماكثرو الخطاب وكل مره عذر المهم خطبنى ولد عمى ورفضت بلبدايه وبعدين طلعت شايعه انى فاسده مع ولد عمى الثانى هو الى طلعه عشان يجبرونى اتزوجه وحلفت ماخذه وجمعت ريجيل العايله وحريمهم وسئلته قدامهم اذا تجرا يوم وحاكانى قال انا ماقلت وحاول يتهرب انا ماقدرت امسك نفسى عطيته كف كلهم صارو يناظرونى قلت خلك عبره لغيرك قلتلهم اذا عندكم شى ثانى قولو ترى مانى فاضيه اطرد الكلام المهم انتهت السالفه وقالو اذا انتى صادقه وافقى تتزوجين حتى امى قالت لازم تتزوجين والكلام انتشر والله يابنات ماهز فينى شعره لانى واثقه من نفسى لاكن جرحتنى نظرت اهلى احسهم مصدقين وانفتح الموضوع مره بعصر الجمعه وكنت تونى مخلصه الصلاه قلت يارب ماخلص صلاتى غير اسمع خبر زواجى وكنت ابكى وساجده ماتصدقون والله ماسلمت غير مى تكلم زوجت عمى وتضحك تقول بعد اسبوع شهذا ! ضحكت وقعدت ابكى لان مايمدينى اجهز وكنت معترضه على المهر 10 الاف ريال انقهرت بس مقدر اقول لحد امى مانعتنى قلت عمك والله انى احسك بئمان عنده اكثر من زوجك الى هو ولد اختى وسكت كنت افكر كيف تطلع برئتى وبس ماهمنى شى ثانى راحت الاسبوع بسرعه وتم الزواج على خير كنت اسمع الحريم ياحظ الى اخذك ياريتها قبلت بوليدى منقهر وكنت اضحك منهم بداخلى المهم تم العرس بقولكم شخصيتى شماليه شرقيه بس انى خجوله مره والصباحيه كنا بنروح نتمشى ورفض عمى ولما رحت اسلم عليه رفض وراح ومدرى شسالفه والله انقهرت كان زى العسل معى والحين تغير المهم بعد ايام رضى وسلم وماكئن شى صار ابداً ورحنا معاه لرياض وريتنا مارحنا تحكمات وطلايب كل يوم ومايخلينا نطلع ويكذب على عند زوجى زوجى يعرفه بس انا ابيه يعرف انى عرفت بكلامه وماكئنى سمعت شى ومره لقيته زعلان مره ولاادرى شسبب مايكلمنى ابداً واقعد اسئله قال انتى تعرفين طلع زعلان بسبب تافه وترضيته ورضى بعد عذاب وعلى هلحاله بس للاسف ماكنت اعرف انه يجيه كلام ويشيل على كنت على نيتى وصار كم مشكله قال زوجى هو عنك بكيفك معاه انا مالى دخل بينكم قلت خلاص بس لاتدخل ابداً واتفقنا زوجى طيب زياده وخواف مره عكسى احب اواجه واوقف المشكله من البدايه المهم قال انتى ماتربيتى زين وكذا قلت الى ربانى اخوك اذا شيف على شى مو زين قله يربينى من جديد قال مايفيد وسكت خلاص ومره قلت بقول لبوى يتفاهم وياك قال ياويلك ان درى عن شى ماحب حد يدرى عن اسرار بيتنا

 

[احاسيس الغرام]

وسكت كان ابوى يحس فينى ويسئلنى اقوله لا مافينى شى وسقطت وكان الحمل توه 10 يام وتكلم علينا انتم طارحينه ماتبونه وقعد مايكلمنا ولما جو اهلى تغير صار حليل مره وحبوب زيه قبل الزواج هنا مسكتها عليه وعرفت نقطة الضعف وصرت العب بعصابه كنت اضن انه يسوى كذا من نفسه ماتوقعت حد يوزه على المهم طفش منى كنت اذا قال شى اقول انا مثلك احب كذا واكره كذا عشان يظن انى نفسه فى كل شى ماتدرون ابى اعرف شيتوقع منى وساعدنى هشى كثيرتخيلو مره يقول قدام عيال عمى كلام يخص الشرف قلت اذا عندك شك اسئل ولدك لاقانى عايبه عشان انت تتكلم كذا قال ولدى مهب رجال عشان اسئله وولده ماتكلم انقهرت منه وزعلت عليه قلت انا احس انى معتمده على نفسى بكل شى انت شفايدتك اعتذر وراح تكلم مع ابوه وحاول يصلح الموضوع انا هنا قلت ودنى اهلى ولا دقيت على ابوى يحجز لى ولا استاجر شقه المهم زوجى قال بقدم على قرض وراح عمى سافر قلت فرصتى ابدا مخطاطاتى قلت لزوجى يله لايجي وقت سفرنا غير مخلصين وفعلاً خلصنا كل شى عشان مايقلول لولده شى وعذرنا نبى خالتى تجى معنا لانهم مطلقين وزوجى وحيدها وبعد فتره رحنا لهلى ومنعنى اروح لهم قلت مالى دخل البيوت متقابله وانا ماشوفهم ليه قال مافيه طلوع واطلع مالى دخل واجى الاقى البيت مقفول اطنش ادق على زوجى يفتح واحياناً انام عند امى وهى ماتدرى عن السبب اقول مشتاقتلكم ومره تكلم على قدام عماتى وعمانى ورديت عليه بهدؤ طفش وقام طبعاً هو محد يتكلم وهو موجود ولاحد يضحك حتى خواته المتزوجات الى اكب منه يخافن منه لانه متسلط وحرمته يخدمها هى وامها وهن يحرضنه على المهم حرمته هنا طلعت على حقيقتها كنت كل ماخبرها شى بينى وبينها يدرى واذا سئلتها قالت هو مايصير شى غير يعرفه مدرى شلون صدقتها لحد ما صارت هى تقول لزوجى حرمتك سوت وفعلت اهيه انقهرت لمادرت انا استئجرنا خلاص وكنت شاريه ذهب وكل اغراضى جديده مو زيي لما كنت عندهم كان يضغط علينا ياخذ الراتب مجرد بس 400 يخليها لنا بس مع هذا كنت اعرف اتصرف اخلى زوجى يتسلف واتقضى عشان اذا جاء الراتب ينجبر يخلى زوجى يسدد المهم ليله رحت لحفله وكئنت كاشخه لدرجة انى لما دخلت البنوتات بسلت الورد مستقبلينى يظنون انى عروسه ههههههههههههههه وكلهم يناظرون فينى انا استحيت مدرى شسوى وتجينى عمتى اخت ابوى ماشاء الله شزين ويمسكونى اسئله من وين شريت وين صبغتى ومكياجك فين سويتيه كله عمل ايدى ولمساتى ولما رجعت البيت لقيتها هى وعمى معصبين وزعلانين اثريه زعلان من زعل زوجته زعلت عشان شافت الكشخه ويستلمنى روحى نضفى واروح انضف قلت وش وراى ورحت انضف المطبخ لانى كنت رايقه وخفت صراحه من شكله ورحت انضف المطبخ رايح فيها قلت والله مقدر ارفض خفت واا انضف قاعد يطالبى وقال اتركى من يدك تعالى ابيك وقعد يصرخ بشكل مخيف قال نقلعى انا مانى ناقص لاعانت حاولت اهديه بس مدرى شصار له ورحت لغرفتى وماكن شى صار بعدين رحت لهلى شوى وجانى زوجى اخذنى للغرفه وكان متضايق قال تدرين ابى شقال قلت شقال قال يقول حرمتك اهانتنى ببيتى لوواحد غير زوجى ذبحنى زوجى قال اعتذرى منه اهم شى يرضى رحت قلت اذا انا اخظيت اعذرنى ياعمى قال ماخطيتى انا الى دايم مخطى وعصب زياده وهذا غلط انى تعذرت وبع وهو معصب عند زياده المهم زوجى قال تصالحو ولا ترى بخليك عند اهلك لين يرضى عنك قلت بكيفك انا ماسويت شى غلط ورحت قعد يبكى قال انه يقول اذا انت ولدى طلقها عرفت هنا شلمقصود من الحركات يقول ابوى يقول القرض كله راح بلبسها اليله وحرمتك تمشى مع فلانه وعلانه هنا انا عرفت من هو الى ملا راسه من زمان وسكت قال قولى لعمى يقصد ابوى يتدخل قلت اصلاً ابوى المفروض تدخل من البدايه بس انا خفت يتهاوشون وهم اخوان ورحت قلت لبوى قال بطقاق بثنين انا اربيهم طبعاً خبرته بكل الى صار من يومى الاول وكلمه وتفاهم معاه وراح له ببيته ووصاه على واخذ زوجى قال انت منت رجال الابو ماله صلاحيه يتحكم بزوجتك وانت لازم تسوى حد طبعاً انا كنت بقعد عند اهلى بس فكرت الشقه الى اثثتها وتعبت عليها لمن بتروح وهم بيفرحون لانهم سوو الى بروسهم رجعت على طول وكنت زعلانه على زوجى وماكلمه وادعى كل ليله عليهم وزوجى كان كل ليله يبكى ويتعذر يقول انا ماستاهلك قلت انا ينعمل فينى كذا لا ومن زوجى تعذر ووعدنى عطيته المصحف قلت اوعدنى انك ماتتزوج على مهماً صار

 

[احاسيس الغرام]

ماتتخلى عنى لانى بصراحه ماراح استامن معاك اذا ماوعدتنى واوعدنى انه ينفذ هشى ورجعنا لرياض بس ماروح لعمى وصراحه ارتاح بالى بس كل مايجى زوجى يجى طفشان يقول ابوى يقول انا محد تجراءعلى غيرها حتى الريجيل مايقدرون يواجهونى وهاذى بزر قدرت على وانت ساكت وكل مره يقول لزوجى انت متزوج مصيبه تخوف صراحه ويقوله بزوجك وطبعاً رفض مع ان العروض مغريه
ومره قال انا اعرفها هى طيبه بس اكيد حد محرضها ,, هنا مربط الفرس الى كنت ابى اوصله ,, لانه يتعامل معى كئنى مثل شخصيته ويشوف عيوبه يحطها فينى انا ضحكت وسكت لانى مابى زوجى يعرف الحيله قلت يظن كل الناس مثله وكل مايقول زوجى بسمى ولدى يقول ماراح ترضى امه وكان يقولى قبل نتقاطع انى مستحيل اسميه عليه لانى اكرهه انا صراحه مااكرهه لانى ادرى تصرفاته اجباريه نتيجة الضغوط ولما ولت قلت لزوجى ابيه على اسمه وزوجى رفض بلبدايه بس قدرته وقلتله انا ابيه على اسم عمى ووافق ماتصدقون لما خبره زوجى تغير مره فررررح وبكى من الفرحه انا على اسمه وتغيرت معاملته وزارنى وجابلى هدايا ماتتخيلون قد ايش ولا كئنه الاولى زوجى تفاجاء لانى كنت اقول انت طاوعنى وشف شيصير حتى معاملته لزوجى تحسنت وصارو قريبين حمد لله
الحين صارت معاملتى لهم سطحيه وماحد فيهم يتجراء يجرحنى حمد لله وبلعكس يحاول يكسبنى من جديد لاكن انا ماحب اتعامل مع شخص يحركه شخص ثانى
اتمنى انى افدتكم وفعلاً على قولت خالتى الكلام الحلو يجيب الداب من جحره

 

[الغوالي حبي]

فعلا الله يجزاك خير وبتلقينها ان شاء الله في صلاح عيالك

 

[الليالي]

الله يعينك ويسخر لك اللي ببالك
هدي الدنيا,, الصبر والصبر والدعااااء
اكثري من الاستغفار وصلاة الليل

 

[عطر المحبة]

الله يديم عليكم المحبة
بس والله طلعتي ذكية
وصدق لكل انسان نقطة ظعف ومفتاح خاص

 

[احاسيس الغرام]

الغوالى حبى &الليالى& عطر الحبه
نووووووووووووورتونى بمروركم
وترى انا بلبدايه تشوش تفكيرى بعدين قلت لازم اهداء مع انى كنت وحيده محدابصفى حتى زوجى وهذا الى خلانى اخذ موقف وماتخلى عن نفسى